Mika 7:2 - Ala Wone Peenok Peebi Mbanak

² It aap Ala mugurok nogwe nogo, o yime inenggaawak lek aret iige, Aap iniki abe koonak ambiriluk ambi lek aret kage, Eeke agarik o. It abok aret aakumi inooriyak nduk, enaarak negen wonogwe, Towe yilunggagak yum yugu wonok nugu mengga kwak, it ambi nen inoreeluk ambi wariyak nduk eerit nugwi, Eeko agaarik o.

Mika 7:2 ပူးပေါင်းရင်းမြစ်များ

Ndawi 10:9

Singa nen at noorak mendek wage kero, Iri'nggaame kumaarak tokkage menggi kwak It inagap ndakkoloorak meek mendek nogo piginabuwok nduk toriigwi, Wogwe iinok, inageele pugume nggelenak me, pigiren nogwe, Eeko menggaarak.

Ndawi 12:1

Kaliku ALA wae. It aap mukkeren nogwe nogo ineebe lek ogwe, It aap koone liirogon mugurok nogo menggaarak nogo Aakumi inenggela'me nen inenggaawak lek ogwe, Eekaarak me, kat nen aret yeenggwa niret o.

Ndawi 12:2

Aakumi abok aret it mban-mban pilit-pilit agan nugwi, Aakumi inambokan laganggo logonet, inoone amburu ndik-ndik agan nugwi, Eeko logonet,

Ndawi 57:6

An aaninggin noba luuwi agan nage me, Towe yiluk yuwak nduk, Yum tugunogo pit nogo mengga kwak, An yiluk yikit nduk eerogo panugwi, Tu paga nage me yobok togon wambikit nduk Wam labu pogo mengga kwak eerogo pit nogwe, Eekaarak kwe, Melak togon it aret yobok togon wambit nagaarak o.

Kini Wuppiige 1:11

It nen yokkogo logonet, “Aap ambi kok pippunuk, waruwok nduk, enaari nogwe, Aap ambi maluk eeka'lek ugun nage me, amendek ndinggologwe,

Kini Wuppiige 12:6

Aap inooruwok nduk enaako mengga kwak, aap maluk eeka inoone ti, togop aret eeppiinet nugu menggaarak kwe, It aap iniki koonak inoone yogwe paga perak, aakumi inagap ndarogo piigo menggaarak.

Yetaya 3:5

It aakumi ti nen an iya kat iya yogo logonet, It ambi nen it ambi tebenogo piigwi, Imbirak koorok wonogwe nen at ambi tebenogo pegak eekwi, Wologwe nen inogobamini tebenogo piigwi, Inendage lek nen inendage warak tebenogo piigwi, Eeko logogun o.

Yetaya 57:1

It aap iniki abe koonak kanggwi iinok, aap ando nen, “Aap ti kanggi o,” yinuk, iniki liippakwi, It aap obeelom mban eerit nugwi nogo iniki nggigik togon wungge kenok, it ando nen yelok kogwe, Eekulik aret menggaarak o. Ko'lu maluk mendek ambi inoba age kero, it aap iniki abe koonak nogo iniki nggigingge ineenu aruwak nduk, Eeke menggerak kagak liippega'lek aret menggaarak o.

Yetaya 59:7

Mbet-mbet aret maluk eerit nugwi, Aakumi maluk eerulik kagak mbet-mbet aret inoorogo piinet nugwi, Maluk eeriyak mban koonogo pit nugwi, Yi awi ndi awi nugu logonet, aakumi lek eerogo piinet nugwi, O yinik-minik eerogo pit nugwi, Eeko monggotak.

Yetaya 9:19

At Omaawi Lombok Menggerak Aliku ALA anini ti, wukkani-ndakkani pup eerogo nenet nage menggi kwak O nggween yi togop aret eerit nage logogin o. Kani ambi-mbiingga ti, it aakumi aret me, Nenet nage kenok, at ambi nen at ore ambi abuwa mbakak eerugun mondok lek aret o.

Yeremiya 16:16

At Aliku Ala nen ari logonet, “It aap yikwe wagangga ambik woraawak nduk yonggo piyaminggirak wogo logomenggaarik, it aap ti, piginabit nogo logogun o. Ti'nuk, towe warit nega ambik woraawak nduk, yonggo piyaminggirak wogo logomenggaarik, it aap ti, puut-puut tiyarogon wonogwe, puut-puut teberogon wonogwe, yugum ambe nggaganak me wonogwe, eerak wonogwe iinok, inooko logogun o.

Yeremiya 5:16

It aap nappiya woraminggirak abok aret ti, Aap wim eeka wakaa'ngget inomaale kani kunik negen wonage me,

Yeremiya 5:26

It an napuri inenggela'me time aap maluk eeka mendek wonogwe me, Keele pugume towe ineenik ngge-ngge yiluninake menggi kwak aakumi yilunogo piigwi, Pagi wariyak ta'na pogo mengga kwak aakumi maluk eeppiigwi, Eeruwok nduk, Toriigo menggaarak.

Yeremiya 8:6

It aakumi yi, yogwe nogo naruk liirogon konengge nagagirak kwe, abe koonak yogwe ambi naruk konengge, An maluk nonggop eeki? mba'nuk, Mbo pi o, yogwe ambi konengge, Eeka'lek aret agarik o. It aap wim namburiyak kuda paga kwi'ndak mbe agan nogo mengga kwak, It yungguninuk waga'lek eeriyak mbakwi nogo mban mugurok nogo menggaarak.

