Nakum 1:6 - Ala Wone Peenok Peebi Mbanak

⁶ Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.

Nakum 1:6 ပူးပေါင်းရင်းမြစ်များ

1 Endagembogut 19:11

Yoge mbareegi, Aliku ALA nen Eliya nogo yoge, “Naliku ALA kat keegak keraanu nagin me, mi'na'nuk, wundi wage logomenggendik, Naliku ALA nenggaanom puurom yi paga mi'nari mok o.” Yoge nagagerik, Aliku ALA nen o wiya mondok omaawi oone pu eerogo nappi wagagerak wage logonet, puut-puut nggaganogo nappit nage, yugum lunik yanggunogo wuppit wage, eereegerak kwe, at Aliku ALA eebe perak, o wiya enggela'me time logolik. O wiya abu aret wake mbareegi, o mi nuk-nuk eereegerak kwe, Aliku ALA eebe o mi enggela'me logolik.

Ayup 26:11

Mbogut alom yarak nogo, Ala nen mberege kenok, iniki ma'nage logonet nuk-nuk ari,

Ayup 40:11

Kiniki mi'na'nuk kanini aakumi inoba kwippiinet nege, Iniki wogoppakwi nogo tebeppatuwak nduk, kenegen abi warogo piige,

Ayup 9:5

Puut ugun wonage kagak tayorogon nappege, Anini paga nippegak-wuppegak eeke,

Ndawi 130:3

Kaliku ALA wae. Ninomaluk nogo kat liiru mbanogo pege logonetak en, Aap ta nen oone ambi yenetak mbakop? Lek aret kwe,

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Ndawi 76:7

It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Ndawi 76:8

Ala wae. It aakumi nggween paga tebenak wonogwe nogo, Abok aret inagap ndarikit nduk, mi'nage nagagindik, Mbogut paga nen, “Maluk eekotak onggo an yogop aret eeppinagagin o,” yinuk, yorage nogo, It nggween paga wonogwe inaruk konembunuk, inagabiti nen inoone lek aret agagerak o.

Ndawi 90:11

Kanini mondok iya lombok menggendak nogo, Aap ta nen eenu age, Kat kanini mondok iya eeppiige ndak-ndak it aakumi inagabiti kombakwi me, Ta nen aganak nuk ega'lek lambek puk wonage, Eerigin mbaken? Lek aret o!

Yetaya 10:16

Togop aret me, at Omaawi Lombok Menggerak ninogoba Aliku ALA nen aap Atiyut mendek inowe endagembogut awuri ineegin warak wakaa'ngget nogo kugi wuruurit eeginaka inoba kwippiige, Ndi, iri'ngga kani wunuk ari logonet, pup eerogo nengge menggi kwak, At endage nggwok age paga wogoppatit nage nogo, togop aret lek eerogo pege, Eerigin o.

Yetaya 13:13

Togop me, an Nomaawi Lombok Minggirak Naliku ALA nanini kani kunik negen eeppiyoorak eyom paga Nanini paga eeppiinet nage logonet, mbogut na'ndo-wa'ndo pege, Nggween obaane'me lombok wonage nogo akom ya langgok eerogo pege, Eerigin o.

Yetaya 27:4

Ti eeke logonet, an nanini neyabu yaremenggerak ti paga wonage logogin lek o. Nggonggoondu tibinik-wandinik eerak kwak, eeppiigwi, Alok-palok lagangge menggi kwak, eeppiigwi, Eekwi nenegen kage kenok, Mbanogo kani pigin kwe,

Yetaya 33:14

It aakumi maluk eeka o Tiyon wonogwe nogo iniki ma'nage, It aap Ala mugurok noorak ineebi mbaka nogo nen inaganak ngginuk ari, Eeko logonet, “Wologwe wae. Kani nen ineebe lek eerogo nengge me aap ta nen unggwage mbakop? Ndi, aap ta nen kani mondok wunuk mban ari menggim op logorak mbakop? Lek aret o,” yinuk, yugun o.

Yetaya 66:15

Aliku ALA kani wunuk ari enggela'me wage, O wiya nabuninuk wage menggi kwak at anggweendo paga wage, Eerigin, mbako logonip o. Anini inoba piinet nage logonet, mondok wuk togon aret inoba piinet nage, Ndi, mberirenet nage logonet, kani wunuk agan nage menggi kwak agan nage, Eeke logogin o.

Yeremiya 10:10

Kaliku ALA perak, kalik Ala aret! Kat kanggeelik mondok keenik wonage, Kendagembogut kitok mondok wonage, Eeke menggendak o. Kanini mbake keenok, nggween yi nuk-nuk ari, Kanini yi aakumi ndi aakumi inoba piige keenok, ko wappunuk, wonaga'lek iniki ma'nogwe, Eeko menggaarak.

Yeremiya 21:12

Aliku ALA nen ari logonet, It Ndawut paga wiganak mendek ti, Ko'lu-kii'me kubondendok eekaatak a'me nggelok mban inowak loonggwi, It aap tebenogo piinok, inamendek kolamenggaarak ineenggime wonage nogo ndinggologwe, Eeko logowak o. Eeka'lek iinok perak, maluk eerit nogo nagaarak paga kani wunuk yinuk, noguk yega'lek yi mendek ndi mendek nenet nage menggi kwak, An nanini togop aret mi'nage logonet, eeppiinet nage logogin o.

