Mika 6:6 - Ala Wone Peenok Peebi Mbanak

⁶ Togop me, nit Aliku ALA owagam nogwe, At tiyarogon menggerak Ala abu'me tebe yinuk, alut eerit unggwogwe, Eeko logonet, Nano wonok ungguurak? Tapi aagalogwe ndarak kagak tahun ambi eerak warogo ake kani kuniyak nogo mendek wonok at owagam ungguurak op ilik?

Mika 6:6 ပူးပေါင်းရင်းမြစ်များ

2 Tamuwen 21:3

at Ndawut nen wone it Nggibeyon mendek yorage logonet, “At Aliku ALA eyate kwak apuri iniki kundugu nogo, kinale'nggen inoba piyaamunggup nduk, eeppinagareegwaarak onggo an nen eeppinagakit nduk, nano eeppinagarak mbakop?”

Ndawi 116:12

At Aliku ALA nen Obeelom mban eeppanit wundi wage menggerak me, An nen onggo nano wogoriyak mbakop? Lek o.

Ndawi 22:29

It aap ineenggi warak o nggween paga wonogwe yi, Abok aret inambi ndonggorogon nenok kalut eekwi, It aakumi kambak mendek inom, It ineenik ambinom logorak meek mendek inom, Abok aret kabu'me tebe yi unggwogwe, Eeko logogun o.

Ndawi 95:2

At owagam nanuk, “Wa!” yogwi, Ninale'nggen paga ndawi wako logonet at alut eekwi, Eeko logowok o.

Ndawi 95:6

Ninogoba Ala at aret o. Ndi, nit ti, aakumi at mendek aret me, At nen ndegenninake kagak wonogwe, Ndomba wogoren nogo mengga kwak, Wo'niren nege kagak wonogwe, Eeko monggoorak me, Ninendobanggun yindumbunuk at alut eekwi, Ogobakkigirogo pinaneegerak at Aliku ALA abu'me tebe yi unggwogwe, Eeruwok o.

Wundeegwaarak 12:5

Ndi, wariyak nogo ti, ndomba a, kambin a, aagaluk leenogo punuk, op wariyak kwe, ngguunok inawinde-inobaande eerak lek amuni mbanak ndarak iigak, tahun ambit eerak kenok mban leenogo

Wundeegwaarak 23:15

Tut aa'nduk Abip penenak paga an o Metit nen wogoren wundi wage logonet, Laago endage Oroti Piika'lek Mendek lako logomunggup o, yinuk, koonogo pereegirak nogo inale'nggen paga lako logonet, an yoragagirak nogo ndak-ndak ne iyaalok nen nok, ne 7 paga oroti piiruwak nduk, ragi pega'lek kagak oroti worarogo nonggo logowak o. It an nalut eeriyak nduk, wogo logonet, an nake puurak ineenggime lek we aret nowagam woroorak mage o.

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Kini Wuppiige 21:3

Aliku ALA ake warogo wogogwi ti, mbuuluk inikilom mbake menggerak kwe, Abe koonak mban eerit nugwi, eekaatak a'me nggelok eeppiinet nugwi, eekwi iinok perak, inikilom nggwok aret mbake menggerak.

Yetaya 40:16

At Aliku ALA ti, mondok iya me, ndomba o Libanon ambik wonogwe nogo warogo ake wogogwi, Ndi, kani o Libanon ambik wonage kwe, ake ndomba warogo kani kunggak mban eekwi, Eekwi iinok, Ndomba lek age, ndi, kani kunduk lek age, Ee'ne o.

Yeremiya 6:20

It nen obari abe kaga o Tiyeba nen wonok nake pi wogwe, En weeri amburu aberogon o nda nen wonok niri wogwe, Eekwi ti, Nano ake eeko agaarik? Ti we aanom warogo aret! Warogo nake kani kunggwi ti, ninikilom mbake, Warogo wo'nugwi ti, nale'nggen mbake, Eekeelik mban aret o,” yinuk, yegerak me yokkiragi o.

Yetikiyen 46:9

It aakumi o time menggaarak nogo nen Naliku ALA nenggaanom paga laago lako logorak koonak nogo, lariyak unggwogo logonet kenok perak, Naliku ALA nenggaanom paga inendobanggun yindumbunuk, nalut eeruwok nduk, unggwogo logorak ti, it o omarip paga pa'nggwe nen tu unggwogo logowam paga unggwogwe nogo, o ame pa'nggwe tu unggwogo logowam nogo paga wundi nogwe, ndi, o ame pa'nggwe nen tu unggwogo logowam unggwogwe nogo, o omarip paga pa'nggwe tu unggwogo logowam nogo paga wundi nogwe, eeko logowak o. It tu unggwogo logowam unggwi wogwe ti paga wundi noorak ti mage o. Ata, it inalitik-inalitak tu enaame unggwogo logowam ti paga mban wundi nagak yogo logowak o.

Ndaniyen 3:26

Yorage nagagerik, at Nebukanetat nogo kani omoonuk alik negen wunuk ari me tungga paga koorok taati ari nanuk, oone nggwok paga yorage logonet, “Kit Tarerak, Metak, Abe'nego wae. At Tiyanak Lombok Menggerak Ala ayeloman mini kit yi, wundi wa'nuk, neya woraanip o.” Yorage mbareegi, Tarerak, Metak, Abe'nego nogo kani omoonuk wunuk ari enggela'me time nen ka wundi wogogwaarak.

Ndaniyen 4:9

At yoge logonet, Yogop eerigin o, yinuk, yoraga inowe Mbelatatat yi wae. Kugi inayuk warak lombok nen yoragaatak ineenu mengga kwak kat togop aret yokkugwi iinok, keenu logonet ari, ndi, wone nobarak mendek ambi keenggo'lek lek abok aret keenu wonage, eeke an neenu aret me, nabi kagarak mbininogo yokkege yi, Alom ndogop o, yinuk, mbininogo yo'nirumunggun o.

