Nakum 3:17 - Ala Wone Peenok Peebi Mbanak

¹⁷ It kat karum menggaarak ti, wurin ya nakak nugu mengga kwak wonogwe, It kat kawuri inom eeka ti, wurin aago o togwi kenok, yugum pak wurik enoona ninggiri unggwogo nagaatik, Ti'nuk, mo pege kenok, wundi nanuk, wiga agan, lek ari nagaatak aakumi ineenggo'lek mengga kwak, wonogwe, Eerak aret menggaarak o.

Nakum 3:17 ပူးပေါင်းရင်းမြစ်များ

Yeremiya 51:27

“At aap inowe endagembogut o omarip paga pa'nggwe wonage nogo nen o nggween paga yi, ndiimbu walok eeke, Yi aakumi ndi aakumi inenggela'me oone nggwok eeka trompet oonebu eeke, Aakumi inanebunu lombok inenggela'me o Mbaben wim eeri ungguurak eyak maganake, O Ararat inom, Mini inom, Atekenak inom, nen o Mbaben tebenogo pi ungguwak nduk, inayonggo piige, Wim eeriyak ineegin warak inowe mippege, Wurin ninggirik mengga kwak kuda paga kwi'na'nuk inaa'nduk nappiige,

Yetikiyen 31:12

it aakumi inambik inanebunu lombok inenggela'me aakumi ambi inogogun ambik lombok nen eyo ti, muurogo punuk, mbo pereegwaarak. Muurik wangge logonet, eno'mbak puut-puut paga wambit nage, kobappaga wambit nage, eereegerak me, eno'mbak kalenak-pugunik aago nggween nggelok-nggobok me time wambit nagagerak. Wambit nagagerak ti paga o nggween paga yime it aakumi inanebunu lombok eyo ngguna'me time yonggonggola unggwogo nogogwaarak nogo, kole tilik-mbilik mbaganit nogwe iigak,

Nakum 2:9

Togop me, o kota yi, amindik-amendek lek ageelik abe mban pugu wonage me, “Mbuti perak nogo waganggwi, mbuti emas nogo kologwe, ee'nip o,” yinuk, yorage mbaki,

Wayu 9:7

Ndi, wurin nogo ti, inetenggen aap kokwak kwe, ineeruwak ti, kumi ineeruwak laanak nogo pogom, ndi, ineyak ti, nggeewo singa eyak nogo pogom, wonogwe iigirak. Ndi, kuda amborowak paga kwi'na'nuk wim namburuwok nduk, li'luk eerogo piigo mengga kwak, it wurin ineebe nogo ti, togop aret li'luk eerogo piige logonet, nggare-nggare mbuti emas paga ogobakkigirik inom, tin mbuti omanggen paga yarak inom, yirippiinok, wim namburuwok nduk, kuda nggweendo paga mbarembunuk, niikkenok wim endok kuni unggwogo logonet, kuda ineebe apit me iniyogobit oonembogu nogwe konenggo mengga kwak, wurin nogo wuga agan nogo logonet, ina'naabit oone ti, togop aret agan nogwe iigirak o.