Nappiigak 1:3 - Ala Wone Peenok Peebi Mbanak

³ At wareegwaarak nogo eenik age nagagerik, “It nawuri ti nen an abet aret neenik agarak ineenu aruwak o,” yinuk, nigiige, ndi, Ala abu'me piyoorak wone nogo yorage, eerit nage kagak, nogo 40 aret yege nagagerak.

Nappiigak 1:3 ပူးပေါင်းရင်းမြစ်များ

1 Endagembogut 19:8

Yoge mbareegi, Eliya nogo mi'nanuk, oroti inom, niyo inom, nenok, omaawi eekkolage nagagerik, nage tit kagak, nogo 40 yit Ala abuut, Puut Korep nogo paga ari nagagerak.

Matiyut 21:43

Ti kenok, kit Ala abu'me pinagarak aret wonogogutak kwe, pinagagin lek o. Kinobaane'me it aakumi anggen mbanogo wogogo logorak nogo mendek aret at abu'me piyaagin o.

Matiyut 28:9

Yetut inom aabuk ogo nogogwaarik, it yorage logonet, “Niriwi wa,” yorage mbareegi, it kumi nogo owagam panggo yi nogo nogogwaarik, iyok ineenggi pippunuk, ayuk wurogo alut eereegwaarak.

Matiyut 3:2

“At mbogut paga mendek abu'me pinagarak nogo panggo yi wagaarak me, kit kiniki koombunuk, kinomaluk mbo pinip o,” yinuk, yorage nagagerak. At yorage nagagerak ti,

Matiyut 4:2

Nagagerak wonage logonet, nogo 40 yege kagak, liingge-kii'me mbi nengga'lek wonagagerak me, mbi abu eereegerak.

Marakut 16:19

Ninowe Yetut nogo wone ti yorage mbareegi, Ala nen wonok, mbogut paga pi laganeegerak. Pi lagangge mbareegi, at eenggi abe paga kwi'nagagerak.

Yaya 20:26

Yorage mbareegi, nogo 7 yinuk, ko'lu paga it aap Yetut oone waganggwi mendek Tomat inom oome tu kunci narak kagak wonogwe me, Yetut inenggela'me mi'nari unggwage nagagerik, yorage logonet, “Noreewi kinogut li o.”

Yaya 21:1

Ti eeke nagagerik, peebi Yetut nen at oone waganggwi mendek yi yenggenak endage Tiberiyat paga wonogwe me, at eebe ambinom nigiya wagagerak. Nigiya wage logonet, eereegerak nogo yi aret.

Yaya 21:14

Ti eereegerak nogo ti, Yetut kambunuk nogo menggam nen eenik a'nuk mi'nage nagagerik, at oone waganggwi mendek at eebe nigiyareegerak nogo ti, aa'nduk ne mbere paga nigiige nagagerik, peebi ne ambi nigiyareegerak nogo yi aret.

Nappiigak 13:31

Mippege mbareegi, at inom Nggalileya nen Yerutalem nogogwaarak nogo eebe inigen kaawak nduk nigiige logonet, nogo ambik yereegerak. Ndi, it inigen kogogwaarak nogo nen yogondak nit aakumi Iterali mendek paganogo yo'nirenet nogo agaarik o.

Nappiigak 19:8

Ti'nuk, at Pawulut nen it Yakuri tamban eeko menggam unggwage nagaatik, agabiti lek logonet, aakumi Ala abu'me piyoorak wone ti, “Abet aret yigi,” mbaruwak nduk, amburu mbanogo yoragak mban eeke kagak, tut kenagan peneneegerak.

Nappiigak 28:23

Ndi, “Ne ndi paga ambinom yo'niraawak o,” yinuk, koonogo pereegwaarak nogo eyom ari wage mbareegi, at Pawulut wonage me ineebe ambik aret kuwak ari wogo mbareegwa, Pawulut nogo o kuubondendok nen Ala abu'me piyoorak wone nogo amburu liirogon mbanogo yorage, ndi, Yetut eereegerak wone nogo liirogon ineenu aruwak nduk, Muta liiru mbaneegerak wone inom, it aap Ala yorage kagak yoraga nen yorogo nogogwaarak wone inom, mbininogo yorage, eeke tit kagak, o kiyoma aret agagerak.

Nappiigak 28:31

Ala abu'me piyoorak wone yorage, ninogoba Yetut Keritut wone mamunirage, eeke logonet, “An ndogop eeppanugun,” mbaka'lek agabiti lek pagak togon mban yorage nagagerak.

Nappiigak 8:12

at Piliput nogo nen Ala abu'me piyoorak wone obeelom wone nogo inom, Yetut Keritut eereegerak wone inom, yoragagerak iniki abet mbako mbareegwa, aap inom, kumi inom, yiime wuppiyareegerak.

Pelaareegerak 9:18

Yigi'nage mbareegi, puut paga taati aret at Aliku ALA abu'me nenete wanduk ngginna'nuk, kit kinogogumbuk lombok logonet, at Aliku ALA enggaanom paga yi maluk ndi maluk eerit nogwe kiinok, at anini kinoba pinagukwak, an aa'nduk eereegirak nogo ndak-ndak aret, yi nengga'lek, mbi nengga'lek o kiip age, o weege, eeke kagak nogo 40 aret yereegirak o.

Pelaareegerak 9:9

Eeke mbareegi, an puut Korep paga laganeegirak nogo ti, kinom eeko logorak wone at Aliku ALA nen abuk nggaruk togon koonogo pereegerak yugum tabak mbere paga liiru mbanak nogo wo'niruwak nduk, lagi nage nagagirik, time wonage logonet, an mbi nengga'lek, yi nengga'lek, o kiip age, o weege, eeke kagak nogo 40 aret yereegirak o.

Kolote 1:13

At o apit aago unde menggim nit keele maarak negen wonogwe me, Ala nen ninagap ndarogo at aput iniki kunik nogo abu'me pinani nage mbareegi,

1 Yaya 1:1

Mbogut-nggween yi, awo wakkaga'lek kagak aa'nduk togon wonagagerak aakumi ineenik eeginake menggerak at Wone nogo, abok paganogo yokkirogo ogoorik o. At oone ninaruk konenggwi, eebe ninigen abe nen kogwe, eerit nage nogo liippugwi, eereegurak eebe lombok nogo aret nineenggi pigaganeegurak o.