Nappiigak 12:6 - Ala Wone Peenok Peebi Mbanak

⁶ At Keroret nen ko'lu awone amburu mbaniyak nduk at Peterut oonikiya mbuti keele eenggi peenok-peenok maarak nogo yege kagak, it aap yigin unde eeben peenok-peenok wonogwe, it ando tungga ambe paga arum wonogwe, eekwi iigak,

Nappiigak 12:6 ပူးပေါင်းရင်းမြစ်များ

Wakkagagerak 22:14

Kani kungge nagagerik, at Abarakam nen o nogo endage, “Ninogoba Ala Nen Punogo Pereegim o,” yinuk, tooneegerak me, puut nogo endage, “Iniki Mbakwi Punogo Piige Menggim Ala Abuut o,” yinuk, yogwe wonogwe aret o.

Ndawi 4:8

Togop aret me, Kaliku ALA wae. Niniki ugun tayenak logokit nduk, Kat nen mban eeppanege menggendak me, Niniki ugun aret winna'nuk nogo yege logogin o.

Yeremiya 40:1

Aap endagembogut eebe wonok nega inowe Nebutararan nen at Yeremiya o Arama keele maarak wonage me, piinogo wumbi wagagerak kagak, Aliku ALA nen aap Yeremiya wone yoreegerak nogo yi aret. Aap Nebutararan nen aakumi Yerutalem mendek inom, Yekura mendek inom, kugun wogoren o Mbaben mbo piya naakit nduk eeke logonet, at Yeremiya nogo inenggela'me mbutigeele maarak wonage kagagerak.

Yeremiya 40:4

kat yogondak keenggi mbutigeele paga maarak wonage yi, an nen wondet eerogo pagagi o. Kat nimbirak o Mbaben noorak uugwe mbake keenok, nimbirak aret nawok o. Nimbirak nage keenok, an nen karum wake logogin o. Ndi, o Mbaben time nimbirak noorak, Neebi, mbake keenok, ti op mban aret o. O yime kat logorak op mban wonage me, o yime abok aret nege logonet, An yime aret logorak op kagi, mbake keenok, time aret logomunggun o.”

Matiyut 28:4

it tum wako nogogwaarak nogo inagabiti nen inaganak nugirage logonet, aap kanggaatak pogom nugu'lek aago puk ogogwaarak.

Nappiigak 12:5

At Peterut nogo keele maarogo mambiigo menggam nogome arum wonogwe iigak kwe, it Ala apuri kuwak eerit nogwe nogo nen, “Abet aret wundi woraagin,” mba'nuk, at ake tamban mban eeko nogogwaarak.

Nappiigak 21:33

Puk ogo mbareegwa, at yigin unde inowe nogo wage nagagerik, Pawulut eenggi pigogo, “Mbuti keele mbere paga maa'nip o,” yinuk, yorage nagagerik, “Aap yi ta o? Ndi, at ngge eekerak kenok wako ogotik? Yinip o,” yinuk, ineegwa'me waganeegerak.

Nappiigak 28:20

Wone ti aret yokkiraakit nduk, wage nagarik, Woraawak o, yinuk, kinayonggo pigirak. Nit Iterali niniki lunik monggoorak nogo paga mbuti keele maa'nabeegwaarak wone yokkiraakit nduk kinayonggo pigirak o,” yinuk, yoragagerak.

Nappiigak 5:23

“O keele maarogo mambiigo menggam tu omaawirogon narak kogwe, ndi, it aap tu arum menggaarak kunduk, tungga'nggi paga mi'narit nagaarak wonogwe iigwi, eekoorak kwe, tu paarogo maniigo nogoorik, ineebe lek aret iigoorak o,” yinuk, it wone amburu mbangga nogo yorogogwaarak.

Pelaareegerak 32:26

An Ala nen, It mak eerogo piige, Aakumi inenggela'me inendage aberak logokwak, kobak eerogo piige, Eerigin, yereegirak kwe,

2 Timotiyut 1:16

At aap Onetiporut perak, an mbuti keele maarak neegak, agabiti nen mbo panulik nabenak mban niniki eyak wappani wagak mban eeke nagagerak me, at apuri inom abok aret ninowe inabuwa nen obeelom eeppiige logogin o.