Mika 6:5 - Ala Wone Peenok Peebi Mbanak

⁵ Napuri o. It aap Mowap mendek inowe endagembogut Mbalak nen pulunogo pinagawak nduk koongge mbareegi, Aap Mbeyot aput Mbileyam nen wone nogo abut laganogo onggo at yoreegerak nogo abekwi, Naliku an ALA nen abe koonak mban eeke minggirak kineenu arumunggup nduk, o Titim paga nen nok, o Nggilagan wogwe kiigak, nano agagerak nogo abekwi, Eeko logonip o,” yinuk, yokkirage kagarak me, yagi o.

Mika 6:5 ပူးပေါင်းရင်းမြစ်များ

Ndawi 111:4

At Aliku ALA ti, inabuwa mbake, Iniki yanggo yinuk, eeppiige, Eeke menggerak me, At eerubok mendek iya tit eeke nogo iniki aberak logowak nduk eeppiige,

Ndawi 143:11

Kaliku ALA wae. Kat kendage maluk eerukwak, Eeppaniyak yereegindak nogo ndak-ndak neebe nili ari, Kat a'me nggelok eeke menggendak me, Aaninggin noba panugwi nogo te eerogo panege,

Ndawi 36:10

It kinom kunik nogo kiniki kunik eeginake, Iniki abe koonak nogo obeelom mban eeppiige, Eeke logot o.

Ndawi 71:19

Ala wae. Kat abe koonak mban eeke menggendak nogo Mbogut kuli ari laganggerak wonage o. Yi eekak ndi eekak iya lombok eeke nagandak Kat Ala kokwak ambi ta agaarik o? Lek aret o!

Yetaya 1:27

Togop me, it kota Tiyon wonogwe nogo nen Ala wone yugu a'me nggelok eerit nugwi, It inomaluk mbo pemenggaarak nen obeelom mban eekwi, Eekwi iinok, At Aliku ALA nen inagap ndarigin kwe,

Linggineegwaarak 22:41

Ko'lu nen at Mbalak nogo Mbileyam imbirak puut Mbamot-Mba'an laganggo nogogwaarik, time nen aakumi Iterali mendek ando wonogwe nogo inigen nagiyareegwaarak.

Linggineegwaarak 23:27

Yoge mbareegi, at Mbalak nen Mbileyam yoge logonet, “At Ala nen, Aakumi ti, pulunogo piyet o, yokkiriyak kagak eerukwak, pulunogo piyaanok nduk, nimbirak o ambime nawok o.”

Linggineegwaarak 25:1

It aakumi Iterali mendek nogo o Titim kobappaga time ari nanuk wonogo logonet, kumi Mowap mendek ugun aret wuginabit nogo nogogwaarak.

Linggineegwaarak 25:2

Nogo mbareegwa, it kumi Mowap mendek nen inagugi aanggo warogo lako logonet, “Ninom laruwi o,” yinuk, it aap Iterali mendek yorogwe iinok, inom aret inagugi alut eekwi, kugi aanggo warak larak nogo nunggwi, eeko nogogwaarak.

Linggineegwaarak 31:16

Aap Mbileyam yoragagerak mugurok nogo logonet, o Peyot time it Iterali mendek nen Aliku ALA mbo punuk, alik mendek eeruwak nduk, eeppiigo mbareegwa, Aliku ALA anini nen kugilengga at apuri inoba kwippiyareegerak alom nogo ti, it kumi yi mendek nen aret eereegwaarak nogo lek a?

Linggineegwaarak 31:8

Aap inooreegwaarak kambeegwaarak ando nogo ti, aap inendagembogut Miriyan mendek Ewi inom, Erekem inom, Tut inom, Kut inom, Ereba inom, ineebe 5 ti inoorogo piigwi, aap Mbeyot aput Mbileyam inom wooluwak paga warogo pugwi, eereegwaarak.

Linggineegwaarak 33:49

O Mowap kobak nabunogo pereegim nogome niyo Yoraran aa'nggi paga o Mbet-Yetimot nen nok, o Aben-Titim kuli time aret inawooliya wurogo patinuk, wonogogwaarak.

Epetut 2:11

Togop me, noreewi o. It, “Nit ninagabolo mbanak mendek o,” yogo menggaarak nogo nen, “Kit kinagabolo mbanak lek mendek o,” yinuk, yokkirogo menggaarak kit endekem konenggulik mendek nda'nogogutak nogo, aa'nduk wonogogutak kiniki abeko logonip o. “Ninagabolo mbanak o,” yogo menggaarak nogo ti, aakumi nen mbanak aret o.

Pelaareegerak 16:3

Laago ti lako logonet, yi mendek ndi mendek piika ragi nogo inom punuk, worarogo nunggo logorak mage o. Kit aaninggin-paaninggin kinoba wonage kagak, o Metit nen mbet-mbet aret wundi wogogutak nogo, kit kangga'lek kineenik awo wonogo logonet, aberak logomunggup nduk, laago endage Obagambo Nagagerak lako logonet, oroti piika ragi nogo oroti inom pega'lek mendek worarogo nenet nogwe kiigak, ne 1 nen 7 aret ari nawak o.