Ndaniyen 5:18

Nogoba kendagembogut wae. Kat kogoba endagembogut Nebukanetat nogo, at Tiyanak Lombok Menggerak Ala nen yi o ndi o alik aret unde logowak nduk, mippege nagagerik, endage nggwok lombok age, endage tiyak ari, ayuk warak me, Wi, ugwi, eeruwak nduk eeppereegerak o.

Ndaniyen 5:21

At aakumi inenggela'me nen wumbogo mbareegwa, aap iniki kwak lek wam iniki kwak eerogo pege mbareegi, keledai nggwiya penaame nugwi inenggela'me nege, tapi iri'ngga mbanogo nenet nugu mengga kwak mbanogo nenet nege, konaananggen mbogut paga nen eebe miin ngguluk-nggolak eerogo pege kagak nege, eeke nagagerik, irip paga ari nage mbareegi, iniki mbake logonet, Aakumi inabu'me piinok menggam abok aret at Tiyanak Lombok Menggerak Ala alik en unde logonet, wone lengganogo yorage logorak aap mippiyoorak mbake kenok, aret mippiige menggerak abet aret kagi, yinuk, mbareegerak.

Oteya 5:6

At Aliku ALA ninom lambunuwok o, yinuk, Inaanggumi tapi-ndomba wonok nake pi woramenggaarak kwe, an ninom lambungga'lek aret wonogwe, It inenggela'me nen mbo piinok mbaganggirak neegwi, Eerugun o.

Amot 5:22

It nen an nake warogo kani kunggwi, anggen yigirik nake pi wogwe, eekwi ti, an wagangge, Ninom lambunuwok o, yinuk, inaanggumi abe amok warak kenok warogo wo'nugwi ti kunduk, an nenegen pekkage, Eerigin lek o.

Matiyut 19:16

At Yetut tu paga nage me, aap ambi imbirak lambungge nagagerik, Yetut yoge logonet, “Ngguru wae. Neenik mondok mendek kolaakit nduk obeelom mendek ngge eeri?”

Marakut 12:33

Ndi, nit niniki inom, nineebe inom, ninomaawi inom, abok aret ninogoba Ala mban niniki kunik logorak. Ndi, nit nineebe niniki kunik eekkologo monggo kwak, ninom wonogwe nogo togop aret niniki kunik aganako logorak ti, nggwok aret o. Ndi, Ala ake warogo apit kani nawak nduk kumbugwi, Ala ake pugwi, eekwi ti, abok mbuuluk me, abet aret yagan o, nogoba.”

Marakut 5:7

oone nggwok paga kwa ari logonet, “Yetut wae. Kat Ala tiyanak lombok menggerak aput yi, an nonggop ee'nabikit nduk wagan o? An koorigin lek o, yinuk, Ala endage kumbunuk, yo'niru o,” yoreegerak.

Lukat 10:25

Ti'nuk, peebi ne ambi paga aap Ala wone liiru mbanak unde ambi Yetut abut mbanikit nduk, wage nagagerik, yoge logonet, “Ngguru wae. An mondok-mondok neenik logokit nduk, nonggop eeri o?”

Yaya 6:26

Yogo mbareegwa, at Yetut nen, “Kineenu ariyak kinagabiti warak mendek eeke neegotak paga kwaa'nabit woroolik. Ata, kit mbi ndonggorogon nonggotak nogo paga kwaa'nabit wogotak kiigi o, yinuk, abet aret yokkirage agarik o.

Nappiigak 16:17

at kolaga nogo nen, “At Tiyanak Lombok Menggerak Ala ayeloman kinagap ndariyak wone yokkira wogwe yi, iyaanip o,” yinuk, kwa kunik agan Pawulut ninom ninambokan mu'neren wagagerak.

Nappiigak 16:30

Ngginnari nage nagagerik, imbirak wogoren endekem wumbiige nagagerik, “Wologo wae. An nagap ndaruwak nduk, nonggop eeri o?”

Nappiigak 2:37

Yorage nogo konembunuk, iniki wakkologo nogogwaarik, Peterut inom, it nappiigak ando inom, kin wogiigo logonet, “Noreewi o. Togop me, nit nonggop eeruwi o?”

Epetut 3:14

Togop me, it aakumi mbogut paga mendek inom, nggween paga mendek inom, ninanebunu lombok abok aret, “Ninogoba Ala o,” yinuk, yogo monggoorak nogo, abu'me tebe yinuk,

Iberani 10:11

It aap Ala unde abok aret ko'lu-kii'me kulinik-kalinik aakumi inake eeko logonet, tapi-ndomba nogo mendek mban warogo Ala wogogo nogogwaarak kwe, inomaluk lek aga'lek itok aret wonagagerak.

1 Tamuwen 15:22

Yoge mbareegi, at Tamuwen nen wone onggo yoge logonet, “Kambin-ndomba Aliku ALA ake warogo kani kunggwi inom, We iniki ale'nggen mbaruwak nduk, wogogwi inom, Ti Aliku ALA inikilom nggwok mbake, Ndi, at oone konembunuk eekwi ti, inikilom mbuuluk mbake, Eeke menggerak mbaken? Kambin-ndomba warogo ALA wogogwi ti, op aret kwe, At oone konembunuk ndak-ndak eekwi ti perak, mondok iya lombok o. Ndi, kambin-ndomba ngguunok amok warak ti, obeelom aret kwe, At oone liippunuk, ndak-ndak eekwi ti perak, abu alik mondok iya lombok aret o.