Nakum 1:4 - Ala Wone Peenok Peebi Mbanak

⁴ At nen niyo nggwok yenggenak laut nogo porok yuwak nduk, mberege, Niyo abok poro-poro nawak nduk, eerogo pege, Eeke menggerak o. At wage kagak, o Mbatiyan inom, Karemen inom, nggween mbuk arit nage, O Libanon iri'ngga ambiki warak nogo teebat neyo-neyo nage,

Nakum 1:4 ပူးပေါင်းရင်းမြစ်များ

Wakkagagerak 8:1

At Nu inom, yi mendek ndi mendek inigen mbolok kwi anebunu lombok inom, inigen mbolok lek anebunu lombok inom, abok aret yiiro paga wonogogwaarak nogo at Ala nen kobak eerogo piyoolik aberak aret wonagagerak me, wiya nggwok ambi o nggween paga yime nappi wage mbareegi, niyo nogo poro agan wambeegerak.

2 Tamuwen 22:16

Aliku ALA nen aakumi mberirage, Anini aagi ogobak me nen wundi wage, Eeke kenok, Yi nggwok laut abena aluk-puut kin eeppege, Ndi, o yi, alom yarak kin eeppege, Eekerak o.

Ayup 38:11

Yi kuli woroorak op kwe, Yi kuli nen kat time noorak mage o, yoge, Eeke neyaawak o, yinuk, yi kuli mban kilaarak-mogonik eekkolage logomunggun o, yoge, Eeke neegak, Kat ngga wonagagindak?

Ndawi 104:7

Mberege mbareegin, niyo nogo wundi nage, Koone ngguurubu oone negen ari keenok, niyo agabiti nen kuwo-kuwo wungge,

Ndawi 106:9

Niyo kole Laut Merah nogo mberege, Niyo nogo mogonogo nggween kin eeppege, Tu karume nogogwa kwak, Nggween ogu teberogon wolonogo punuk, Wogoren wunda wage,

Ndawi 114:3

Niyo kole laut nogo enegen iinok mbagangge, Yi Yoraran wage nogo yungguninuk eneerime ari nage,

Ndawi 114:5

Kat yi kole laut yi wae. Nanonduk kole mbagangge, Ndi, kat niyo Yoraran wage yi wae. Yungguninuk keneeri me nonggop nduk ari nage, Eereegutak o?

Ndawi 18:16

At tiyarogon logonet, eenggi pi'nabi wambi wage, Niyo alobok ambik nen ndonggonnaburak eeke me, Pilanogo nippani wage, Eekerak o.

Ndawi 74:15

Niyo nggwok wage, niyo eneeri wundi wage, Eeruwak nduk, Kat nen aret ena koonogo pit nage, Niyo nggwok nage mban menggerak nogo Kat nen aret poronogo pege,

Yetaya 33:9

Aap iniki wakkolage logonet eebe mbuuluk eerogo pege menggi kwak, o ti togop aret age, Aap enggali nen uut yuwo agan wangge menggi kwak, o Libanon eyoongga wonage nogo yogu-yogu wangge, O Taron nogo karu nggwok o ame pa'nggwe nogo kwak age, O Mbatan inom, puut Karemen inom, eyoongga wonage nogo mono-mono wangge, Eeke agaarik o.

Yetaya 42:15

An nen puut-puut tiyarogon inom, teberogon inom, nggween mbuk eerogo pege, Iri'ngga-kale'ngga wonage nogo teebat eerogo pege, Niyo nage abok aret owak eerogo pege logonet, nggween kin eerogo pege, Yilaa'nggun yenggenak nogo poronogo pege, Eerigin o.

Yetaya 44:27

Niyo poro agan wambu o, yinuk, niyo laut kiiniki yoge, Niyo nage kunduk, Porok yu o, yoge,

Yetaya 51:10

It aakumi kat wondet eerogo piyareegindak nogo wunda nawak nduk, niyo mogonogo pege, Niyo kole laut poronogo pege, Niyo laut alobok ambik nogo poronogo punuk, nggween woloonogo pege, Eereegindak Kat aret nogo lek a?

Yetikiyen 30:12

An nen niyo Nin elaganggen wage nogo, poronogo pege, Nggween ti, it aap maluk mendek ineenggime pege, Ndi, nggween inom, nggween ti paga wonage abok aret inom, pup eerogo punuk, o wogo logowak nduk, Aap inambik ineenggime pege, Eerigin o, yinuk, Naliku ALA an nen aret yagi,” yegerak o.

Yetikiyen 38:20

Ti eeke logonet, yi yikwe ndi yikwe niyo nggwok laut paga wonage inom, yi towe ndi towe o oolo ya'i wiga agan nugwi inom, ndiimbu-nggwiya eyonggaame mendek inom, yi mendek ndi mendek o nggween paga inaanogum paga tu agan nugwi inom, yi aakumi ndi aakumi o nggween paga wonogwe abok aret inom, an netenggen neego logomenggaarik, inaganak wake kagak, yi puut ndi puut yanggunogo nagabit nage, puut eegwak-eegwak nggwi wonet wage, yugum pak wurik abok aret langgu-langgu nggween paga wambit nage, eerigin o.

Amot 1:2

At Amot nen ari logonet, “Singa oone nggwok ari menggi kwak Aliku ALA o Tiyon paga nen oone nggwok ari, O ngguurubu eeke menggi kwak, Yerutalem nen oone ari, Eeke logonet, It aap ndomba ndegeninaka nen inandomba inagari'ngga nenet nugu logowak nduk piigo menggam nogome mbuk age, Iri'ngga o puut Karemen paga wonage nogo teebat neyo-neyo nage, Eeke agaarik o,” yinuk, yereegerak o.

Amot 5:8

Laaluguragan o mbogut paga ninggirik kuwak aago Kartika inom, Belantik inom, wakkagagerak nogo nen o apit aago wonage nogo obaane'me o weeruwak nduk, eerogo pege, O liingge wonage nogo obaane'me oonikiya eerogo pege, Niyo nggwok yenggenak laut nogo, wiiremenggerak wundi wage kenok, nggween paga kilirogo wunabit nage, Eeke menggerak endage ti, Aliku ALA aret o.

Matiyut 8:26

Yogo mbareegwa, Yetut nen, “Kit kiniki liirogon abet nombaka'lek monggotak yi, nonggop nduk kinagabiti yogo ogotik?” yorage nagagerik, mi'na'nuk, o wiya inom, yi kilaarak-mogonik eeke inom, mberege mbareegi, abolok abu lek puk aret agagerak.

Yotuwa 3:16

niyo wage nogo moguk togon ee'nuk, o Taratan yaga'lelo o nda Aram taati yenggenogo pit lagangge, ndi, niyo ambut mayu ogup yenggenak laut Araba paga kuni nage nogo ti, nage menggi kwak aret nage, eeke kagak, oolo taati ne ambit liingge aret niyo nogo porok yereegerak.