Nakum 2:3 - Ala Wone Peenok Peebi Mbanak

³ Wim eeriyak ina koonggo logonet, at maluk eerogo pega awuri inanggeemu maa'ngga kunik nogo waganggwi, At awuri wim eeka inayum maa'ngga amu kunik yikkologwe, Inanggweendo wim eeka mbuti owak paga eerak nogo pipuk eekwi iigak, abinak pigan-pigan eeke, Inaguda, “Nawi,” yinuk, ke'mbogonik yogwe, Eeko agaarik o.

Nakum 2:3 ပူးပေါင်းရင်းမြစ်များ

Ayup 39:23

Kuda paga kwi'ndak inomaale ta'mbanak inamborowak paga nggerenak nogo oone ndale ari kagak unggwogwe, Tege inom, ndut nggabenak inom, lan ee'nuk unggwogwe, Eeko menggaarak o.

Ndawi 80:13

Minogo pereegindak paga nggwiya eyonggaame nen Inogobak pilanogo pi unggwi wogwe, Towe-pagi karume mendek nen Anggen mbanogo na unggwi wogwe, Eeko agaarik o.

Yetaya 14:8

Kat tebenogo pagage keenok, eyo kilu-kilu inom, Eyo nggabina o Libanon mendek inom, nen yogo logonet, Kat tebenogo pagagerak kagak, at eyo muuka nen nit nineebe muurogo pinani waga'lek aret agaarik o, yinuk, at yogo logogun o.

Yetikiyen 23:24

at tebenogo puwok nduk, ineegin-inomaale inom, nggweendo wim eeka inom, we ugun mendek inom, li'luk aago aakumi apit kuwak eerak inom wogo logomenggaarik, nggeemu nggwok inom, mbuuluk inom, waganggwi, petagi omaawi mendek yikwi, eeppunuk, oonda mbani ungguwok nduk, wanggekwi iigak, it nen maluk onggo at oba puwak nduk ineenggime piyaminggirak it aakumi inoone konenggwi lek iinok, eeppiigo mengga kwak ndak-ndak aret eeppugun o.

Yetikiyen 26:7

At Aliku Itok Menggerak ALA nen wone ambi yegerak nogo yi aret. “Aap inendagembogut abok aret inowe endagembogut o Mbaben mendek Nebukanetat nogo nen kuda paga inom, nggweendo wim eeka paga inom, it kuda paga nega inom, aap ineegin warak nggwok aago inom, o omarip paga pa'nggwe nen o Tirut tebeni woraawak nduk, nappiya woraagin o.

Nakum 3:2

Yawi inookwi inagap oone ari, Nggweendo iyok oone nggelek mbuk ari, Kuda mbe agan nogo logonet, iniyogobit oone agan nogwe, Nggweendo langgok-panggok agan nogwe,

Takariya 1:8

Ne ambi oonikiya nabinggaanggo paga kage logonet, aap ambi kuda maangga kunik amborowak paga kwi'ndak eyo nggonggoondu kunik me alu'me time mi'ndak wonage kagak, ambokan yi kuda ndi kuda ando maangga kunik, ando maangga amu kunik, ando yanggwi kunik, eerak wonogwe iigirak o.

Takariya 11:2

Kat eyo kilu-kilu yi wae. Eyo nggabina abe tawe nogo kani nenet nage logonet, ndugu-ndugu nagaarak me, leenggu maake, Kit eyo teno o Mbatan wonogwe yi wae. Eyonggaame eyo abu abe wonage nogo lek agaarak me, leenggu maakwi, Eeko logonip o.

Takariya 6:2

Nggweendo aa'nduk wundi wage kagarak nogo ti, kuda maangga kunik nen nikkenok wundi wogwe, ambokan wundi wage kagarak nogo ti, kuda mili nen nikkenok wundi wogwe,

Wayu 12:3

Kwa ari mbaki, mbogut paga time inagabiti warak mendek alik ambi eeke kagarak. Kage logonet, waalo nggwok tinambe pogom agabolo maa'ngga kunik me, eebe ambit aret kwe, anobak 7, ndi, anobak nogo paga eyak 10, ndi, anobak 7 nogo paga nggare-nggare mendaarak abok aret yirik kagarak.

Wayu 6:4

kuda alik ambi eeruwak maa'ngga kunik me, amborowak paga aap ambi kwi'ndak wage mbaki, “It aakumi o nggween paga ogu time iniki ugun tayenak ale'nggen nugu logorak lek o. Ata, it-it wat-wat yogo logowak o,” yinuk, unde logorak mippege logonet, mbuti wooluwak nggorek lombok wogoge kagarak o.