Mika 6:4 - Ala Wone Peenok Peebi Mbanak

⁴ An o Metit nen wokkiren wundi wage, Aakumi inayeloman mini eeppinaganuk wonogwe me, wondet eerogo pinagage, Kit wokkiren woraawak nduk, Muta inom, Karun inom, Miriyam inom, kinowagam nappiya wage, Eereegirak o.

Mika 6:4 ပူးပေါင်းရင်းမြစ်များ

2 Tamuwen 7:23

Kat Ala nen it aakumi Iterali inagap ndarogo kat kapuri lombok aruwak nduk, o Metit paga tebenak wonogwe me, wondet eerogo piige, kendage tiyak yuwak nduk eeke, ndi, kat kaa'nduk a'nuk, mondok iya lombok tam warak negen eeke logonet inawim mugogo wumbiige, inagugi tebenogo piige, eereegindak me, o nggween paga yime abok aret it kapuri Iterali pogom ambi wonogwe lek aret o.

Ndawi 77:20

Aap ndomba ndegeninaka nen Andomba wogoren nage menggi kwak, Kat nen Muta Karun imbirak yorage keegak, Kapuri wogoren wogogwaarak o,” Yinuk, yoreegirak o.

Wundeegwaarak 12:51

Ndi, ne ti eyom paga aret at Aliku ALA nen it Iterali mendek inawuri leenok lombok abok aret o Metit nen wogoren wundi wagagerak.

Wundeegwaarak 20:2

“Kit o Metit inayeloman agago pinaganuk tebembinagago wonogwe me, wokkiren wundi wagagirak Naliku kinogoba Ala an aret o.

Wundeegwaarak 3:10

an napuri Iterali mendek o Metit nen wogoren wundi woroorak kat Pirawun yori nagak eeke logonok nduk, nappagagi o,” yinuk, yoreegerak.

Wundeegwaarak 4:10

Yoge mbareegi, at Muta nen Aliku ALA yoge, “Ai nogoba! An kayeloman o maan nen yogondak wone yori noorak yo'negendak yi kuli, aakumi ninom wone mbangge logonet, noone teeluk mbanggeelik nambe aaninggin me, meek o.”

Wundeegwaarak 4:16

An nen kat yokkege neegak yoroorak pogom kat kobaane'me at nen aret yoraawak nduk, kat an pogom a'nuk yoge logomunggun o.

Wundeegwaarak 6:27

Muta nogo o Metit time wonage me, at Aliku ALA nen Muta yoge logonet,

Yeremiya 32:21

Kat ineenu agak mendek eeke, eerubok mendek eeke, inamineeri ne agan noorak mendek eeke, eeke logonet, keenggi omaawi paga eeriyak kobam aret me, kapuri Iterali o Metit nen wogoren wundi wagagindak.

Amot 2:10

It aakumi Amori mendek wonogo menggam unde eeppatinuk logowak nduk, o Metit nen wogoren wundi wage, Tahun 40 eeke kagak, o karume wogoren nege,

Linggineegwaarak 12:1

At Muta nogo kwe anebunu Kuti mendek waganeegerak paga it Karun Miriyam imbirak nen Muta abok nggarik-nggarek eerogo pogo logonet,

Linggineegwaarak 33:1

At Muta Karun imbirak nen it Iterali o Metit nen wogoren wundi woraanuk, ineebe inawot lombok eerak wogo logonet, o ambime agak, o ambime agak, wogogwaarak nogo yi aret.

Nappiigak 7:36

At nogo, ninombomini o Metit nogome nen wogoren wundi wage logonet, o Metit nen, yi yenggenak Merah ambet paga nen, karume time nen, eerubok mendek eeke, ineenu ariyak inagabiti warak mendek eeke, eerit wage kagak, tahun 40 eereegerak.

Pelaareegerak 15:15

Kit aa'nduk o Metit aakumi inayeloman eeppinagago wonogwe me, Aliku kinogoba Ala nen kit wondet eerogo pinaganuk, wokkiren wundi wagagerak nogo abeko logonip o. Alom ti paga o yogondak an nen wone yi lengganogo yokkirage agarik o.

Pelaareegerak 24:18

Aakumi Metit mendek nen kit inayeloman eeppinagago wonogwe me, at Aliku kinogoba Ala nen kinagap ndarogo wokkiren wundi wagagerak nogo, kiniki abeko logomunggup o. Alom ti paga wone yi eeko logomunggup nduk, yokkiragi o.

Pelaareegerak 4:20

Kit perak, yate iniki kunik mengga kwak, at Ala apuri iniki kunik lombok logomunggup nduk, at Aliku ALA nen kit o Metit paga mbuti kani worako mengga kwak worakkinakwi me, wokkiren wundi wagagerak yogondak wonogwe yi aret o.

Pelaareegerak 5:6

O Metit paga inayeloman eeppinagago wonogwe me, wokkiren wundi wagagirak Naliku kinogoba Ala an aret o.

Pelaareegerak 7:8

Togop aret kwe, at Aliku ALA nen kinabuwa mbake nagagerik, kinombomini wone abuk nggaruk togon kumbuk mbanogo yoragagerak nogo abeppunuk, aap o Metit mendek endagembogut Pirawun abu'me tebembinagago wonage me, at Aliku ALA eenggi omaawi paga Pirawun eenggime nen kinagap ndarogo wokkiren wundi wagagerak.

Pelaareegerak 9:26

Tamban eeke logonet, Kaliku Kitok Menggendak nogoba ALA wae. Kat keenggi omaawi paga iya lombok eeke logonet, yate iniki kunik mengga kwak, kapuri Iterali unde logonok nduk, inagap ndarogo o Metit nen wogoren wundi wagagindak me, it ineebe lek eerogo piyoorak ti mondok mage o.

1 Tamuwen 12:6

Yogo mbareegwa, at Tamuwen nen wone ambinom it abok aret yorage logonet, “It Muta Karun imbirak at Aliku ALA nen aret leenogo mippiige nagagerik, kinombomini o Metit nen wogoren wundi wagagerak.