Mika 6:8 - Ala Wone Peenok Peebi Mbanak

⁸ Nit aakumi yi, obeelom eeko logorak ti, Aliku ALA nen muk yo'niragagerak o. Ndi, Aliku ALA nen eeko logorak ninombake nogo ti, ngge o? Lek o. Nit eeko logorak ninombake nogo ti, a'me nggelok eeppiinet nugwi, Aakumi inabuwa mbako logorak ninikilom mbakwi, Niniki tebeppatinuk, ninogoba Ala mugurok nogwe, Eeko logorak ninombake ti aret o.

Mika 6:8 ပူးပေါင်းရင်းမြစ်များ

Wakkagagerak 5:22

Ndake nagagerik, Ala imbirak mondok kunik logonet, tahun tiga ratus ari nage kagak, apurilogwe ando aap inom, kumi inom, ndaganabeegerak me,

2 Mbinineegwaarak 30:11

Ti eereegwaarak kwe, it ando Atet mendek inom, Manate mendek inom, Tebulon mendek inom, nen perak, iniki tebeppatinuk, o Yerutalem wogogwaarak.

2 Mbinineegwaarak 32:26

at Kitikiya inom, it Yerutalem wonogwe inom, iniki tebeppako mbareegwa, at Kitikiya wone lengganogo yorage eyom paga Aliku ALA anini inoba piyoolik teppiyareegerak.

2 Mbinineegwaarak 33:19

Ndi, at tamban eereegerak inom, abuwa warak nggo-nggo logonet yoge mbareegi, Ala nen, “Abet aret yo'nege kagi,” yinuk, eeppereegerak inom, maluk eerit nage nagagerak inom, Ala wone li'lak eeka'lek mbo punuk, puut-puut paga kugi eeko menggam ogobakkigirit nagagerak inom, kugigwe Atitoret ageyo arelen yinogo mippit nagagerak inom, kugi inogut eerogo pit nage nagagerak inom, iniki tebeppaka'lek logonet eerit nage nagagerak abok aret it inabinggaanggo kaga nen liiru mbanggo nogogwaarak paga inom mbanak wonage o.

2 Mbinineegwaarak 33:23

Ogoba Manate ti, Aliku ALA enggaanom paga maluk eeke nagagerak kwe, iniki tebeppateegerak nogo kwak, aput togop eerulik. Aput Amon nogo perak, iniki tiyanak mban wonage logonet, maluk ambik lombok eerit nage nagagerak.

2 Mbinineegwaarak 34:27

At Aliku Iterali inogoba Ala nen ari logonet, An nen o kota yi inom, it aakumi yime menggaarak inom, nanini inombake logonet, o yi abeelik-abeelek eerogo pigin, yagarak nogo, at aruk konengge nagaarik, nenggaanom paga iniki wakkolage logonet, tebeppake, ndi, ayum nibinogo patinuk le ari, eeke nogo, Naliku an ALA nen kagarak me,

Nekemiya 9:13

Kat puut Tinayi paga wambi wage nagagindik, puut irimbaga tiyarogon nen wone yorage logonet, eekwi ndak-ndak eeppiigo logorak wone yugu inom, abe a'me nggelok mban eeko logorak wone inom, wone lengganak inom, Yogop ee'nu ndogop ee'nu, wone yugu inom, abok aret li'lak eerogo wogoragagindak o.

Ndawi 101:1

Kaliku ALA wae. Kat nen aakumi kiniki kunik aganake, Eekaatak a'me nggelok eeppiige, Eeke menggendak nogo paga An nen ndawi wake, Kinikilom mbarenok nduk, ndawi paga tiyappagage, Eeke logogin o.

Ndawi 112:4

It aap a'me nggelok mban eeppiigwi, Iniki yanggonak logonet, eeppiinet nogwe, Aakumi inabuwa mbakwi, iniki koonak mban wonogwe, Eekwi nogo O yumaak kwak logomenggaarak kwe, O eya pindanogo piige logogin o.

Ndawi 112:9

Ineenggi lek iinok amendek tumburiranet nage, Obeelom mban eeppiinet nage nogo kobak arigin lek mondok aberak wonage, At obaabut abe kenok endage tiyappugwi iigak, at engga teeluk nege, Eeke logogin o.

