Nappiigak 11:23 - Ala Wone Peenok Peebi Mbanak

^23-24 At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.

Nappiigak 11:23 ပူးပေါင်းရင်းမြစ်များ

2 Endagembogut 18:6

At iniki Aliku ALA oba panggombunuk, nomonogo mbo pega'lek mugurok nage logonet, Aliku ALA nen Muta, “Yogop ee'nu ndogop ee'nu,” yoreegerak nogo liirogon porogo logonet, eeke nagagerak.

Ndawi 17:3

“Noone paga nen maluk ambi eerigin lek o,” yinuk, wone nggaruk togon koonggirak me, Kat nen niniki kwaake, Oonikiya liippanit unggwage, An nabut liirogon mbangge, Eeremenggendak kwe, An maluk eekirak ambi lek aret kaamunggun o.

Kini Wuppiige 23:15

Napuluk yi wae. Kat kiniki warak lombok wonage keenok, an niniki ale'nggen aret ee'nake,

Kini Wuppiige 23:28

Aap kumaaka kwak it nen aap kok lebeninabuwok nduk, enaarak wonogwe, It kumi nogo ti, aakumi inenggela'me nen aap inakuwi warak iigak, kumi it mban muguren nawak nduk, eeppiinet nogwe, Eeko menggaarak o.

Ndaniyen 1:8

Inambi inom, inagi anggur amburu inom, it nonggo logorak koonogo pereegerak nogo, at Ndaniyen iniki nen mbake logonet, “Aap endagembogut ambi nengge, aniyo anggur amburu nengge, eeke paga maluk noba lenggenggolookwak me, neebi o,” mbake nagagerik, aap endagembogut ayeloman mini inowe Atepenat nogo yoge logonet, “Ai, nogoba. Aap endagembogut ambi nengge, agi anggur amburu nengge, eeke paga an maluk eekkolookwak me, mbo puurak ti op ilik?” yoreegerak.

Matiyut 16:24

Yoge nagagerik, Yetut nen it at oone waganggwi nogo yorage logonet, “Kit an ninom nugu logorak mbakwi kenok, yi eekak ndi eekak eeriyak mbakwi nogo mbo punuk, eyo karo-karo paga nabembinagarak nogo ko'nok, ninom aret nugu logowok o.

Marakut 2:5

Wuppogo mbareegwa, at Yetut nen it inikime at oba abet mba'nuk wonok wogwe yelok iige nagagerik, aap eenggi-iyok nggunanak nogo yoge logonet, “Naput wae. Komaluk nogo lek eerogo pagagi o,” yoreegerak.

Yaya 15:4

Kit an ninom kunik, ndi, an kit ninom kunik logowok o. Eno'mbak eyo ero paga kunik lek kenok, alik nen anggen yi'nageelik nogo kwak, kit an ninom kunik lek kenok, anggen yi'nogo logomunggup lek o. Eno'mbak ero paga kunik kenok mban anggen yege menggerak.

Nappiigak 13:43

It tamban eeko menggam nogome nen mbaganggwi iigak, it Yakuri mendek inom, it endekem mendek Yakuri wone waganggo nogogwaarik, Ala inagabiti mbako nogogwaarak nogo inom, apit aret Pawulut Mbaranabat inom nogo nogogwaarik, “Ala iniki kunik en eeppinagage nogo, kiniki liippunuk, at mugurok nogo logonip o,” yinuk, wone mamunirogwe, inaruk wakwi, eereegwaarak.

Nappiigak 14:22

O nogome yanggwagak nogo logonet, “At Ala abu'me unggwi noorak ti, aaninggin-paaninggin ninoba arit unggwage tit kagak aret unggwi noorak o,” yinuk, it Yetut oone waganeegwaarak nogo, iniki eyak wappiigwi, “Wone abet mbakotak nogo mbo puurak mage o. Ata, kiniki nu'lek eeppunuk logonip,” yinuk, kini wuppiigwi, eerit nogogwaarak.

Nappiigak 14:26

time nen yiiro paga o Andiyokiya wunda wogogwaarak. “Ala eyabu eeri nawak nduk, Ala kinabuwa mbake me kinom namunggup o,” yinuk, nappiyareegwaarak eerit nogo nogogwaarik, abu nggobok togon eeppunuk, nappiyareegwam nogome aret wogogwaarak.

Nappiigak 15:40

Ndi, at Pawulut nogo perak, Tilat miike mbareegi, it ninoreewi Ala apuri nen, “Ala kinabuwa mbake, kinarum wonage, eeke logogin o,” yinuk, yorogo mbareegwa, nogo nogogwaarik,

Nappiigak 20:24

Togop kwe, An neebe neenik logorak iya lek o. Ata, Ala iniki kunik en eeppinanege menggerak wone obeelom wone yorage logokit nduk, nogoba Yetut nen yabu unde eeppaneegerak nogo, mbo pega'lek worok togon eeriyak ti mban iya mbake minggirak me, eerit nage agarik o.

Nappiigak 20:32

Ndi, yogondak perak, at Ala iniki kunik en eeppinagarak wone ti paga, kiniki kole agago pinaganuk at apuri ake leenak kenok, yate kwak inake punogo piyareegerak nogo kinom unde arubagip nduk, Ala abu'me pinagagi o.

Nappiigak 4:36

Togop eekwi wonogwe me, aap Lewi mendek ambi endage Yutup, awi Tipurut mendek me, it nappiigak nen endage ambi Mbaranabat yogo nogogwaarak. Nit ninoone paga endage ti, “Iniki Yanggongga o,” yogo monggoorak.

