Nakum 1:3 - Ala Wone Peenok Peebi Mbanak

³ At Aliku ALA ti, iniki yanggoppunuk wonage, At omaawi mondok nggwok lombok wonage, Eeke menggerak kwe, It aap maluk eeko menggaarak inomaluk onggo eeppiyaagin lek ti lek, eeppiyaagin aret o. O wiya oone pu warit wage logonet, nombok-kombok eeke kagak at enggela'me wage, Aap tu paga nage logonet, iyok paga liirubu aa'ngga eerogo pit nage menggi kwak, At o ndugwi paga nage logonet, togop eerogo pit nage,

Nakum 1:3 ပူးပေါင်းရင်းမြစ်များ

2 Tamuwen 22:10

Mbogut oolo nggagambunuk wambi wage, Ndugwi yumaak enggela'me iyok wuppi wa'nuk wage,

Nekemiya 9:17

Koneniyak nineebi o, yinuk, it inenggela'me iya tit eeke nagagindak nogo mari eerogo mbo pugwi, ndi, inanobak yugum pogom a'nuk, Ala nen yo'nirage logorak nineebi o, yinuk, O Metit niniyokan nanuk, aakumi inayeloman ari noorak wo'niren nawak nduk, aap ambi mippuwok o, yinuk, yogwe, eereegwaarak kwe, kat Ala nen, Inomaluk nogo mbo nappikit lak, ao, mbake, kiniki yanggorogon teppiige, inabuwa mbake, kaan aganggenggwi lek yungguppunuk eeppiige, kat kiniki kunik aganake nogo, nggaruk yaga'lek kunik aret wonage, eeke menggendak me, it mbo piyoolik o.

Ayup 10:14

An maluk eeke neyo kenegen wo'neren nege, Ndi, eeke neenok teppanege lek eekirak onggo ndak-ndak eeppanege, Eeke menggendak me,

Ayup 38:1

Yoge mbareegi, o wiya nombok-kombok warit wage enggela'me at Aliku ALA nen aap Ayup yoge logonet,

Ayup 9:4

At Ala ti, yi wone ndi wone eenu wonage, At mondok omaawi aret wonage, Eeke menggerak me, At eerit nage kagak it ambi nen inogogumbuk a'nuk Non mbanogo pege kenok, teppiyaagin mbaken?

Ndawi 103:8

At Aliku ALA nen aakumi inabuwa mbake, Inabuwa nen iniki yanggonak paga eeppiige, Anini mbet-mbet wunggeelik yanggoppunuk wonage, Aakumi iniki kunik nggwok togon aganake, Eeke menggerak o.

Ndawi 104:3

Niyo agi-ogu lambunik o oolo ya'i irimbaga kat kawi eyak wuppunuk, wurogo pit lagangge, Ndugwi ti kanggweendo kwak wokkeren nega eerogo pege, O wiya a'naabit paga nege,

Ndawi 145:8

At Aliku ALA ti, Aakumi inabuwa mbaka, Inabuwa nen iniki yanggonak paga eeppiiga, Anini mbet-mbet wungga'lek iniki yanggoppunuk wonaga, Aakumi iniki kunik nggwok lombok aganaka, Aret menggerak o.

Ndawi 147:5

Ninogoba ti, nggwok lombok logonet, Omaawi mondok iya wonage, Wone ambi eenggo'lek lek abok aret eenu wonage, Eeke menggerak o.

Ndawi 50:3

Ninogoba Ala woraagin me, we woraagin lek o. Wage kagak, kani aa'nduk a'nuk, Yi mendek ndi mendek nenet wage, At enaagan-ambokan o wiya nabuninuk wage, Eerigin o.

Ndawi 62:11

At Ala wone ne ambit ari kagak, An nen wone mbere ari konenggirak nogo ti, Ambi, “Ala wae. Kat mondok komaawi aret wonage,”

Ndawi 66:3

Kinogoba Ala yogo logonet, “Kat iya tit eerit nage paga ninamineeri ne agan nage, Komaawi ambik lombok menggendak paga Kawim inagabiti nen yipik agan kabu'me ari wogwe,

Yetaya 19:1

O Metit mendek eeppiyoorak Ala nen abinggaanggo paga yoreegerak nogo yi aret. Ndugwi mbe agan nage ti paga Aliku ALA kwi'na'nuk o Metit nage yi, kaanip o. It Metit mendek inagugi ogut aago nogo inaganak wake, It aakumi Metit mendek iniki ma'nage, Eeko agaarik o.

Yetaya 66:15

Aliku ALA kani wunuk ari enggela'me wage, O wiya nabuninuk wage menggi kwak at anggweendo paga wage, Eerigin, mbako logonip o. Anini inoba piinet nage logonet, mondok wuk togon aret inoba piinet nage, Ndi, mberirenet nage logonet, kani wunuk agan nage menggi kwak agan nage, Eeke logogin o.

