Nakum 1:5 - Ala Wone Peenok Peebi Mbanak

⁵ At wage kagak puut-puut na'ndo-wa'ndo eeke, Puut-puut teberogon amburu tigi-tigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,

Nakum 1:5 ပူးပေါင်းရင်းမြစ်များ

2 Tamuwen 22:8

Aliku ALA anini mi'nage mbaki, O nggween yi nogo, nuk-nuk eeke logonet ndipuk eeke, O mbogut yi nogo, alom na'ndo-wa'ndo eeke, Eekerak o.

Ayup 26:11

Mbogut alom yarak nogo, Ala nen mberege kenok, iniki ma'nage logonet nuk-nuk ari,

Ayup 9:5

Puut ugun wonage kagak tayorogon nappege, Anini paga nippegak-wuppegak eeke,

Ndawi 114:4

Ndomba ngguunok ku'mbo-wanggak nogwe kwak, puut-puut ku'mbo-wanggak nogwe, Ndomba aagalogwe ku'mbo-ka'mbo yogo mengga kwak, Puut-puut mbuulogwe nogo ku'mbo-ka'mbo yogwe, Eeko nogogwaarak o.

Ndawi 114:6

Puut-puut yi wae. Ndomba ngguunok ku'mbo-wanggak nugwi kwak eeke, Puut-puut mbuulogwe yi wae. Ndomba aagalogwe ku'mbo-ka'mbo yogwe kwak eeke, Eereegutak nogo ti, Nonggop nduk eereegutak?

Ndawi 18:7

Aliku ALA anini mi'nage mbaki, O nggween yi nogo, nuk-nuk eeke logonet ndipuk eeke, Puut-puut nogo, alom na'ndo-wa'ndo eeke, Eekerak o.

Ndawi 18:8

At ogobak me nen ka'luk wungge, Ambeme nen kani omoonuk yenan-menan agan wungge, Eebe paga nen kani kunik kwindagala eeke, Eeke logonet,

Ndawi 46:6

Yi aakumi ndi aakumi abok aret Inagabiti nen noone-koone agan nogwe, Aap inendagembogut inabu'me piinok menggam iniki a'nggan wo'nogwe, Eerugun o. Ndi, Ala oone nggwok ari kenok, O nggween yi, yigirik-noonom nagin o.

Ndawi 68:8

Puut Tinayi paga eeke kat Ala nogo kenggaanom paga, Aakumi Iterali inogoba kat Ala kenggaanom paga, O nggween ndipuk eeke, Mbogut paga nen mayu lubu-lubu wurabit wage, Eereegerak o.

Ndawi 98:7

Aliku ALA nen it nggween paga wonogwe nogo Inowak loonikit nduk wage, It o yime menggaarak nogo Eeremenggaarak a'me nggelok inowak loongge, Yi aakumi ndi aakumi eeremenggaarak ndak-ndak eeppiige, Eeri woraagin me, Yi kole laut inom, inikime menggaarak inom, mbo laganggak yogwe, O nggween yi inom, o yi paga wonogwe inom, kwirabok agan nogwe, Yi niyo ndi niyo nage nogo ineenggi telak yogwe, Puut-puut inale'nggen nen ndawi tiyanggwi, Eerit nogo logonet, It abok aret Aliku ALA enggaanom paga ndawi wako logowak o.

Wundeegwaarak 19:18

at Aliku ALA nogo kani omoonuk wunuk ari enggela'me puut Tinayi nogo paga wambi wage mbareegi, puut nogo paga yugum yugu ka'luk negen yonggo-ndonggo lagangge logonet, puut nogo paga ka'luk penggaarogo pege, puut nogo na'ndo-wa'ndo eeke,

Yetaya 24:1

“At Aliku ALA nen nggween yi maluk eerogo pege logonet, mbuk eerogo pege, Aakumi logorak meek eerogo pege, Eerigin abet mbako logonip o. Nggween ena abut laganogo pege logonet, it aakumi o yime menggaarak nogo mappiyaagin.

Yetaya 24:20

Aap amburu kumili aganaka nengge nagaatik, neyak-kweyak agan nege menggi kwak nggween yi togop aret eeke, Ooliya yiluk-yiluk wurik me, o wiya wage logonet, na'ndo-wa'ndo eeke menggi kwak nggween yi, togop eeke, Eeke kagarak o. It aakumi Ala wone yugu, “Nineebi o,” yinuk, maluk eerit nugwi inomaluk aaninggin nen O nggween yi aambirak togon wambigin me, obaane'me ari lagi woraagin mondok lek aret o.

Yetaya 5:25

Togop aret me, Aliku ALA apuri eekwi paga anini nen mi'nage logonet inooke, Puut-puut ndipuk eeke logonet, inambebuk tu paga yumbunik-telenak eerogo pogo mengga kwak, Aakumi inowak nogo togop eerogo pege, Eeremenggerak kwe kagak, Ala anini mi'naremenggerak nogo lek arigin lek wonage aret logogin o.