Ndawi 37:26

Iniki abe koonak ti, iniki ndoobu logonet, Inawu luulu wogorogwe nogo, “Oba lunogo wo'niroorak o,” yoraga'lek, “We aret porogo logonip o,” yinuk, yorogwe Iige minggirak me, inombowologwe paga Aakumi obeelom eeppiiga aret arugun o.

Ndawi 73:28

Togop aret eerumunggun kwe, an perak, Kat Ala nimbirak kunik logorak op aret mbake agarik o. Neebe op logorak nogo ti, Kaliku Kitok Menggendak kat ALA aret kombakirak me, Kat eerit nage menggendak nogo yoranet nage logogin o.

Kini Wuppiige 21:3

Aliku ALA ake warogo wogogwi ti, mbuuluk inikilom mbake menggerak kwe, Abe koonak mban eerit nugwi, eekaatak a'me nggelok eeppiinet nugwi, eekwi iinok perak, inikilom nggwok aret mbake menggerak.

Wone Alom Kibingga 12:13

Yi mendek ndi mendek eereegwaarak abe inom, maluk inom, kumaarak wonage nogo abok aret, Ala nen wonok inowak loonigin me, wone agan wagarak nogo abok aret liippunuk, irip paga ambit eeko logorak nogo ti, Ala ninagabiti mbakwi, Ndi, “Yogop ee'nu, ndogop ee'nu,” wone yugu nogo porogo logonet, eerit nogwe, Eeko logorak ti aret! Wone yi ti, it aakumi abok nen eeko logorak ti aret o.

Yetaya 56:1

Aliku ALA nen yegerak nogo yi aret. “An nen inagap ndariyak nogo abu panggoni wage, Yoragagirak ndak-ndak obeelom eerogo piyoorak mbet-mbet kin ari wage, Eeke me, A'me nggelok eeppiinet nogwe, obeelom mban eerit nogwe, Eeko logowak o.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Yetaya 66:2

Yi mendek ndi mendek ogobakkigirik yi, an nen mban ogobakkigireegirak me, Aret wonage menggerak nogo lek a?” yinuk, Aliku ALA nen yegerak o. “It aap iniki tebenak wonogwe, Maluk eekirak, ao, mbakwi, noone ari neenok inaganak wake, Eekwi iinok, An liippiige minggirak kwe,

Yeremiya 22:16

It aap ineenggi lek inom, it ambi eekkoloorak meek tebenak mendek inom, Inawone amburu liirogon mbanogo inowak looninake nagagerak ti paga endage obeelom wonagagerak o. It aap an Naliku ALA liippanugwi iinok, togop aret eeko menggaarak nogo lek a?

Yeremiya 22:3

Naliku ALA nen abe koonak a'me nggelok eekwi, it aap tebenogo piinok, inamendek kolamenggaarak ineenggime wonage nogo ndinggologwe, it aap nggiru inom, elege moono inom, it kumi togwe inom, inoone omaawi paga yorogwe, maluk eeppiinet nugwi, ndi, o yime aakumi maluk eeka'lek iigak inookwi, eerugwaarik o.

Yeremiya 9:23

Aliku ALA nen yegerak yi aret. “Aap iniki warak ambi nen, Niniki warak me, an iya o, mba'nuk, tiyappake, Aap omaawi ambik ambi nen, Nomaawi ambik me, an iya o, mba'nuk, tiyappake, Ndi, aap eenggi warak ambi nen, An neenggi warak me, an iya o, yinuk, tiyappake, Eerugwaarik o.

Leendawi 3:26

“Aliku ALA nen aret yeenggwa niraawak o,” yinuk, Iniki nu'lek kwi'ndak logonet at tokkogwe nogo ti, obeelom lombok aret o.

Yetikiyen 16:63

Ndi, at eerit nege nagagerak nogo lek eerogo punuk, nimbirak lambungge neenok, at eeke nagagerak abe'nage logonet, Ndogop eeriyak mendek eekirak, ao, yinuk, mbake, ndi, mondok enggali mbarit unggwage kenok, wone ambi yigin lek mondok-mondok puk age, eerigin o, yinuk, Naliku Nitok Minggirak an ALA nen aret yagarak me, yoru o,” yinuk, wone yi abok aret an yo'nege mbareegi, yoreegirak.