Pelaareegerak 23:6

Kit kineenik wonogo logonet, kinom lambunna'nuk, wone obeelom mbanggwi, inale'nggen mbaruwak nduk, obeelom eeppiigwi, eeka'lek kiigak, kambi noorak kuli ari nawak o.

Pelaareegerak 8:18

kineenggi warak logomunggup nduk, at Aliku kinogoba Ala nen eerogo pinagage nogo paga kinombomini inom wone abuk nggaruk togon kumbuk mbanogo yoragagerak nogo aberak mban logonet, omaawi eerogo puwak nduk, yogondak yi paga eeppinagage ndak-ndak aret eeppinagagin me, at Aliku kinogoba Ala paga mban aberak logomunggup o.

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

Pelaareegerak 9:7

Ti'nuk, yorage logonet, “O Metit wundi wogogutak kuli nen yogondak kuli at Aliku kinogoba Ala oone taganogo pit wogwe, o karume time wonogo logonet, anini wunduwak nduk eekwi, eereegutak nogo kobak eerogo puurak ti mage o. Ata, aberak mban logonip o.

Yotuwa 2:1

Yogo mbareegwa, at Nun aput Yotuwa nogo o Titim logonet, aap mbere o Yeriko inigen yombooni nawak nduk, kote kumaarogo nappiige logonet, “O yaga'lelo ambik wurik Yeriko ti inom kinigen liirogon pippak yomboombunuk, woro o,” yoraanuk, nappiyareegerak. Nappiige mbareegi, nogo nogogwaarik, kwe ambi ya wukak endage Arakap ame nogo yereegwaarak.

Yotuwa 3:1

Yogo mbareegwa, Yotuwa aakumi Iterali mendek abok aret inom o Titim nogo yinuk, ko'lu kuubondendok niyo Yoraran aa'nggi paga ari wogo nogogwaarik, awo wunda woraawok nduk, inawooliya wuppatinuk, wonogogwaarak.

Yotuwa 4:19

Aakumi Iterali nogo niyo Yoraran inikime nen wundi wogo nogogwaarik, o Yeriko oonegen wundi wage menggim kuli paga o endage Nggilagan inawooliya wuppatinuk wonogogwaarak ti, tut aa'nduk peneneegerak tanggal 10 ti paga aret eereegwaarak.

2 Peterut 2:15

Aap Mbeyot aput Mbileyam nogo nen maluk eekwi onggo koloorak iniki lunik logonet, Ala nen yereegerak kagak, alik eerit nagagerak nogo ndak-ndak, it aap ti, togop aret tu koonak noorak kagak mbo punuk, tu alik paga nomoninuk, nogo agaarik o.

1 Yaya 1:9

Ndi, ninomaluk abet aret paganggwi niinok perak, at Ala yegetak mbeyok ariilik, a'me liirogon mban eeke menggerak me, nit obeelom eeka'lek maluk eerit nugwi nogo lek eerogo pege, ndi, maluk ninikime wonage nogo koo'ninake, eeke logogin o.

Yurat 1:11

It nogo nen at Kayin eereegerak nogo ndak-ndak eerit nogwe, aap Mbileyam maluk eereegerak nogo kokwak, it togon iniki lek negen wu koloorak mban iniki lunik logonet mugurok nogwe, ndi, aap Kora awuri inom Muta wone taganogo mbo pogo mbareegwa, Ala nen lek eerogo piyareegerak nogo pogom, it ndak-ndak ineebe lek eerogo piyaawak nduk, eekkologwe, eerit nogwe me, inabuwa o.

Wayu 2:14

Togop aret yogwe iigirak kwe, mbuuluk ambi ninggin eekwi iigirak nogo perak, yoraawak nduk, yoriyak, yokkiri o. It aakumi Iterali mendek nen Ala wone mbo punuk kugi aanggo warak nunggwi, ndi, kumi we ugun-ugun wurinabit nogwe, eeko logowak nduk, at Mbileyam nen aap Mbalak mamunege mbareegi, aap Mbalak nen Iterali mendek mamuniragagerak wone nogo, it Ala apuri o Peragamut wonogwe ando nen wone ti, mugurok nogwe,

Owak Loongga 11:25

Aakumi Mowap mendek inowe endagembogut aap Tipot aput Mbalak nogo nen ninom wone wakwi, ninom wim nambukwi, eeka'lek aret kwe, At ti meek. Ndi, An iya me, nduk, ari agandik?

1 Tamuwen 12:7

Togop aret me, kit inom, kinombomini inom, at Aliku ALA nen yokkiragagerak nogo a'me nggelok obeelom eeppinagage nagagerak nogo, lik togon yokkiraakit nduk, kit Aliku ALA enggaanom paga yime mi'nari woraanip o.”