Nappiigak 12:11 - Ala Wone Peenok Peebi Mbanak11 Lek age mbareegi, at Peterut nogo iniki liippege nagagerik, “Ie!” yinuk, “It Yakuri mendek inom, Keroret nogo inom, ee'naburak mbakaarak nogo abok aret awo ee'naka'lek iigak, at Ala yonggo nappiya wage menggerak malayikat ambi nappi wage nagaarik, nagap ndakerak abet aret kagi o,” yinuk, mbareegerak. အခန်းကိုကြည့်ပါ။ |
Aap ugun-ugun yowaarogo mambiige, It aap nggiru wogwe iinok, Endekem nogo yega'lek ninom nogo yuwok nduk yorage, Eeke minggirak me, It an ninom wonogwe nogo nen yogo logonet, Ayup nen mbi ma'niraga'lek we ninom nogo yogoorak o, Yinuk, taamini nen yogo menggaarak mbakop? Lek aret o, yinuk, yogo menggaarak o.
Togop aret kwe, It aap Aliku ALA inagabiti mbakwi nogo Iniki kunik mban eeginake menggerak me, “Nit kunduk iniki kunik ee'nabigin o,” yinuk, Iniki at paga lunik wonogwe ti, It kanggwi iyo, inagap ndake, Mbi noogelo wonogwe kwe, Ineebe op logowak nduk eeppiige, Eerikit nduk, Aliku ALA nen enegen wogonake menggerak o.
Iigo nogogwaarik, aap Nebukanetat nogo nen it kuwak ogogwaarak nogo yorage logonet, “It Tarerak, Metak, Abe'nego nogo iniki inogoba Ala oba panggonak menggaarak me, An nagugi ogut aago ayuk wuriyak o, yinuk, wone lengganogo wumbigirak nogo paga it nen yogo logonet, Nit at agugi alut eerugun lek o. Ninogoba Ala mban alut eekwi, at abu'me mban tebe yinuk, ayuk wukwi, eerugun o, yinuk, kambuurak inagabiti lek aret puk agaarak paga kani omoonuk wunuk ari me nen at ayeloman mini yi, inagap ndarogo wumbiya woraawak nduk, inogoba Ala nen malayikat ambi nappi wagaarak me, it inogoba Ala endage tiyappogo logowok o.
yoge nagagerik, “Nogoba Ala nen an maluk ambi eeka'lek ugun wonage neege, ndi, kat nogoba kendagembogut kenggaanom paga kunduk, an maluk eeka'lek wonage neege, eeke nagaarik, singa inambe narogo puwak nduk, malayikat nogo ambi nappi wagaarak inambe narogo piigerak me, ineyak nibinnaka'lek an ugun agarik o.”
Ala yonggo nappiya wage menggerak malayikat ambi ko ogoorak it wonogwe me nogome, aberak lek me mi'nari unggunuk, eya abinak pindanggage nagagerik, uum paga eenggi puk-puk eeke logonet, “Peterut wae. Mbet-mbet mi'naru o,” yinuk, awo yoge kagak, eenggi mbuti keele paga maarak nogo piyok togon wambeegerak.
Ala nen togop aret eeginabit wundi wagagerak me, nit at apuri at oone eerit nugwi nogo aaninggin mendek ninoba age kenok, ninagap ndake, ndi, it obeelom eekwi lek maluk eeko menggaarak nogo peebi age yobok paga inowak loonogo punuk, maluk inoba kwippiige, eeriyak nogo at eenu aret me, eerigin aret mbako logowok o.