Mika 7:16 - Ala Wone Peenok Peebi Mbanak

¹⁶ Ti eeremenggendak paga yi aakumi ndi aakumi inigen kogo logomenggaarik, “Nit ninomaawi paga eeriyak meek kogo o,” yinuk, Inenggali nen inoone ambi yaga'lek inaruk logu negen eeppunuk logogun o.

Mika 7:16 ပူးပေါင်းရင်းမြစ်များ

Ayup 21:5

An ari neegak, Ia! yogwe, Kineenggi kineyak mbanggologwe, Eerumunggup kwe, An ari mban neyaamunggup o.

Ayup 40:4

“An aap abu yunduurak aret me, Wone nonggop yokkirubok kenok, noone lek puk ari o.

Ndawi 126:2

Ti eyom paga I'ndok kambuurak mban ninambe paga wonage, Ndawi wariyak mban ee'ninake, Eereegerak me, Aakumi inanebunu lombok i'mban-mban yogo logonet, “At Aliku ALA nen Aakumi ti mondok iya lombok eeppiigerak kogo o,” Yinuk, yogo nogogwaarak.

Kini Wuppiige 30:32

Yilak amburu toolak nombok-kombok eekwi iinok, linogo pege, Inogobak nombonggogwe iinok, inamiya wundi wage, Eeke menggi kwak, Aap inanini mi'nogwe iinok, ndugwi aret wo'nage menggerak me, Kit kiniki lek wi negen logonet wogoppatit nogwe, Maluk eeriyak ambi koonogo pugwi, Eekwi kiinok, Mbiningga'lek kinoone puk aret logonip o.

Yetaya 26:11

Kaliku ALA wae. Maluk onggo aaninggin inoba piyoorak keenggi nippunuk wonage kwe, Inigen keega'lek aret agaarik o. Kapuri alik eekwi iyo, kiniki aganggen kerek togon panggombiinet nage nogo Inigen keego logomenggaarik, inenggali age, Ndi, kani nenet nage menggi kwak, kawim aaninggin inoba piyoorak koonogo pegendak nogo it aret inoba kwi'nage, Eeruwak o.

Yetaya 52:15

Ti ndak-ndak at eerit namenggerak paga yi aakumi ndi aakumi abok aret, Iya, yinuk, pi wakwi, Ndi, yi aap ndi aap inendagembogut kunduk, at eeke inigen kenok, inoone-inambe ambi yaga'lek puk aret ogwe, Eerugun o. Yoraga'lek nogo eeke inigen kogwe, Ndi, inaruk konengga'lek nogo, konembunuk ineenu ogwe, Eerugun me, Inoone ambi yaga'lek puk aret logogun o,” yinuk, yegerak o.

Yetaya 66:18

“Aakumi inanebunu lombok abok aret inom, inoone alitak abok aret inom, eeriyak iniki koonogo pugwi, eerit nugwi, eeko menggaarak abok aret an neenu me, wage logominggirik, Kuwak ee'nip o, yoraminggirak kuwak eekwi iinok, an tiyanak logonet iya tit eeppiinet nage nogo inigen kaagun o.

Yetikiyen 38:23

Ti eeriminggirak paga an mondok tiyanak minggirak inom, an kikak nakeelik alik leenak minggirak inom, neyaawak nduk, eerigin o. It aakumi inanebunu ambik lombok nen an neyaawak nduk, inenggaanom paga eeke neenok, it nen Naliku ALA an aret ineenu arugun o,” yinuk, yegerak me, yokkigi o.

Mika 3:7

It inabinggaanggo paga yoraga nogo inenggali age, Tili pagangga nogo inagabiti age, Eeko logonet, Ala yoremenggaarak nogo onggo yoraga'lek kenok, inuut kuru agan wangge logogin o,” yinuk, yegerak me, yokkiragi o.

Mika 5:8

Kit Iterali kinawim kinom nambuko logonet, tebenogo piigwi, Kinom ogoorak nogo lek eerogo piigwi, Eeppunuk, “Nineegin tiyak yigi o,” yinuk, keekok piyanggogo logomunggup o.

Agayi 2:22

it aakumi inoweewi inendagembogut kwi'ndak logonet, wone lengganogo yorogo menggam abut laganogo pege, it aakumi inambik inanebunu lombok inabu'me piinok, wone lengganogo yorogo menggaarak inomaawi nogo, lek eerogo pege, inanggweendo abut laganogo wuppege logonet, aap wonok nega nogo u'ngguluk wuppege, eeke neegak, it-it inawooluwak paga wat-wat yogo logonet, inaguda inom, it kuda wonok nega nogo inom, inooremenggaarak kambit nogo logogun o.

Takariya 12:9

Ne ti eyom paga it yi aakumi ndi aakumi abok aret o Yerutalem tebenggolaawok nduk, eekwi iinok, an nen lek eerogo piyaagin,” yegerak o.

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

Wayu 11:18

Yi aakumi ndi aakumi abok inanini kombako logonet, At ninowe endagembogut logorak nineebi o, yinuk, agan nogwe nogo, Kanini inoba piige, it kambit nogogwaarak nogo inawone amburu mbanogo inowak loonogo piige, It kayeloman mini yorage keegak yoraga inom, kapuri kake leenak nogo inom, it kayuk wuko menggaarak inom, inendage lek inendage warak abok aret obeelom eekwi iinok onggo wogorage, Ndi, it o nggween paga time maluk eerogo pugwi nogo pup eerogo piige, Eeriyak eyom abu panggo yi wagaarak me, wa,” yinuk, yogwi iigirak.