Yeremiya 4:13

At wage yi, kinigen pekkaanip o. Ndugwi kilanogo nippit wage menggi kwak, at kin ari wage, O wiya nombok-kombok eerit wage menggi kwak, at anggweendo wim eeka togop aret wogwe, Towe nggindooni nggarek togon nogo menggaarak kwe, at aguda perak, mondok nggare agan wogwe, Eekwi paga Nit mondok lek eerogo pinanigin me, ninabuwa o!

Ndaniyen 7:13

Oonikiya ti paga mban nabinggaanggo kage logonet, aakumi inaput ndarak negen ambi o mbogut ya'i ndugwi enggela'me wage nagaarik, at Anggok Ageelik Itok Menggerak kwi'ndak wonage me nogome wage mbaki, at enggaanom paga pi wogwe iigirak.

Oteya 8:7

It Iterali ti nen, awi yumbunggwi kwak o wiya aret yumbunggwi me, anggen mbanggwi kwak o wiya omaawi lombok nombok-kombok warit wage logonet, ineebe aret inooke kaagun o. Gandum awi yakaatak ero laganggetak kwe, anggen yega'lek wonage me, nano mendek yigirogo tepung eeriyak? Lek aret o. Ndi, anggen yege logonetak en ti, aakumi inambik nen mbanogo nonggo logonetak me, ti togon meek aret a'netak o.

Yowen 2:13

Togop me, kinambogoyum nibinogo patiyak ti mage o. Ata, kiniki wakkologo logonip o. At Ala ti, oone yanggorogon yo'nirage, ninabuwa mbake, Iniki aan aganggenggwi lek liippunuk eeppinanege, Iniki kunik lombok ee'ninabit unggwage, Eekwi onggo aaninggin ninoba pinanege logonet, Yi eeppigi ao, yinuk, mbake, Eeke menggerak me, At ena koonogo pekkiige logomenggerik, kinabuwa nen ale'nggen nggwok lombok kinoba pinagage logonet, Gandum anggen yigirik ake puurak inom, anggur amburu ake kiliriyak inom, Kinogoba Aliku Ala nen wokkirage kagak eerukwak, Kinomaluk mbo punuk, kiniyokan yungguninuk kinogoba Aliku Ala owagam wa'nip o.

Yunut 4:2

Anini mbake nagagerik, Aliku ALA yoge logonet, “Kaliku ALA wae. Kat koone yanggorogon yo'nirage, nit aakumi ninabuwa mbake, kiniki aanaganggenggwi lek liippunuk eeppinanege, kiniki kunik lombok ee'ninabit unggwage, eekwi onggo aaninggin ninoba pinanege logonet, Yi eeppigi ao, yinuk, mbake, eeke menggendak an neenu me, an yime waga'lek name awo logonet, Time yora naminggirak kwe, Ala nen maluk eeppiyaagin lek teppiyaagin mbaki o, yinuk, yagarak nogo lek a? Alom ti paga an mbet-mbet aret kole mbaganit o Taritit nagagerak nogo o.

Takariya 9:14

Ti eeke kenok, Aliku ALA nen at apuri inirimbaga kin ari wage logonet, O kimbik pindanogo pege menggi kwak, at omaale namburogo nappigin o. At Itok Menggerak Aliku ALA nen oone nggwok eeka trompet nogo oone pu eeke, O ame pa'nggwe nen o wiya nombok-kombok eerit wage enggela'me at wage,

Matiyut 26:64

Yoge mbareegi, at Yetut nen, “Yagandak ti aret o. Togop me, kit abok aret an ambi yokkira o. O yogondak yi kuli paga nen an aap aret nda'nagagirak yi, at Omaawi Lombok Menggerak eenggi abe'nggan kwi'ndak wonage logominggirik, mbogut paga ndugwi enggela'me wambi wage neyaamunggup o, yinuk, yokkiragi o.”

Yakobut 1:19

Nowe-nawot o. Kit an niniki kunik me, wone yi, liirogon waganggo logonip o. Nit abe koonak mban eerit nogo logorak Ala nen ninombareegerak nogo ti, ninanini paga eerit nogo logorak lek me, kit abok aret wone mbet-mbet konenggo logorak op aret kwe, yuurak kenok perak, liippunuk yogwe, kinanini mbet-mbet wungga'lek logonet eekwi, eeko logonip o.

Wayu 1:7

At ndugwi paga wage kenok, it aakumi o nggween paga menggaarak inanebunu lombok at wareegwaarak nogo mendek inom abok aret inalitak lombok nen inigen kogo logomenggaarik, leenggu maako logogun me, liippogo logonip o, yinuk, abet aret yokkiragi o. Amin.