Nappiigak 11:16 - Ala Wone Peenok Peebi Mbanak

¹⁶ ninogoba Yetut nen ari logonet, At Yaya yiime wuppiige nagagerak kwe, peebi an nen Aberiniki kinoba wuppi woraagin o, yereegerak wone nogo aret niniki abekirak o.

Nappiigak 11:16 ပူးပေါင်းရင်းမြစ်များ

Kini Wuppiige 1:23

An kinaruk wakirak nogo liirogon konenenetak en niniki ee'nake nogo kilikkirage, Ndi, niniki koonit nage nogo kineenu eeppinagage, Ee'netak kwe,

Yetikiyen 36:25

Piya nanuk, inabin koorogo piige neenok, it obeelom aret logogun o. Inoba maluk lenggennage, inagugi ogut alut eerit nogo logonet maluk eerogo pakwi, eereegwaarak nogo, inabin koorogo piinok,

Yowen 2:28

Ti eeppege logominggirik, yi aakumi ndi aakumi abok aret Naberiniki inoba wuppi woraagin o. Wuppi wage logominggirik, inapuri wologwe-komologwe yorage neegak, an ari nogo yoranet nugwi, Inogobamini inanggwok nen inabi kogwe, Inapuri wologwe tawe nen inabinggaanggo kogwe, Eeko logogun o.

Yowen 3:18

Ne ti eyom paga puut-puut yabume eyo anggur amburu nggi-nggi wambit nage, Ndi, puut-puut teberogon inaanggumi inagari'ngga abe mban mbanogo nenet nugwi paga inelak amburu tene-tene wambit nage, O Yekura nggelok-nggobok me abok aret niyo nage nogo porok yaga'lek nage mban wonage, An nawi wurik me nen niyo eneeri kila-kila wungge logonet, o Titim Kobappaga time miin eerogo pit nage, Eeke logogin o.

Matiyut 3:11

Kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o.

Matiyut 3:6

inomaluk paganggwi iinok, at Yaya nen yi Yoraran inikime wuppiige nagagerak.

Marakut 1:8

An nen we yiime wuppinagage minggirak kwe, at nen perak, Aberiniki kinoba wuppinagi woraagin o,” yinuk, yorage nagagerak.

Lukat 24:8

Yorogo mbareegwa, at yereegerak nogo abereegwaarak.

Lukat 3:16

at Yaya nen it apit yorage logonet, “An we yiime mban wuppinagage minggirak o. At ambi woraagin nogo perak, Aberiniki inom, kani inom, kinoba pinagi woraagin me, at nggwok aret o. An we mbuuluk me, at iyogogut nggerenak piiniyak meek o.

Yaya 1:26

Yogo mbareegwa, at Yaya nen, “Lek o. An aakumi yiime wuppiige minggirak aret kwe, aap ambi kit liippega'lek kiigak, wambi wagagerak kinenggela'me wonage o.

Yaya 1:33

An nen at liippega'lek aret wonagarak kwe, an aakumi yiime wuppiyoorak nduk, nappani wagagerak nogo nen, Aberiniki wambi woramenggerak at ambi oba kwi'ndak wonage kenegen kaamunggun nogo ti, Aberiniki kinoba wuppinagi woraagin nogo aret o, yo'nereegerak me,

Yaya 14:26

Aberiniki kit kiniki eyak wappinagage logowak nduk, nogoba nen an nobaane'me nappi woraagin nogo nen yi wone ndi wone apit aret mamunggirage, ndi, yi wone ndi wone yokkirage nagagirak nogo abok aret abekkirage, eeke logogin o.

Yaya 16:4

Aa'nduk yokkirage logolik kwe, eekkinaburak eyom panggoni wage kenok, wone yokkiragarak yi, abeko logomunggup nduk, yogondak yi aret yokkiragi o,” yoragagerak. At Yetut ambinom yorage logonet, “An aa'nduk kit ninom logonet, wone yi yokkirage logolik kwe,

Nappiigak 20:35

At ninogoba Yetut nen ari logonet, Kologwe paga inale'nggen mbuuluk kogwe, ndi, wogorogwe paga perak, inale'nggen ambik kogwe, eeko menggaarak o, yereegerak nogo, abeke logonet, an abok aret eeke nagagirak nogo ti, yabu ta'liila eeppunuk, it yabu eeko logorak meek mendek yeenggwaarogo logorak, kogo o, yinuk, mbarumunggup nduk, eeke nagagirak o,” yoragagerak.

1 Korindut 12:13

Togop me, nit Yakuri mendek inom, kit endekem mendek inom, kit aakumi inayeloman inom, inayeloman lek we wondet aago wonogwe inom, Aberiniki nogo paga nen nit abok aret nineebe ambit kumbinaneegerak me, niyo eneeri ambit nonggo monggo kwak, at Aberiniki eebe ambiret aret nit abok ninikime mambinaneegerak.

2 Peterut 3:1

Nowe-nawot o. Kit an niniki kunik me, liiru ambi aa'nduk mbanggiragagirak nogo ndak-ndak, yogondak ambi yi inom aret mbanggiragi o. Liiru mbanggirage yi nogo ti, kiniki abe mban koonggo logorak abeko logobagip nduk, mbanggiragagirak me, ambi yi inom aret mbanggiragi o.