Leendawi 4:18

Tu nugwi niinok, ninom ogoorak nen inigen wo'niren nugu nogogwaarak me, Ninawoore'nggam nen wundi naga'lek puk aret wonogogurak o. Nit nda'nogogurak eyom abu aret lek arit nage, Nineenik logorak kuli abu aret ari nage, Ndi, nit kambuurak eyom panggoni wage, Eereegerak me,

Yetikiyen 22:12

ndi, o kota enggela'me time aap inooruwak nduk, inonggo nggerenogo nunggwi, eeko agaarik o. At nen awu wogoragaatak porogo wonogwe, Onggo wo'ninip, yorage, at awu porogo wonogwe nogo paga ambik aret nabenogo kolage, oone omaawi paga aakumi wi-wi eerogo piige logonet, inamendek wagangge, eeke logonet, an noone yugu nogo at mondok kobak eerogo pereegerak o, yinuk, Naliku ALA nen aret yagi o.

Yetikiyen 24:6

Aliku Itok Menggerak ALA nen yegerak nogo yi aret. “O kota enggela'me time ineebe inoorak inamiya ti, Liirubu nen kagaarogo pege kero, nggween paga wurabulik o. Ata, yugum eerilek tabak paga kilirogo pereegerak o. Amiya kilirik nenegen kage kenok, nanini mi'nage, Inoorogo piinet nagagerak onggo woorak aberak wonage, Eerak logowak nduk, At amiya ti, liirubu nen kagaarogo pege kero, yugum eerilek tabak paga kilirogo pigin me, Aakumi inamiya kilirogo piinet nugu menggam o kota ti, abuwa o! Togolowa'na enggaanggum la'nage logonet mili lenggenogo pege nogo, kooka'lek lengge aago kagak wonage ti, abuwa o! Enggaanggum mbanak larak ti, Ta koloorak kaamun? yinuk, Yugum wakkaga'lek ugun-ugun ambi waganogo wumbegak, ambi waganogo wumbegak, eeke logowak,” yegerak o.

Oteya 5:1

Aliku ALA nen ari logonet, “It an neebe unde abok aret ti, wone yi, inaruk konenggwi, It aakumi Iterali mendek ti, yorage yi, liippugwi, Aap endagembogut akuwi-apuri inom ti, inaruk liirogon konenggwi, eeko logowak o. Keele o Mitapa paga pugwi, Puut Tabot paga towe yonggo'naruwak nduk yum mbiganogo pugwi, O Titim nggwiya wambuurak nggween ogurogon kabunggwi, Eeko mengga kwak, It ti, togop menggaarak me, Aaninggin eeppiyoorak wone yi ti, it inake aret yorage agarik o. It abok aret ti, eerit nugwi paga an nen aaninggin inoba kwippiyaagin o.

Oteya 6:9

It aap an neebe unde nogo ti, aap a'nggan wogonaka enaarak mengga kwak logonet, Tu Tikem nogo menggam paga aakumi inoorogo piigwi, Eekulik kagak inenggali lek eerit nugwi, Eeko agaarik o.

Mika 2:8

Togop kwe, it inom wim mbanak nen eeko mengga kwak, an napuri inoweewi nogo mi'nogo logonet, Inawuri nen wim eeppunuk, iniki ugun ale'nggen paga iname wogwe me, inayum abe nggorek nogo nggorok togon eerogo kologwe,

Mika 3:10

Aakumi maluk eeka'lek ugun iigak kwe, inoorogo piinet nogo logonet, o Tiyon wukwi, Aakumi inawu yowaarogo o kota Yerutalem wukwi,

Mika 3:2

Obeelom eeriyak kineebi mbakwi, maluk eeriyak kinikilom mbakwi, eeko logonet, An mendek ineenik ngge-ngge inagabolo mbelanogo piigwi negen eekwi, Inowak kalenak-pugunik eerogo piigwi kwak eekwi, Eeko monggotak o.

Takariya 11:6

Naliku an ALA nen kunduk, aakumi o nggween yi paga wonogwe ti, ambinom inabuwa mbarigin lek aret o. An nen abet aret it-it maluk eekkologo logowak nduk eeppiige, it inoweewi inendagembogut ineenggime aruwak nduk eerogo piige, eerigin me, it nen maluk eerogo piinet nogwe iigak, an nen ineenggi me nen ndininabigin lek aret o,” yinuk, Aliku ALA nen aret yo'nereegerak o.

Nappiigak 24:9

Yoge mbareegi, it Yakuri kuwak ogogwaarak nogo nen kunduk, “At wone oba pegaarak ti, abet aret kogo o,” yinuk, yereegwaarak.

1 Tamuwen 24:11

Kooka'lek teppagage logonet, kayum irip mban mbuuluk mbanogo waganggirak neenggime wonage yi, pekket o, nogoba. An tebenogo pagakit nduk, koone taganit nage, an maluk eeppagage, eekirak noba wonage lek yum yi paga keenu aru o. Kat perak, an nooriyak nduk, mu'neren-ma'neren nege menggendak ti,

1 Tamuwen 26:20

Togop aret me, aap ambi towe wonde wariyak nduk, eyonggaame puurom kwaarit nege menggi kwak, an nggeewo abi kwak neegak, kat aakumi Iterali inowe kendagembogut nen aret nooriyak nduk, kwaa'nabit nege me, namiya nggween paga nda wambuurak lek o. Ata, Aliku ALA awooliya wurik me enggaanom paga aret wambuwak o,” yinuk, yoreegerak.