Nakum 2:12 - Ala Wone Peenok Peebi Mbanak

¹² Singa ngguunok nogo nen apuri ndonggok togon nawak nduk it noorak mendek wake, At ore kooli nen nawak nduk, nibinogo pege, Ee'nuk Wonok nonggo menggam yagabit eerogo pi unggwage, Awi mbanak me yagabit eerogo pi unggwage, Eeke menggerak nogo nonggop aga o?

Nakum 2:12 ပူးပေါင်းရင်းမြစ်များ

2 Tamuwen 17:8

Kat kogoba inom, at awuri inom, wam nggwiya aagalogwe piginakwi iinok, anini wu aago menggi kwak, inogogumbuk wakaa'ngget lombok wonogwe o. Ndi, kogoba nogo wim age menggerak eya abok eenu me, at awuri nogo yugwi me, at inom nogo yegeelik nogo kat keenu aret o.

Ndawi 17:12

Singa noorak mbaketak nogo naakit nduk, eyak nde ari wonage, Singa awooluk nen noorak mendek eyak nggerenggaakit nduk kumaarak pogonik wonage, Eeke menggi kwak, An togop eeppanugo agaarik o.

Yeremiya 51:34

Aakumi Mbaben mendek inowe endagembogut Nebukanetat nen ambeme yonggo'ninake, Mak eerogo pinanege, Niyo toolak porok togon nunggwi kwak eerogo pinanege, Waalo tinambe nen yonggorinake menggi kwak, nit yonggo'ninake, Waalo ombat abe kenok ndonggorogon nenok, kilirogo pege menggi kwak togop aret eerogo pinanege, Eereegerak me,

Nakum 2:11

Singa awi mbanak nogo yogondak ngga wonage mbakop? Singa aagalogwe yilak kuninake menggim nogo nonggop aga o? Singa ngguunok-kooli aagalogwe inom inagabiti lek yinggwi-unggwogwe eeko menggam nogo ngge o?

Nakum 2:13

At Omaawi Lombok Menggerak Aliku ALA nen it yorage logonet, “Kit an ninom wim mbanak wonage me, Kinanggweendo wim eeka nogo kani piminggirak ka'luk ndi wurogo pege, Singa awooluk kwak kinawuri wim eeka nogo wooluwak nen nawak nduk eerogo piige, Kit nen aakumi inagugun wonok kiname pi unggwagak eeko nogogutak nogo, ambinom togop eeko logokwak non mbanogo pinagage, Ndi, kinarum logorak onggo wu puwak nduk, kinawuri nen aakumi yora nagak nogo inoone lek eerogo piige, Eerigin o,” yinuk, yorage kagarak o.

Linggineegwaarak 23:24

Singa kooli kokwak mi'nogwe, Singa ngguunok mi'na'nuk, wam nggwiya warogo punuk, Enggaanggum nengge, amiya nengge, Eeka'lek kagak winnageelik menggi kwak, It aakumi alik yi, togop aret wonogwe, Eeko agaarik o.”