Leendawi 2:3

Anini kani negen wunuk ari logonet, it Iterali inomaawi menggaarak nogo inomaawi lek eerogo piige, At awim nen inooriyak panggoni wogwe iinok, at eenggi abe'nggan uwikkolage, Yi mendek ndi mendek kani omoonuk nen pup eerogo nengge menggi kwak, It Yakup mendek inenggela'me anini kani kunik negen ineebe lek eerogo piinet nage, Eereegerak o.

Leendawi 2:4

Aap inawim negen a'nuk, omaale eegin agale paga lumbunuk abinak lan agan nutik wage kwak eeri wage, Inom ogoorak nen inooko mengga kwak, inooriyak inikilom mbaketak nogo aret inoorit nage, O Tiyon Aagalukwe awooliya wurik paga kani kunik negen anini oba kilirogo pege, Eereegerak o.

Leendawi 4:11

Aliku ALA anini tayoppega'lek tek eerogo nappege, Anini kani kunik negen aakumi inoba kilirogo piinet nage, Eeke nagagerik, O Tiyon paga kani negen wuninogo pereegerak pup eerogo nenet nage logonet, nggween mban teppereegerak.

Yetikiyen 21:31

An nanini nggwik togon oba pege, nanini kani kunik negen oba pege, At eebe waganogo aap inogogun mbuk aakumi ineebe lek eerogo piyoorak abu ineenu nogo ineenggime pege, Eeke neenok,

Yetikiyen 30:16

O Metit kani mbelanogo pege, Eerigin o. It o Tin mendek yagan yobak-nggolak waruwak nduk, eeppiigwi, O Tebe pak wurik yinik-minik eerogo punuk, ineebe ambik aago tebenggola unggwogwe, It Membit mendek nen ko'lu-kii'me aaninggin-paaninggin inoba age kogwe,

Yetikiyen 39:6

An nen kani kunik o Magok oba pege, yi aap ndi aap o niyo aa'nggi paga iniki ugun tayenak wonogwe nogo inoba kwippiige, eerigin me, eeke neenok, it nen Naliku ALA an aret ineenu arugun o.

Yetikiyen 7:8

An nanini inoba pege, nanini abok nggwik togon inoba kilirogo piinet nage, eerikit nduk, eeke me, ineraambe maluk wonogwe nogo ndak-ndak aret inowak looninake, maluk ogole warak lombok eerit nogo menggaarak nogo, onggo ndak-ndak aret eeppiige, eerigin o.

Nakum 1:2

Aliku ALA nen, “Nalik nalut eeruwak lak, it ando inalut eekwi yi, neebi a,” yinuk, mbake, At mbo pugwi iinok, onggo eeppiige, Aliku ALA mbo punuk, ugun eekwi iinok, onggo eeppiige, Anini lombok mi'nage logonet, maluk eeppiige, At Aliku ALA inom ogoorak nogo anini inoba kwippiige, At inom wim mbanak eeppiyoorak mbake nogo inikime tebenak wonage, Eeke menggerak o.

Tepaniya 2:2

At Aliku ALA anini kinoba pi wage logonet, iri'ngga wiirik o wiya nen wonok lek age menggi kwak, Kit togop aret lek eerogo pinagarak eyom koonak nogo, awo ari waga'lek kagak, Aliku ALA anini kani kunik negen eeppinagarak eyom panggoni waga'lek kagak, Aliku ALA mi'nage logonet, anini kinoba kwippinagarak ne nogo awo ari waga'lek kagak, Kinanggena luk togon kuwak ari wa'nip o.

Maleyaki 3:2

Woraagin aret me, aap mbuti at mendek mban aruwak nduk kani woraka kwak, aap yum kooka erabun omaawi ambik kwak, eerogo piyaakit nduk woraagin me, wage ti eyom paga aap ta nen ko wappunuk wonage, kin ari wage eyom ti paga aap ta nen ogogumbuk mi'ndak puk wonage, eerigin mbakop? Lek aret o.

Maleyaki 4:1

At Omaawi Lombok Menggerak Aliku ALA nen ari logonet, “An nen aakumi eeppiya woroorak ne nogo ti, abet aret woraagin o. Yugum kani pugu wunuk ari menggi kwak, woraagin me, it aap iniki wogoppatit nega inom, maluk eeriyak mban mbaka inom, wiiringga kani nenet nage menggi kwak nenet nagin o. Ne ti paga kani nenet nage logonet, wiiringga owak inom, omanggen inom, pup eerogo nengge menggi kwak, togop aret eerogo nagin o.

Wayu 16:1

Ti eeke kage nagarik, Ala awi wurik me nen oone nggwok ambi it malayikat ineebe 7 nogo yorage logonet, “Ala anini togolowak 7 paga toolak ti, wonok, aakumi nggween paga wonogwe ti, inoba kilirogo wuppiya nanip o,” yinuk, yorage konenggirak.

Wayu 16:8

Malayikat ineebe 3 nogo nen Ala anini inarologowa'na toolak nogo kilirogo wuppogo mbaka, ambi nen arologowa'na toolak nogo oonegen paga kilirogo nappegerak. Nappege mbaki, oonegen nogo aganggen ambik age logonet, mo aganggen nen aakumi yaganinabit nage logowak nduk, omaawi eeppege kagarak.