Nakum 3:1 - Ala Wone Peenok Peebi Mbanak

¹ O kota aakumi inamiya wunako menggam, Inoone pilit mban yogo menggam, Puk aga'lek aakumi inagugun wonok pi wagak mban eeko menggam, O kota kat yi, kabuwa o!

Nakum 3:1 ပူးပေါင်းရင်းမြစ်များ

Ndawi 62:10

Aakumi inamendek nomonogo kologwe paga Kiniki panggonak wonogwe, Inamendek ndinggologwe paga kiniki wogoppakwi, Eeko logorak mage o. Kinamendek ambik age kenok, Kiniki ti paga panggonak logorak mage o.

Yetaya 17:14

O kiip arikit nduk, yoma-ndoma eerit wage kagak inamineeri ne agan noorak mendek inoba ari wage kenok, O awo weerikit nduk, eeke kagak kole mbaganggo logogun o. It aakumi nen nit ninamendek ndinggologwe, Ninageerok kugun waganggwi, Eekwi iinok, Eeppiyoorak nogo ti aret yokkiragi o.

Yetaya 24:9

Ndawi wako logonet, niyo anggur amburu nunggwi nogo ambinom nengga'lek wonogwe, Niyo omaawi mendek nunggwi nogo ale ambik kogwe, Eekwi iigirak o.

Yetaya 42:24

At Yakup mendek iname unggwi nanuk inamendek kologwe, At Iterali mendek ineebe tebenogo piinok inagugun waganggwi, Eeruwak nduk, Ta nen eeppiyareegerak mbakop? At maluk eeppogo nogogurak Aliku ALA nen aret eereegerak nogo lek a? At eeriyak mbake nogo mugurok nogwe, At oone yugu nogo, “Konenuwok o,” yogwe, Eeka'lek wonogwe niinok eereegerak me,

Oteya 4:2

It nen pulunogo piinet nugwi, pilit-pilit agan nugwi, Aap inoorogo piinet nugwi, yogoot kumaakwi, Kumi ugun-ugun eeginabit nugwi, maluk mban eerit nogo logonet, ambi wappunuk, kinok togon ambi wakwi, Eekwi mban me,

Nakum 2:12

Singa ngguunok nogo nen apuri ndonggok togon nawak nduk it noorak mendek wake, At ore kooli nen nawak nduk, nibinogo pege, Ee'nuk Wonok nonggo menggam yagabit eerogo pi unggwage, Awi mbanak me yagabit eerogo pi unggwage, Eeke menggerak nogo nonggop aga o?

Nakum 2:13

At Omaawi Lombok Menggerak Aliku ALA nen it yorage logonet, “Kit an ninom wim mbanak wonage me, Kinanggweendo wim eeka nogo kani piminggirak ka'luk ndi wurogo pege, Singa awooluk kwak kinawuri wim eeka nogo wooluwak nen nawak nduk eerogo piige, Kit nen aakumi inagugun wonok kiname pi unggwagak eeko nogogutak nogo, ambinom togop eeko logokwak non mbanogo pinagage, Ndi, kinarum logorak onggo wu puwak nduk, kinawuri nen aakumi yora nagak nogo inoone lek eerogo piige, Eerigin o,” yinuk, yorage kagarak o.

Abakuk 2:12

Aap ambi nen aakumi inooke logonet, o kota ogowa pit nage, Aakumi maluk eeppiinet nage logonet, o kota nambit-mbit wurogo pit nage, Eeke nogo, abuwa o.