Oroma 12:8

iniki eyak wappiigak yogo logorak unde eeppinagareegerak kenok, iniki eyak wappiigwi, aakumi inamendek lek wogorogo logorak unde eeppinagareegerak kenok, “Onggo wo'niruwak,” mbaka'lek we aret wogorogwe, aakumi inowe logorak mippinagareegerak kenok, kineebi mbaka'lek nggwiirit-nggwaarit eekwi, ndi, aakumi inabuwa mba'nuk eeppiyoorak kenok, kiniki ale'nggen paga aret eeppiigwi, eeko logonip o.

1 Korindut 15:58

Ti kenok, noreewi o. Kit an niniki kunik me, kiniki mondok kwi'ndak nu'lek logonet, ninowe eyabu aret eekwi kenok ti, we aanom warogo eekwi lek ambi kola noorak nduk eekwi kineenu me, kulinik-kalinik nggwiirit-nggwaarit aret eeko logonip o.

2 Korindut 1:17

“At koonggerak nogo ti, iniki ambime nappegak eeke logonet, ari,” nomba'nuk, yogo ogotik? “An nobaalombok mban eekkolaakit,” koombunuk, “Noorak,” mbake logonet, “Neebi,” ari, ndi, “Noorak neebi,” mbake logonet, “Noorak,” ari, eeke minggirak mbakop?

2 Korindut 6:1

At Ala nen ari logonet, “An nen kabuwa mbariyak eyom paga kat yo'nege nogo an naruk konengge. Kat kagap ndariyak eyom paga yeenggwa kege, Eereegirak o,” yinuk, yereegerak me, kit ninom Ala eyabu ambit eerit nogwe niigak, at iniki kunik nen obeelom eeppinagage nogo, “We aanom warogo eeppiige kagi,” kinombake kero, niniki, “Ao,” mbako logonet, yokkirogo ogoorik o. Kabuwa mbariyak eyom nogo ti, yogondak aret, ndi, kinagap ndariyak eyom nogo ti, yogondak mban aret me, yokkiragi o.

Pelaareegerak 10:20

At Aliku kinogoba Ala kinagabiti mbakwi, kiniki at paga mban panggonak logonet mugurok nogwe, ndi, at endage kunogo kumbuk mbanggwi, eeko logonip o.

Pelaareegerak 30:20

Miikkologo logomonggotik, at Aliku kinogoba Ala kiniki kunik eekwi, oone ari nogo kinaruk konenggwi, at paga mban kiniki panggonak wonogwe, eerumonggotak paga at Aliku ALA nen kit kinombomini Abarakam, Itak, Yakup, inom wone abuk nggaruk togon kumbuk mbanogo, Kinanggween wokkiraagin o, yinuk, yoragagim nogome wonogo logonet, kineenik mondok li a'nuk kanggo logomunggup o,” yinuk, yoragagerak.

Kolote 1:6

Obeelom wone kinaruk konenggwi, Ala abet aret iniki kunik en eeppinagage menggerak wone nogo liippugwi, eeko nogogutik, abet mba'nuk, waganeegutak kuli nen, yogondak awo aret kinenggela'me nen wiganinuk nage me, eyoonggen yi'nage menggi kwak, yi o ndi o abok togop aret wiganinuk nage logonet, anggen abu alik negen yi'nage agaarik o.

2 Timotiyut 3:10

Kat perak, an wone mamunirage, eerit nage, eeriyak niniki koongge, niniki at oba panggombunuk abet mbake, maluk eeppanugwi iigak, niniki yanggonak wonage, aakumi niniki kunik aganake, maluk eeppanugwi kwe, nogogumbuk logonet wagangge, eerit nage neyareegindak nogo o.

Yotuwa 22:5

Wunda nogo logomonggotik, at Aliku kinogoba Ala kiniki kunik eekwi, at eeriyak mbake nogo mban eerit nogwe, Yogop ee'nu ndogop ee'nu, wone yugu nogo liirogon eekwi, at paga mban kiniki panggombunuk wonogwe, kiniki inom, kineebe inom, abok aret at mban wogo'nuk mugurok nogwe, eeko logonip o, yinuk, at Aliku ALA ayeloman Muta nen eeko logorak wone lengganogo yokkiragagerak liiru mbanak nogo ti, abu liirogon aret eeko logomunggup o,” yoragagerak.

Yotuwa 23:8

Ata, aa'nduk eeko nogogutak nogo ndak-ndak aret, yogondak kunduk at Aliku kinogoba Ala mban kiniki oba panggombunuk logonip o.

1 Peterut 5:12

Wone yokkirage ti abok aret at iniki kunik nen obeelom eeppinanege menggerak Ala nogo nen an ndak-ndak eeppanege kagak paganogo yokkirage me, “Yi abet aret eeppinanege menggerak o,” yinuk, kiniki eyak wappinagawak nduk, at li'lak mban eerit nage kage minggirak ninore Tilat nogo nen yeenggwaanege kagak, liiru yi, we nggaruk togon mbanggirage kwe, wone yi ti, mondok iya me, porogo logonip o.

1 Yaya 2:28

Ndi, napuri niniki kunik yi wae. Peebi at woroorak nogo eyom paga nit ninenggali lek niniki teeluk logowok nduk, yogondak nen niniki ambit a'nuk Yetut ninom kunik aret logowok o.

3 Yaya 1:4

Yi mendek ndi mendek eerit nage nogo ti, nale'nggen mbuuluk mbake minggirak kwe, an napuri nogo nen, “Ala ndogop menggerak o,” yinuk, wone woppunuk, mondok ndak-ndak eerit nogwe naruk konengge kenok perak, niniki ale'nggen nggwok lombok mbake minggirak o.