Mika 7:7 - Ala Wone Peenok Peebi Mbanak

⁷ Togop aret kwe, an nogo, an nen at Ala yoge nogo aruk konenigin me, Aliku ALA yeenggwa niri wage kero, nenegen wonage, Niniki lunik nagap ndaka ninogoba Ala nogo neya wage kero, tokkage, Eeke agarik o.

Mika 7:7 ပူးပေါင်းရင်းမြစ်များ

Wakkagagerak 49:18

Kaliku ALA wae! Nagap ndarogo panenok nduk, tokkake agarik o!

Ndawi 109:4

Niniki kunik eeginake onggo negen inoone liirit yo'nugwi, Eekwi iigak kwe, An nen inake tamban eeke minggirak o.

Ndawi 130:5

Kaliku ALA nen an yeenggwa nenok nduk tokkeege, Niniki nen mbet-mbet eeppani woraawak lak, “Ao,” mbake, Koone yereegindak nogo niniki lunik wonage, Eeke agarik o.

Ndawi 25:5

Kat nogoba Ala nen nagap ndake keenok, Niniki kat paga mban lunik neegak, o kiip age, weege, eeke menggerak me, “Wone yi abe o,” yinuk, ari menggendak nogo Eeke logokit nduk, pi'neren nage, Liirogon mamunnake, Eeke logot o.

Ndawi 37:7

Togop aret me, Aakumi nen eekkoloorak mbakwi nogo aret eekkologwe, Ndi, aap inambokan laganiyak koombunuk, Inambokan aret laganggwi, Eekwi iinok, Kinanini age ti mage o. Ata, kiniki aan aganggenggwi lek puk aret wonage, “Aliku ALA nen eeppinanigin o,” yinuk, tokkogwe, Eeko logonip o.

Ndawi 38:15

“An eraabin tuk togon yigeebu wangge neenok, It nogo nen, Kayik a! yinuk, inale'nggen mbakwi, Op togon wanggi, yinuk, wogoppakwi, Eekwi iyo, Non mbanogo piyet o,” yinuk, yokkigirak me, Kaliku ALA wae. An kat paga niniki lunik wonage, Kat nogoba Ala wae. Kat nen onggo yo'nenok nduk tokkeege, Eeke logogin o.

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Ndawi 65:2

Nit tamban eekwi karuk konengge menggendak me, Yi aap ndi aap abok aret kowagam kuwak ari woraagun o.

Ndawi 85:5

Kanini mondok-mondok ninoba pinanege, Ninapuri nda'narit wundi woraagun nogo Kanini inoba piinet nage, Eeke logorak op a?

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 17:7

Ti eyom paga yeenggwaaraawak nduk, it aakumi nen Ineenggi paga ogobakkigirogo pereegwaarak inagugi inake warogo wogorogo menggam inigen pekkogwe, Inagugigwe Atiyera ageyo yinogo mippugu nogo ayuk wukwi, Obari abe kaga kani kunggo logowam ineenggi paga ogobakkigirik nogome kani kunggwi, Eerugun lek o. Ata, at ogobakkigirogo piyareegerak nogo inigen pekkogwe, At Kikak Nakeelik Alik Leenak Iterali inogoba liippugwi, Eeko logogun o.

Yetaya 25:9

Ne ti eyom paga it aakumi nen yogo logonet, “Eeppinanege yi ti, ninogoba Ala nen aret o. Ninagap ndaruwak nduk, tokkogo nogoorak nogo at aret. At tokkogo nogoorak nogo Aliku ALA yi aret me, ninale'nggen mbakwi, Ninagap ndakerak me, ninale'nggen nen ndawi lubuk yogwe, Eeko logowok o,” yinuk, yugun o.

Yetaya 45:22

It aakumi o nggween irip-irip wonogwe ti, Ala alik ambi lek, an nalik mban aret wonage me, Iniyokan yungguninuk neya wogwe iinok, inagap ndarigin o.

Yetaya 8:17

At apuri Yakup paga wiganak nen enete kogwe iyo, kumaappatinuk wonage Aliku ALA nogo an tokkage, Niniki at paga panggonak wonage, Eeke agarik o.

Leendawi 3:24

An niniki nen mbake logonet, “Yate kwak niniki kundugu ti, Aliku ALA aret me, At nen eeppaniyak nogo mban niniki lunik aret agaarik o,” yinuk, ari minggirak o.

Ndaniyen 3:17

Kani omoonuk wunuk ari me time mambinanege keenok, nit alut eeko monggoorak ninogoba Ala nogo kat keenggime nen ninagap ndarogo wumbinani woraagin o.

Oteya 12:6

Togop me, kit kiniyokan yungguninuk kinogoba Ala owagam wa'nuk, aakumi kinom kiniki kunik eeginabit nugwi, A'me nggelok liirogon mban eeppiinet nugwi, Kiniki kinogoba Ala paga mban panggombunuk, kiniki kwippunuk, tokkogwe, Eeko logomunggup o.

Yowen 1:19

Togop me, Kaliku Ala wae. Tapi-ndomba inagari'ngga nenet nogo menggam nogo kani nen wiyanogo pit nage, Yi eyo ndi eyo yabume yarak wonage nogo, kani omoonuk nen nenet nage, Eekerak kenok, Noone nggwok paga yokkege agarik o.

Abakuk 2:1

An nggayo wurik paga o tum wake minggim lagi nage, O pak wurik irimbaga unggut-unggut yerek-nggorek wurik nogome nu'lek mi'nari lagangge, Eeke logominggirik, “At Ala nen wone ngge yo'nege kaamun?” yinuk, tokkage, “At Ala eeke yi, neebi o,” yinuk, “Ala yogirak nogo onggo yo'nege kenok, an nonggop yi?” yinuk, koongge, Eerigin o.

Abakuk 2:3

Kabinggaanggo kagandak ti, eeriyak eyom koonak nogo awo ari waga'lek kwe, Woraagin nogo ti, pilit lek abet aret woraagin o. Eeri woroorak nogo puk arigin lek abet aret woraagin me, Elaambirik woraagin, mbarugun o. Ata, kagak tokkage logot o.

Linggineegwaarak 5:28

Ndi, kwe ti, maluk eekkolaga'lek ogonggelo ake mban porogo wonage kenok perak, niyo ti, namenggerak kwe, maluk eekkolaagin lek aagalogwe kuurik me aret ndaganake logogin o.