Yetikiyen 33:14

Ndi, an Ala nen aap maluk eeka nogo yoge logonet, Kat abet aret kambumunggun o, yoriminggirak kagak, at nen maluk eeke logomenggerak nogo mbo punuk, obeelom mban eerit nage, a'me nggelok eeppiinet nage, eeke logonet,

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Oteya 12:6

Togop me, kit kiniyokan yungguninuk kinogoba Ala owagam wa'nuk, aakumi kinom kiniki kunik eeginabit nugwi, A'me nggelok liirogon mban eeppiinet nugwi, Kiniki kinogoba Ala paga mban panggombunuk, kiniki kwippunuk, tokkogwe, Eeko logomunggup o.

Oteya 6:6

It nen tapi-ndomba nake warogo wo'nugwi ti, an uugwe lek o. Ata, Iniki kunik ee'nako logonet, noone liirogon mugurok nawak lak, ao, mbake, Inaanggumi warogo nake kani kunggwi ti, uugwe lek o. Ata, it nen, Nogoba ti, Ala aret o, yinuk, yuwak lak, ao, mbake, Eeke agarik, yegerak me, yokkiragi o,” yoragagirak.

Amot 5:24

Niyo wu'nuk wage menggi kwak, eekaatak onggo a'me nggelok eeppiinet nugwi, Niyo porok ariilik, nage mban menggi kwak, aakumi obeelom eeppiinet nugwi, Eeko logowak o.

Mika 6:9

It aap iniki warak lombok wonogwe nen Aliku ALA endage konenggwi iinok, inagabiti mbako menggaarak me, Aliku ALA nen o kota yoge nogo kinaruk konenggo logonip o. Aliku ALA nen kota nogo yoge logonet, “Kat maluk onggo eeppagarak nduk, At mbim mbanak eenggime porogo wonage nogo, Nappi wagarak wage me, kiniki liippege logot o.

Tepaniya 2:3

Kit aakumi o yime kiniki tebenak logonet, Aliku ALA nen, Yogop ee'nu ndogop ee'nu, ari menggerak ndak-ndak eekwi yi, Aliku ALA mugurok nogo logonip o. Aliku ALA anini eeppinagi woroorak eyom paga kit kinoba pinagage kagak eerukwak, Kit abe koonak mban eerit nugwi, Kiniki tebenak logonet, eerit nugwi, Eeko logonip o.

Takariya 7:9

Yo'nereegerak nogo it aakumi yorage logonet, “At Omaawi Lombok Menggerak Aliku ALA nen yegerak nogo yi aret. Eekaatak a'me nggelok mban eeppiigwi, it mban-mban nabuwa-kabuwa eekko'net nogwe, eeko logowak o.

Matiyut 5:3

“It aakumi iniki tebenak menggaarak nogo ti, At mbogut paga mendek abu'me piyoorak it aret me, Iniki ale'nggen aret mbako logowak o.

Matiyut 5:7

It aakumi inoreewi inabuwa nen eeppiigo menggaarak nogo ti, Ala nen it kunduk inabuwa nen eeppiyaagin me, Iniki ale'nggen aret mbako logowak o.

Lukat 10:42

Ambiret mban miippunuk, eeriyak perak op o. Ndi, kat kawuluk Mariya nen ti aret miikerak me, an, Mage, yorigin mondok lek o,” yinuk, yoreegerak.

Lukat 11:42

Kit Pariti mendek yi, wone a'me mban koonggwi, Ala kinom kiniki kunik eekwi, ti eeka'lek logonet, we liboongga logwe, numbuk engga logwe, mbiingga logwe, nogo mban nibinogo Ala ake pugwi me, kinabuwa! Wone alom nggwok ti, eeko logonet, mbuulogwe-mbaalogwe ti inom nabenogo eeriyak me eeko monggotak o.