Yeremiya 10:10

Kaliku ALA perak, kalik Ala aret! Kat kanggeelik mondok keenik wonage, Kendagembogut kitok mondok wonage, Eeke menggendak o. Kanini mbake keenok, nggween yi nuk-nuk ari, Kanini yi aakumi ndi aakumi inoba piige keenok, ko wappunuk, wonaga'lek iniki ma'nogwe, Eeko menggaarak.

Yeremiya 4:24

Puut-puut tiyarogon nakkanet nage logonet, ndipuk eeke kage, Puut-puut teberogon pekkanet nage logonet, abok aret na'ndo-wa'ndo eeke kage,

Yetikiyen 38:20

Ti eeke logonet, yi yikwe ndi yikwe niyo nggwok laut paga wonage inom, yi towe ndi towe o oolo ya'i wiga agan nugwi inom, ndiimbu-nggwiya eyonggaame mendek inom, yi mendek ndi mendek o nggween paga inaanogum paga tu agan nugwi inom, yi aakumi ndi aakumi o nggween paga wonogwe abok aret inom, an netenggen neego logomenggaarik, inaganak wake kagak, yi puut ndi puut yanggunogo nagabit nage, puut eegwak-eegwak nggwi wonet wage, yugum pak wurik abok aret langgu-langgu nggween paga wambit nage, eerigin o.

Yowen 2:10

It unggwi nogwe iigak, nggween ndipuk eeke, Mbogut nuk-nuk eeke, Oonegen inom, tut inom, yumaak eerogo pege, Laaluguragan abinak eeke menggerak nogo lek age, Eeke agaarik o.

Amot 9:5

At Omaawi Lombok Menggerak Aliku ninogoba Ala nen o nggween yi, mbaanggage kenok, nuk-nuk eeke, It aakumi o nggween paga menggaarak abok aret nen le yogwe, Niyo Nin wuke, ti'nuk, niyo Metit poro agan wangge, eeke menggi kwak, o nggween abok aret yi, togop aret eeke,

Mika 1:4

Kundali kani nen tigi-tigi eerogo pege menggi kwak, Puut-puut paga nen niyo taga-taga wambit nage menggi kwak, At iyok pit nage kagak, puut-puut amburu a'nuk, taga-taga wambit nage, Aluk-aluk nggogu-nggogu wambit wage, Eeke agaarik o.

Abakuk 3:10

Puut-puut nen inigen keenok, inaganak warit nage, Kat keegak niyo wu'nuk nage, Niyo kole yenggenak laut kiiniki lombok paga anggut-nggut oone ari logonet, Kilaarak-mogonik eerogo nippit wage, Eereegerak o.

Takariya 4:7

Togop me, puut nggorek kat yi wae. An nomaawi ambik, mbake keegak, at Terubaben wage logonet, kat yanggunogo paganuk, kobappaga eerogo pagagin o. Kobappaga eerogo paganuk, yugum aa'nduk lombok ogowa kwippege kagak, aakumi keekok yogo logonet, Ala ale'nggen koba wonage o. Ala ale'nggen koba wonage o, yinuk, at yorugun o,” yinuk, puut nogo yoge kagarak o.

Maleyaki 4:1

At Omaawi Lombok Menggerak Aliku ALA nen ari logonet, “An nen aakumi eeppiya woroorak ne nogo ti, abet aret woraagin o. Yugum kani pugu wunuk ari menggi kwak, woraagin me, it aap iniki wogoppatit nega inom, maluk eeriyak mban mbaka inom, wiiringga kani nenet nage menggi kwak nenet nagin o. Ne ti paga kani nenet nage logonet, wiiringga owak inom, omanggen inom, pup eerogo nengge menggi kwak, togop aret eerogo nagin o.

Matiyut 27:51

Iniki woronggo'nok abu kangge mbareegi, yum Ala awi wurik me akenggwe tugunik wonagagerak nogo, agi nen oolo muundak nggoguk yi wambi wage, nggween nuk ari, yugum puut-puut abok langgu-langgu wambi wage, eeke logonet,

Matiyut 28:2

Wogwe iigak, Ala yonggo nappiya wage menggerak malayikat ambi mbogut paga nen wambi wage nagagerik, yugum tu narak nogo laganogo nappunuk, ti paga awo kwi'nage kagak, o mi nggwok nuk yereegerak.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.

Wayu 6:14

mbuku pirik-perek eeko mengga kwak mbogut nggoguk ari logonet, pirik-perek arit nage, ndi, puut inom, niyo inikime nggween kup mbanak inom, abok aret wo'narok ambi me ari nagak eeke, eeke kagarak.

Owak Loongga 5:5

Puut Tinayi unde menggendak Kaliku ALA kenggaanom paga, Kaliku Iterali inogoba Ala kenggaanom paga, Puut-puut na'ndo-wa'ndo eeke, Eekerak o.