Mika 7:1 - Ala Wone Peenok Peebi Mbanak

¹ An ti, nabuwa o! Anggur anggen irip me agaatak mbanggwi kwak, an anggen naakit nduk kwaarit nege kwe, togo'mbet yugu mban kage, Wuliinggen abe amburu warak, “Naakit lak, ao,” mbake kwe, lek kage, Eeke me,

Mika 7:1 ပူးပေါင်းရင်းမြစ်များ

Ndawi 120:5

An aap o Metek wonogo menggam nugwi kwak nege, It aap o Kerat inawooliyana inom mengga kwak wonage, Eeke me, nabuwa o!

Kini Wuppiige 20:6

Aakumi apit nen, “Nit mbo pinagagun lek o. Niniki mondok kunik eekkinako logogun o,” yogo menggaarak kwe, Aap ambiriluk ambi nen oreeluk mbo pegeelik iniki kundugu lombok eeke menggerak kenok ti, iya aret me, aap ti mendek ta nen kwaakkoorak op mbakop?

Yetaya 17:6

Tayitun anggen yugu nuk-nuk eekwi iinok, nggaru-nggaru wangge logonet, Era'nggup me yugu mbere ilik, kenagan a, teppege, Eno'mbak paga luurik maarak yugu wonage nogo wangge logonet, 4 ilik, 5 a, teppege, Eeke menggi kwak, An nen Iterali togop aret eerogo piyaagin o,” yinuk, Iterali inogoba Aliku Ala nen aret ari kagarak o.

Yetaya 24:13

Eyo tayitun anggen yawi lombak mbanggwi iinok, ambitak kagak nggaru-nggaru wambit wage menggi kwak, Anggur anggen yegetak mbanit nogo logonet, ambitak teppogo mengga kwak, O nggween paga yime yi aakumi ndi aakumi inenggela'me togop aret eerogo piyaagin o.

Yetaya 24:16

“At mondok abe koonak mban eeke menggerak me, ayuk wuko logowok o,” yinuk, O nggween irip yobok paga nen ndawi wako logonet, inoone nggu-nggu yogwe konenggo ogoorik o. Togop aret konenggwi kwe, an nen ari logonet, “Neebe wono eerogo panege, neebe mbuuluk eerogo panege, Eeke me, nabuwa o! It aakumi inambokan lagangga nen aakumi inambokan laganggwi, Aakumi inambokan laganggwi iinok, it aakumi inambokan lagangga nen aakumi alik inambokan laganggwi, Eeko agaarik,” yagarak o.

Yetaya 28:4

Yirik kenok, iya mbakugak anggen teebat age, O kobappaga agi nggween mili paga wurik wonage, Eerak nogo ti, Anggen mbaniyak eyom ari wage kenok, eyo wuliinggen abu nabu agaatak me, Aap ambi nen enegen kenok nggaruk togon eerogo nengge menggi kwak aret eerigin o.

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Yeremiya 15:10

Kwiya wae! It aakumi o yime menggaarak abok aret ninom wugabit nage logonet, wone warit mban nege an yi, Nonggop nduk nda'nabeegindak nabuwa o! Aakumi inanomat noba luurik wonage, ndi, an nanomat it inoba luurit wonage, eerulik kwe, It abok nen an pulunogo panit nugu menggaarak o.

Yeremiya 24:2

Muun ambi yarak nogome wuliinggen abu abe amburu ambik kero yonggolak wonage, ndi, muun ore yarak nogome wuliinggen amburu lek noorak meek nogo mendek yonggolak wonage, eerak kagagirak.

Yeremiya 4:31

Kwe ambi aagaluk enegen paganak yagan wake logonet, kwa ari, Kwe ndugum aagaluk aa'nduk ndake logonet, ke'mbogonik ari, Eeko mengga kwak, O Tiyon Aagalukwe nogo iniki nggiluk ari, Eenggi ndek ari logonet, “Ninom wim mbanak nen nooriyak eekwi paga niniki ma'nage me, nabuwa o,” yinuk, ari, Eeke naruk konengge agarik o.

Yeremiya 45:3

Kat nen ari logonet, An niniki wakko'net unggwage neegak, Aliku ALA nen, Abunuk iniki wakkolaawak, nomba'nuk, aaninggin ambinom noba panege paga, niniki aaninggin nen koonit nage logonet, nomaawi lek age, niniki tayok ari lek piirik mban wonage, eeke me nabuwa o, yinuk, yagandak o.

Yeremiya 5:1

Aliku ALA nen ari logonet, “Kat o kota Yerutalem yiru-ndiru yime pekkanet nage, Pekkanet nage logonet, kenegen li'lak yambonit nage, Wone mbanggo menggam nggween aagome abok aret yambik-yambek eeke, Eerit nage logot o. Eerit nage logonet, aap ambi iniki abe koonak a'me nggelok mban eeke menggerak ambi wonage kage kenok, Aakumi o kota yime menggaarak ineebe lek eerogo piyaagin lek, inomaluk lek eerogo piyaagin kwe, lek me meek o.

Oteya 9:10

Aliku ALA nen ari logonet, “O karume anggur anggen yugu kogo nagaatik, inale'nggen mbako mengga kwak, It Iterali aa'nduk lombok iige nagagirik, nale'nggen ambik mbake, Eyo wuli anggen aa'nduk yugu nogo kogo nagaatik, inale'nggen mbako mengga kwak, It Iterali inombomini iige nagagirik, nale'nggen mbake, Eereegirak kwe, Puut Peyot paga woraanuk, ogole warak kugi Mba'an ake ineebe nggomoorogo pakwi, Mugurok nogo logonet, ogole warak iniki kunik eereegwaarak nogo, ineebe ndak-ndak inogole warak aret eekkologwe, Eereegwaarak o.

Linggineegwaarak 18:13

Inanggween paga yaremenggaarak anggen iyaalok yemenggerak Naliku ALA nake pi wogwe nogo ti, kit kinake aret me, it aap ambi kit kinom monggotak oba maluk lenggenak lek obeelom wonage kenok ti, kinom nonggo logorak op aret o.