Lukat 12:14

Yoge mbareegi, at Yetut nen, “Wulaga! Kinowak loonogo kineyate tumbukkiragak yuwak nduk, an aret mippaneegerak mbaken?”

Lukat 6:36

Kinogoba nen aakumi inabuwa mbake logonet, obeelom eeppiige menggi kwak, kit ndak-ndak aakumi inabuwa mbako logonet, obeelom eeppiinet nogo logonip o,” yinuk, yoragagerak.

Oroma 7:16

An eeke minggirak ti, neebi mbake logonet kwe, eeke minggirak kenok, eeke minggirak ti paga, wone Muta yoreegerak nogo ti, “Op aret kagi,” mba'nuk, wone ti aret omaawi eerogo pege minggirak.

Oroma 9:20

wologwe! Kit ta mba'nuk yogo ogotik? Wone onggo Ala yoriyak op mbako ogotik? Yi mendek ndi mendek ogobakkigirik nen ogobakkigika nogo yogo logonet, “Kat neebe nonggop togon ogobakkigi'nake agandik?” yoriyak op mbakop?

1 Korindut 7:16

Kwe Ala aput yi wae. Kogonggelo kimbirak logonet, kat eeremenggendak paga Ala nen kat kore agap ndarigin keenu me nduk, ari agandik? Ndi, aap Ala aput yi wae. Kat togop eeremenggendak paga Ala nen kakwe agap ndarigin keenu logonet, ari agandik? Lek me, inalitak logorak op aret o.

Epetut 4:32

Mbo punuk, kinom nabuwa-kabuwa eeko logonet, kiniki yanggonak paga at ambi obeelom eeppegak eeko logonip o. Keritut eereegerak nogo paga Ala nen kit kinomaluk lek eerogo pereegerak nogo ndak-ndak, kit-kit aret maluk eekkologomonggotak nogo, mari eerogo mbo pogo logonip o.

Pelaareegerak 27:10

kit nen at Aliku kinogoba Ala oone kinaruk liirogon aret konenggwi, Yogop ee'nu ndogop ee'nu, wone yugu inom, wone lengganak inom, o yogondak yi paga nit yokkirogwe yi, mondok ndak-ndak aret eerit nogwe, eeko logomunggup o,” yinuk, yorogogwaarak.

Pelaareegerak 30:15

Kit nen at Aliku kinogoba Ala kiniki kunik eeko logonet, at eeriyak mbake nogo mugurok nogwe, wone, Yogop ee'nu ndogop ee'nu, yugu inom, wone lengganak inom, eeko logorak wone inom, nggirik-nggerok porogo wonogwe, Eeko logonip o, yinuk, an o yogondak yokkirage yi, eekwi kiinok, kit o unde a'nuk logowam time ari unggunuk wonogwe me, at Aliku kinogoba Ala ale'nggen nen eeppinagage kagak, mbet-mbet kangga'lek kineenik logonet, kineebe ambik wiganggo logomunggup o. Togop kwe, kit nen kinogoba Ala wone liirogon konembunuk eeka'lek, mbo punuk, melak togon Ala alut eekwi obaane'me kugi ayuk wuko logonet, eekwi kiinok perak, kit niyo Yoraran enebaga wunda nogo logomonggotik, o kit unde a'nuk logowam time ari nanuk wonogwe kiigak, kit li a'nuk kambumunggup lek, kineebe mbet-mbet aret pup eerogo pinagarak an yogondak mondok kin paga yokkirage me, o yogondak yi paga aret kit nen obeelom eeppinagage kagak kineenik logorak inom, maluk eeppinagage kagak, kambuurak inom, kinoba kwippinagage me, liippogo logonip o.

