Mika 7:8 - Ala Wone Peenok Peebi Mbanak

⁸ Ninawim mbanak kit yi wae. Nit yigeebu wanggoorak wonogwe kwe, mi'nogwe, Nit o apit aago paga wonogwe kwe, Aliku ALA nen eya eerogo pinanege, Eerigin me, Nit eeppinanegerak paga, “Op eeppiigi,” yinuk, ninagi'ndok kambuurak mage o.

Mika 7:8 ပူးပေါင်းရင်းမြစ်များ

Ayup 31:29

It ineebi nombakwi nogo, Aaninggin inoba age kenok nale'nggen inombake, Maluk inoba age kenok, Kayik a! mbake,

Ndawi 112:4

It aap a'me nggelok mban eeppiigwi, Iniki yanggonak logonet, eeppiinet nogwe, Aakumi inabuwa mbakwi, iniki koonak mban wonogwe, Eekwi nogo O yumaak kwak logomenggaarak kwe, O eya pindanogo piige logogin o.

Ndawi 143:3

It nawim nen mu'neren wogwe, Neebe nggween paga aan mbira eerogo panugwi, It maan kambeegwaarak o apit me wonogwe kwak, An time logokit nduk mbo panugwi, Eekwi me,

Ndawi 20:8

It ti, inengga wandinik ninabu'me tebenak wonogwe kwe, Nit perak, ninengga pilanak mondok mi'ndak nu'lek wonogo ogoorik o.

Ndawi 27:1

At Aliku ALA ti, Eya eerogo panega, nagap ndaka, At aret wonage me, Aap ta paga nagabiti mbake, Neenik logokit nduk, nomaawi eeppanega ti, Aliku ALA aret me, Ta paga naganak wake, Eeriyak mbakop? Lek aret o.

Ndawi 35:19

Alom lek kagak, it ninom wim mbanak nen, “Op togon eeppogo a!” yinuk, iniki wogoppakwi, Alom lek kagak ineebi nombakwi nogo nen Maluk eeppanuwak nduk, inogobak tinggin yogwe, Eekwi iyo, Non mbanogo piyet o.

Ndawi 37:21

It aap maluk mendek nen, “Kamendek luulu waganggi o,” yorogo nagaatik, Iyokan wogorogolik mbo pugwi, Ndi, it aap iniki abe koonak nen perak, Inabuwa nen iniki ndoobu paga wogorogwe, Eeko menggaarak o.

Ndawi 37:24

It iniyogobit liniraagin kwe, Aliku ALA panggoniren nege me, Yigeebu wambugun lek o.

Ndawi 84:11

Oonegen kwak obeelom eerogo pinanege, Nggeemu kwak mulunogo pinanege, Eeke menggendak Kaliku Ala aret o. Kaliku ALA ninabuwa nen obeelom eerogo pinanege, Ninendage tiyappinanege, Eeke menggendak me, Aap inoba maluk lenggenak lek abe mban eekwi iinok, Yi mendek ndi mendek obeelom eeppiige nogo Ambi ili ari lek nggwik togon eeppiige menggendak o.

Ndawi 97:11

Aap iniki abe nogo inoba eya eerogo piige, Iniki koonak nogo inale'nggen mbaruwak nduk eeppiige, Eeke logogin o.

Yetaya 2:5

At Yakup paga wiganak yi wae. Kit kunduk Aliku ALA eya paga nogo logonip o.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Yetaya 9:2

It aakumi o apit paga logonet, eerit nugwi nogo, Eya nggwok lombok inigen kogogwaarak o. It kanggwi inoba wigak yereegerak kanggo menggam wonogwe nogo, Eya lombok inoba pindanogo piyareegerak.

Yeremiya 48:27

At nen it Iterali mendek inagi'ndok kangge, It Iterali aap yogoot kiraaka inenggela'me inom wonogwe iinok, Mbelaappege logonet, anobak yelo-walo mban ari, Eeke logolik a?

Yeremiya 50:11

“It an neyate kwak niniki kundugu nogo maluk eerogo piigwi nen inale'nggen mbakwi, Ale'nggen inikime nggelok ari logonet, noone-koone agan nugwi, Tapi aagalogwe iri'ngga mili nenet nugu logonet, ineeruwak anen pera eerogo piige kwak eerak nugwi, Kuda ngguunok inoone ku agan nugwi kwak eekwi, Eerit nugwi me,

Yeremiya 8:4

“Aliku ALA nen yegerak yi aret o,” yinuk, yorage logorak yo'negerak nogo yi aret. “Aap ambi iyogobit lik togon ngginna'nuk, pilak-palak mi'nage, Ndi, aap ambi tu kobak age kenok, iyokan yungguk togon wage, Eeko menggaarak nogo lek a?

