Nakum 3:9 - Ala Wone Peenok Peebi Mbanak

⁹ At Teba omaawi lek aga'lek panggonak wonage ti, o Kuti inom, o Metit inom, aret. Ndi, it inom a'nuk eerit nugwi ti, o Put inom, Libiya inom, aret wonagagerak.

Nakum 3:9 ပူးပေါင်းရင်းမြစ်များ

Wakkagagerak 10:6

At Kam apuri nogo ti, Kuti inom, Mitarayim inom, Put inom, Kanan inom, aret ndaganabeegerak.

1 Mbinineegwaarak 1:8

At Kam nen apuri aap ndaganabeegerak ti, Kuti, Mitarayim, Put, Kanan aret.

2 Mbinineegwaarak 12:3

wim eeka nggweendo seribu dua ratus inom, it aap kuda paga kwi'na'nuk nega enam puluh ribu inom, ineegin warak aap Libiya mendek, Tuki mendek, Kuti mendek, ineebe ambik ineenggi lingginiyak meek inom, o Metit nen aap Titak inom wogo nogogwaarik,

2 Mbinineegwaarak 16:8

It aap Kuti mendek, aap Libiya mendek, inawuri ineegin warak inom, wim eeka inanggweendo inom, it kuda paga kwi'na'nuk nega inom, mondok alik negen aago kinooruwak nduk, wogogwaarak kwe, kiniki Aliku ALA oba panggombegendak paga it ineebe waganogo kat keenggime pagareegerak nogo lek a?

Yetaya 20:5

It aakumi o Kuti iniki panggombunuk wonogwe nogo inom, O Metit ti iya o, yinuk, wogoppiigwi nogo inom, nen iniki ma'nogwe, inenggali ogwe, eerugun o.

Yeremiya 46:9

Togop me, it kuda-kuda ti, perenggola unggwogwe, It nggweendo wim eeka ti, nggaruk togon nonggok yi unggwogwe, It aap wim eeka inanggeemu ineenggime wonogwe Kuti mendek inom, Put mendek inom, ti, wim eeri unggwogwe, It ineegin wuppunuk wonogwe aap Liriya mendek ti, wim eeri unggwogwe, Eeko logowak o.

Yetikiyen 27:10

It aap o Peritiya mendek inom, Lut mendek inom, Put mendek inom, nen at awuri ineegin warak awim eeka ogwe, Inanggeemu inom, inabetagi omaawi mendek inom, at agobat nabenak paga tugunik-taganik eerogo pegaarak wonage kenok, Aakumi nen, Wi! yinuk, tiyappugwi,

Yetikiyen 29:7

Ineenggime wonok nogwe me, nggoguk togon inane'nggen me nonggo-nonggo nage, ineebe longgop ti paga panggombegak nogwe me, kalok togon inamborowak kalok ari, eeke nagagerak,” yegerak o.

Yetikiyen 30:5

Wooluwak nen it Metit mendek ineebe nenet nage logonet, it Kuti mendek inom, Put mendek inom, Lut mendek inom, o Arap mendek abok aret inom, Libiya mendek inom, ndi, it aakumi Ala nen, Kinanggween wokkiraagin o, yinuk, yoragagerak inom wone koonogo pereegwaarak nogo inom, it abok aret wooluwak nen nenet nage logogin,” yegerak o.

Yetikiyen 31:2

“Aakumi nen ndarak yi wae. It Metit mendek inowe endagembogut Pirawun inom, at apuri ambik lombok wonogwe nogo inom, yoroorak nogo yi aret o. At endage abu tiyanak ayuk warak kwak at ndak-ndak aap ta agaarik o?

Yetikiyen 38:5

it yi aakumi ndi aakumi inom a'nuk wonogwe aap Peritiya mendek inom, Kuti mendek inom, it o Put mendek inom, nen inanggeemu kunduk, inabetagi omaawi mendek kunduk, yirik nogo at inom wumbiya wage, o Nggomet mendek ineegin warak abok aret inom, it o nda o omarip paga pa'nggwe Mbet-Togarama mendek ineegin warak abok inom, at inom wumbiya wage, eerigin o.

Ndaniyen 11:43

O Metit tebenggolage logonet, mbuti emas wonage inom, mbuti perak wonage inom, yi mendek ndi mendek onggo iya iniki kundugu logomenggaarak abok aret at mban tebenggolage, it aakumi Libiya mendek inom, it Kuti mendek inom, at ka wogwe iinok, inom a'nuk eerit nage, eeke logogin o.