Nappiigak 12:17 - Ala Wone Peenok Peebi Mbanak

¹⁷ Pi wako mbareegwa, at nogo eenggi paga nen, “Puk logonip o,” yorage nagagerik, ogoba Ala nen keele maarogo mambiigo menggam nen wonok wundi wagaarak nogo mbininogo yoragagerak. Yorage nagagerik, “At Yakobut inom, ninoreewi ando inom, wone ti, yora nanip o,” yorage nagagerik, lambembiinok, o alik me nagagerak.

Nappiigak 12:17 ပူးပေါင်းရင်းမြစ်များ

Ndawi 146:7

Aap tebenak wonogwe nogo at nen aret inawone mbanogo piige, Mbi abu wonogwe nogo inambi wogorage, Aliku ALA nen aap keele maarak wonogwe nogo wondet eerogo piige,

Ndawi 66:16

Kit Ala kinagabiti mbako monggotak yi wae. Ala nen eeppanit wage kagarak nogo Mbininogo yokkirage neegak, Kinaruk liirogon konenggo logobagip nduk, woraanip o.

Matiyut 10:23

O kota ambime nen piyak-payak eekkinakwi iinok, kole mbaganit o kota alik ambime namunggup o. Kole mbaganit aap Iterali iname kota-kota ando awo unggwit naga'lek kiigak, an aap aret nda'nagagirak nogo, woraagin aret o, yinuk, abet aret yokkiragi o.

Marakut 6:3

“At kwe Mariya aagaluk o wuka yi aret nogo lek a? At awuri Yakobut inom, Yotet inom, Yurat inom, Timon inom, nogo lek a? Ndi, at awurilogwe komologwe ninom monggoorak nogo lek a?” yinuk, at Yetut ineebi mbareegwaarak.

Lukat 1:22

Takariya wundi wage mbareegi, oone yoroorak meek aret kogo nogogwaarik, “Ala awi wurik me logonet, abinggaanggo kage nagaarik, oone lek eekerak ilik?” mbakwi iigak, at nogo oone lek we eenggi paga mban yelok-walok ari nagagerak.

Yaya 10:40

Mbagangge nagagerik, yi Yoraran enebaga wunda nanuk, at Yaya aa'nduk aakumi yiime wuppiige nagagim nogome puk ari nagagerak.

Yaya 11:54

Wone togop aret mbaneegwaarak me, Yetut aap Yakuri inenggaanom nggwok paga ambinom nege logolik. Time nen o kota ambi endage Eperayim karume koorok time nagagerak. Nage nagagerik, at oone waganggwi mendek inom time aret wonagagerak.

Yaya 13:24

at Timon Peterut nen, “Ta kenok yigi, yoru o,” yinuk, eenggi titik paga yoreegerak.

Yaya 7:1

Ti yorage nagagerik, it Yakuri mendek nen Yetut mondok wariyak eeko mbareegwa, “O Yureya yime eerit nege logorak neebi o,” yinuk, o Nggalileya time eerit nege logokit nduk, nagagerak.

Yaya 8:59

Yoragagerak ti paga it yugum waganogo Yetut waruwok nduk eereegwaarak mendek at Yetut nogo, Ala awi wurik me nen wundi nanuk eenggi-iyok lek aret lek agagerak.

Nappiigak 1:15

It time wonogwe iigak, ne ambi paga it aakumi abet mbareegwaarak nogo ineebe seratus dua puluh negen kuwak eereegwaarak inenggela'me Peterut nogo mi'nage nagagerik,

Nappiigak 12:16

Yogwe iigak, at Peterut nogo tu puk-puk nabenak mban eeke mbareegi, tu paakkogo nogogwaarik, at eebe aret kenok, “Ia!” yinuk, pi wareegwaarak.

Nappiigak 12:18

Ko'lu o weege mbareegi, it aap yigin unde nogo nen, “Peterut nonggop aga o?” yinuk, kwaarit-mberaarit nugu mbareegwa,

Nappiigak 13:16

yorage mbareegi, kin wogiigo mbareegwa, at Pawulut nogo mi'nage nagagerik, eenggi paga, “Puk logonip,” yoragagerak. Yorage nagagerik, “Kit aap Iterali mendek inom, kit Yakuri mendek lek kwe, Ala kinagabiti mbako monggotak inom, kinaruk logonip o, noreewi.

Nappiigak 15:13

Wone ti, inaruk konenggo nogogwaarik, Yakobut nen it yorage logonet, “Noreewi o. Wone yokkirage yi, liirogon konenggo logonip o.

Nappiigak 16:40

wundi nogo nogogwaarik, kwe Liriya ame nogome unggwi nogogwaarak. Unggwi nanuk, time inoreewi ando inom lambunggo nogogwaarik, iniki eyak wappiinok, nogogwaarak.

Nappiigak 19:33

it Yakuri nen aap endage Alekandet nogo waganogo panggok irit oolo pi unggwogogwaarak me, it aakumi ando nen, “At yo'niraawak o,” yogo mbareegwa, wone onggo liirogon yoraakit nduk eenggi paga, “Puk logonip o,” yoragagerak mendek,

Nappiigak 21:18

Wo'ninako mbareegwa, nogo yippunuk, ko'lu at Pawulut ninom Yakobut pekka nogogurak me, it Ala apuri unde abok aret inom wonogwe iyareegurak.

Nappiigak 21:40

Yoge mbareegi, it yigin unde inowe nogo nen, “E o. Yoret o,” yoge mbareegi, at Pawulut nda'nggi paga wogorogon lagangge nagagerik, eenggi paga, “Puk logonip o,” yorage nagagerik, inoone nggobok yogo mbareegwa, Iberani inoone paga yorage logonet,

Nappiigak 28:15

It ninoreewi Ala apuri time mendek nogo nit wogwe inaruk konembogo nogogwaarik, o nda kunggo menggam o Apiyut nen, mbi kunogo nonggo menggam endage Kenagan Wurik nen, wo'ninabi wogo mbareegwa, at Pawulut enegen iige nagagerik, “Nogoba Ala wa,” yinuk, iniki ale'nggen agagerak.

1 Korindut 15:7

Nogo nigiige nagagerik, ti'nuk, Yakobut nikkage, ti'nuk, it nappiyareegerak nogo abok aret nigiige, eereegerak.

Nggalatiya 1:19

it nappiigak ando ti, an nenegen abu iyoolik. Ninowe Yetut awuluk Yakobut nogo, alik mban nenegen kagagirak o.

Nggalatiya 2:9

it Ala apuri kuwak eerit nogwe pippiirogo menggaarak o Yerutalem wonogwe nogo, Yakobut kunduk, Peterut kunduk, Yaya kunduk, nogo nen Mbaranabat nimbirak yo'nirogo logonet, “Ala iniki kunik nen unde eeppinagareegerak me, op aret o. Kit aakumi endekem mendek yora nogwe, ndi, nit inagabolo mbanak mendek yorogwe, eeko logowok o,” yinuk, keyage warogo nappinaneegwaarak.

Yakobut 1:1

Kit Yakuri kinanebunu 12 mendek yi o ndi o mbaganit nogogutak nogo, an Yakobut nen ninogoba Ala ninowe Yetut Keritut imbirak inayeloman logonet, keyage wappinagagi o.