Kolote 3:12

Togop me, at Ala nen kinabuwa mbake logonet, at apuri maluk eeka'lek alik leenak logobagip nduk, miikkinabeegerak me, yum yikkologo mengga kwak kinobaabut ngget mendek eekkologo logonet, aakumi inabuwa mbakwi, kiniki yanggonak paga obeelom eeppiigwi, kiniki tebenak logonet nugwi, kinoone omaawi lek yanggorogon yorogwe, inoone kinoba pinagagwi iinok liippunuk yorogwe,

2 Tetalonika 2:16

Kit obeelom eerit nugwi, wone obeelom mban yoranet nugwi, eeko logobagip nduk, at ninabuwa mba'nuk iniki kunik ee'ninake logonet, niniki mondok-mondok eyak wappinanege, niniki lunik abe nogo mendek wo'nirage, eeke menggerak ninogoba Ala nogo inom, ninowe Yetut Keritut inom, imbirak nen kit kiniki eyak wappinagagwi, kinomaawi eerogo pinagagwi, eeko logowak o.

Yakobut 2:20

Nowe-nawot o. Kit wi negen agan nugwi kiigi o. Eebe eeka'lek kagak abet mban mba'nuk, puk wonogwe kiinok ti, “Yi aanom warogo aret abet mbakwi o,” yinuk, mbaka'lek ogotik ya?

Yotuwa 24:14

Togop aret yereegerak me, at Aliku ALA kinagabiti mbako logonet, kiniki abe paga at oone liirogon mugurok nogo logomunggup o. Kinombomini niyo Eparat enebaga inom, o Metit inom, time wonogo logonet, Ala mugurok nogwe obaane'me kugi eeko nogogwaarak kit mugurok nogwe nogo mbo punuk, Ala mban mugurok nogo logonip o.

1 Peterut 3:8

At Ala nen ari logonet, “Kit kineenik logorak kinikilom mbakwi, Nit obeelom aret wonogwe me, li a'nuk, kambuurak op aret, mbakwi, Eekwi ti, Taamini nen togop mbako ogotik? Togop aret mbakwi kiinok, Kinoone maluk mendek kinambe paga wunabi wogwe, Wone pilit kinamili irip paga wonok nugwi, Eekwi kiyo, Tum liirogon wakkologwe, Maluk mendek mbo punuk, obeelom mendek kenok mban eerit nugwi, Nonggop agago niniki ambit lambunik logorak koonggwi, Abu koombunuk, ti aret kinomaawirogon mugurok nogwe, Eeko logonip o. Aap iniki koonak menggaarak nogo, Ala enegen wogoren nege, Tamban eekwi iinok, at aruk liirogon konengge, Eeke menggerak kwe, Aap maluk eeko menggaarak perak, Ala enggaawak omaawi paga lek eerogo piige menggerak o,” yinuk, yereegerak liiru mbanak ndak-ndak, kit togon Ala ale'nggen kinoba pinagakit nduk, kinayonggo pinagareegerak me, kit nen maluk onggo-onggo eekwi, ambi nen ambi meek eeppegak eekwi, eeko logogup o. Ata, it maluk eeppinagagwi nogo obeelom eeppiigo logonet, kinom kiniki ambit eeppunuk wone mbanggwi, kiniki eyak wat-wat eekkologwe, nore-kore yogwe, nabuwa-kabuwa mbakwi, kiniki tebenak nugwi, eeko logonip o, yinuk, eeko logorak irip paga ambi yokkiraakit mbakirak nogo ti aret yokkiragi o.

1 Tamuwen 12:23

Ndi, an nen perak, kit kinake Aliku ALA yoge lek neenok ti, Aliku ALA maluk eeppuurak aret me, kinake tamban eeke, ndi, obeelom eekkoloorak wone inom, tu koonak paga nogo logorak wone inom, mamungginake, eeke logogin aret kwe,

1 Tamuwen 15:22

Yoge mbareegi, at Tamuwen nen wone onggo yoge logonet, “Kambin-ndomba Aliku ALA ake warogo kani kunggwi inom, We iniki ale'nggen mbaruwak nduk, wogogwi inom, Ti Aliku ALA inikilom nggwok mbake, Ndi, at oone konembunuk eekwi ti, inikilom mbuuluk mbake, Eeke menggerak mbaken? Kambin-ndomba warogo ALA wogogwi ti, op aret kwe, At oone konembunuk ndak-ndak eekwi ti perak, mondok iya lombok o. Ndi, kambin-ndomba ngguunok amok warak ti, obeelom aret kwe, At oone liippunuk, ndak-ndak eekwi ti perak, abu alik mondok iya lombok aret o.