Yetikiyen 25:6

Aliku Itok Menggerak ALA nen yegerak nogo yi aret. “O Iterali eeppugwi iinok, it o Amon mendek nen, Op togon eeppega, yinuk, iniki ale'nggen nen ineenggi telak eekwi, iniyok lubuk yogwe, eereegwaarak paga

Yetikiyen 36:5

At Aliku Itok Menggerak ALA nen ari logonet, It an nanggween nogo ndinggologo nogogwaarik, unde eeppatinuk, inale'nggen mbakwi, inanini mbako logonet, meek eerogo pugwi, eeko logonet, yi mendek ndi mendek tigippit unggwogo nogogwaarak me, nanini kani kunik negen eeke logonet, Ndogop eekkinabigin o, yinuk, it Erom mendek inom, yi aakumi ndi aakumi ando abok aret inom, yoragagirak o.

Amot 9:11

“It Iterali nen aakumi o Erom eegu yumbunik wonogwe nogo inabu'me piigwi, It yi aakumi ndi aakumi, Nogoba Ala aret o, yinuk, yogo logomenggaarak nogo, inabu'me piigwi, Eeruwak nduk, Ne ti eyom paga Ndawut awooliya wurik langgunnagagerak nogo obaane'me wuke, Yugum pak wurik langgunogo pereegwaarak nogo, obaane'me wuke logonet, aa'nduk wurik wonagagi kwak eerogo pege, Eerigin,” yegerak o. Eerigin yegerak yi, Aliku ALA nen aret yegerak me, yokkiragi o.

Obaya 1:12

Inawuri Yakup mendek maluk eerogo piigwi ne ti paga, it Erom mendek nen, Kayik a! inombakwi, It Yekura mendek ineebe lek eerogo piigwi ne ti paga, iniki ale'nggen mbakwi, Aaninggin inoba kwi'nage ne ti paga, Nit eeppinanega'lek me, nit iya, yinuk, tiyappakwi,

Mika 4:10

O Tiyon aagalogwe kit yi wae. Yogondak kineebi mbakak o kota yime nen endekem wundi nanuk, yabu nggulaame logorak agaarak me, Kwe enegen paganak yagan wake menggi kwak, kineebe yagan yobak-nggolak yogo logonip o. Kit o Mbaben aret namunggup o. Time nen aret kinagap ndake, time nen Aliku ALA nen kinawim ineenggi paga nen wondet eerogo pinagage, Eerigin o.

Mika 7:10

“Kit kinogoba Aliku Ala nogo ngge o?” yinuk, yo'nirogogwaarak ninawim nogo nen nit ee'ninake ti, Inigen niigo logomenggaarik, inenggali nen inete wandinik logonet, nogo logogun o. It tebenogo piinok, purok tu paga iniyok amok mbanggo mengga kwak, togop eeppiige iyaagun o.

Takariya 12:8

Ne ti eyom paga Naliku ALA nen it Yerutalem wonogwe nogo, inarum wonage logonet, it aakumi inomaawi lek abu ndeyak wonogwe nogo, at Ndawut omaawi wonagagi kwak eerogo piige, ndi, at Ndawut paga wiganak nogo ti, Ala kwak, Aliku ALA ayonggo malayikat inaa'nduk a'nuk, nogo nogogwa kwak, eerogo piige, eerigin o.

Maleyaki 4:2

It an nendage tiyappogo logonet, nayuk wuko menggaarak iinok perak, oonegen wundi wage logonet, aakumi inagabolo mbiganogo piige menggi kwak, at obeelom eeppiinet nega nogo, wundi wa'nuk, towe kwak wiga agan it obeelom eeppiinet nage logogin o. Tapi aagaluk anggenogona wonage me, wumbugwi iinok, ale'nggen paga kunu wonet nege menggi kwak, it inale'nggen nen togop aret agan nugu logogun o.

Yaya 16:20

Kiniki puru ari, leenggu maakwi, eekwi kiigak, it aakumi o nggween paga yime menggaarak nogo nen inale'nggen mbarugun. Kit kiniki puru yumonggotak kwe, peebi kiniki puru ari nogo lek age logonet, obaane'me ale'nggen nggwok eekkinake kaamunggup o.

Yaya 8:12

Yorage nagagerik, ti'nuk, at Yetut nen aakumi ambinom yorage logonet, “Aakumi o nggween paga menggaarak eya eeginake minggirak an aret o. Kit an ninom nogwe kiinok, ineenik eeginake minggirak eya an nogo nen kiniki eya eekkinabigin me, o apit paga nogo logomunggup lek o.”

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

2 Korindut 4:9

Piyak-payak eerogo pinanugwi iigak kwe, Ala nen mbo pinanegeelik o. Ndi, ninookwi kwe, nineebe kanggwi lek aret o.

Wayu 21:23

At Ala abu tiyanak eebe eya ndelenak-welenak eeke nogo paga o kota ti, eya eeke, ndi, ndi wuninik pogom ti, Ndomba Aagaluk nen aret eya eeke, eekwi me, it aakumi nen, “Oonegen inom, tut inom, eya aruwak lak ao,” yinuk, yaga'lek aret iigirak.

Wayu 22:5

Time o kiip age, o weege, eeka'lek o liingge mban wonage kagak, it aakumi nen Ala eya paga nugu logogun me, nugu logonet, “O eya aruwak nduk, oonegen wundi wage, ndi, ndi wuninggwi, eeruwak lak ao,” mbaka'lek it aap inendagembogut negen logonet, mondok-mondok wone lengganogo yorogo logogun o.