Nappiigak 10:32 - Ala Wone Peenok Peebi Mbanak

³² aap Timon endage ambi Peterut nogo, o Yope wonage me, woraawak nduk yonggo nappiyet o. At nogo aap Timon tapi agabolo mbelanak ogobakkigika awi yi yenggenak aa'nggi paga wurik me, imbirak time wonage o, yinuk,

Nappiigak 10:32 ပူးပေါင်းရင်းမြစ်များ

2 Mbinineegwaarak 2:16

puut Libanon paga eyo kat uugwe mbakendak nogo ndak-ndak abok aret mbanogo pogo logomonggoorik, mbanak nogo keele maarogo niyo kole yenggenak laut paga punuk, wonok, o Yapo kiri wogwe niinok, kat nen wonok o Yerutalem pi namunggun o,” yinuk, eerogo nappi wagagerak.

Mika 4:2

Aakumi inanebunu lombok apit aret wogo logomenggaarik, yogo logonet, “Eeko logorak wone yugu nogo o Tiyon nen wundi wage, Aliku ALA ari menggerak nogo o Yerutalem nen wundi wage, Eeke me, Aliku ALA eerit nage menggerak nogo, nit ndak-ndak eerit nogo logorak mamunninake logowak nduk, Nit Aliku ALA abuut paga lagi nogwe, Yakup ogoba Ala awi wurik me unggwi nogwe, Eeriyak me, lagi nawok o,” yinuk, yogo logogun o.

Yaya 18:28

Ayam oone ari mbareegi, it Yakuri mendek inoweewi nogo nen aap Kayapat ame nen Yetut piganok aap inowak loonggo menggam gubernur wonage menggim nogome wonok nogogwaarak. O awo wigangga'lek kagak wonok nogogwaarak. Wonok nogo nogogwaarik, laago Obaga Mbo Nagagerak lakwi iinok, ugun noorak me, “Nit maluk eekkolookwak,” mba'nuk, inowak loonggo menggam unggwi noolik, endekem puk ogogwaarak.

Yaya 4:9

Yoge mbareegi, kwe Tamariya mendek nen at yoge logonet, “A puk! Kat aap Yakuri mendek, ndi, an kwe Tamariya mendek me, niyo nonggop togon tookkiriyak nduk yo'negen o?” yinuk, yoreegerak. (Ti yoreegerak nogo ti, aakumi Yakuri mendek inom, aakumi Tamariya mendek inom, yiiwak ambit paga nunggulik me nduk, yoreegerak.)

Nappiigak 10:31

Koreneliyut wae. Kat tamban eekendak nogo Ala aruk konengge, ndi, aakumi ineenggilek yeenggwaarage menggendak nogo, Ala enegen liippagage, eekerak me,

Nappiigak 10:33

yo'nege mbaki, yonggo nappiigirak yokkiri nogo mbaka, neya wagandak me, nore wa. Neya wagandak me, yogondak kogoba Ala nen, Togop yoranu, yokkegerak nogo abok yo'niraanok nduk Ala enggaanom kuwak eeko o,” yinuk, yoreegerak.

Nappiigak 10:5

Koba aberak wonage me, yogondak aap ambi endage Timon, endage ambi Peterut yogo menggaarak nogo, aap endage Timon tapi agabolo mbelanak ogobakkigika awi yi yenggenak laut aa'nggi paga wurik me, imbirak time wonage me, woraawak nduk kawuri yonggo o Yope nappiyet o,” yinuk, abinggaanggo paga yoge kagagerak.

Nappiigak 11:14

kat kaakkapuri kinom kinagap ndaruwak nduk, wone yokkira woraagin o, yinuk, yogerak wone nogo an yo'negerak.

Nappiigak 11:3

“Kat nonggop nduk it inagabolo mbanak lek mendek iname iya unggwage nagandik, kinom lambunik mbi nenggendak o?” yinuk, inoone maluk yoreegwaarak.

Nappiigak 15:7

wone nogo koonggwi aret wonogogwaarik, at Peterut mi'na'nuk, yorage logonet, “Noreewi o. O maan at Ala nen, It endekem mendek obeelom wone konembunuk abet mbaruwak nen, yoranet nege logokit nduk, leenogo paneegerak nogo kineenu o.

Nappiigak 16:9

O Torowat unggwi nogo nogogwaarik, time nogo yogo logonet, at Pawulut abinggaanggo paga aap Makendoniya mendek ambi mi'ndak logonet, “Wulaga wae. Nit yeenggwaaniranok nduk, o Makendoniya yime wunda mok o,” yinuk, oone nabek togon yoge kagagerak.

Nappiigak 9:43

Ndi, at Peterut nogo, o Yope time aap tapi agabolo mbelanak ogobakkigika endage Timon imbirak logonet, nogo ambik yereegerak.

Nappiigak 9:6

An aret me, kat mi'nage logomenggendik, o kota time unggwi namenggendak wonage keegak kat eeriyak wone yokkugwi iyaamunggun o,” yinuk, yoreegerak.