Mika 6:16 - Ala Wone Peenok Peebi Mbanak

¹⁶ Kat nen aap endagembogut Omiri nen wone lengganogo pereegerak nogo mugurok nage, Aap Akap apuri wiganak abok aret nen eerit nogo nogogwaarak nogo, ndak-ndak eerit nage, It eeriyak koonogo pugwi nogo kinom eerit nage, Eeke menggendak me, Keebe pup eerogo pagagwi, Kaagalogwe, Ha! yinuk, inagi'ndok kanggwi, Yi aakumi ndi aakumi abok aret meek eerogo pagagwi, Eeruwak nduk, Eeppiyaagin o,” yinuk, yokkege nogo karuk konengge logot o.

Mika 6:16 ပူးပေါင်းရင်းမြစ်များ

1 Endagembogut 18:4

Ti eyom paga kwe Iteben nen aap Aliku ALA nen yorage kagak yoraga ambik inoorit nage kenok, at Obaya nen it aap Ala wone yoraga nogo ineebe 100 wogoren ndo ambime 50 kumaappiige, ndi, ndo ambime 50 kumaappiige, eeke nagagerik, inambi-inagi wogorage nagagerak.

1 Endagembogut 9:8

Ndi, an nawi mondok iya wurik yi, langgu-langgu aago wonage kenok, aakumi tu ti paga nogo logonet, inigen kogo logomenggaarik, inogut nanuk, yogo logonet, At Aliku ALA nen nggween yi inom, at awi wurik yi inom, nonggop nduk togop eerogo pereegerak wonage mbakop? Ha! yinuk, yogo logogun o.

2 Endagembogut 16:3

Ata, it Iterali inoweewi inendagembogut wonogo logonet, eeko nogogwaarak pogom eerit nage logonet, at Aliku ALA nen aa'nduk a'nuk, yi aakumi ndi aakumi mugogo wumbiyareegerak ogole warak eeko nogogwaarak nogo ndak-ndak, at aput aret inagugi inake kani kuneegerak.

2 Endagembogut 21:3

Eeke logonet, at ogoba Kitikiya nen puut-puut paga inagugi inake eeko menggam lek eerogo pereegerak nogo, obaane'me ogobakkigirogo pege, kugi Mba'an ake warogo wogogo logorak ogobakkigirogo pit nage, it Iterali inowe endagembogut Akap nen kugigwe Atiyera ageyo arelen mippereegerak kokwak, at togop aret eerogo pege, laaluguragan yigin abigan abok inabu'me tebe yinuk, inalut eeke,

2 Mbinineegwaarak 22:4

Ogoba kangge mbareegi, at Akap akuwi-apuri inom, owe-awot inom, nen, “Ndogop eeke logot o,” yinuk, yogo nogogwaarak me, it yogwi nogo mugurok nage nagagerak paga obaabut nggolo agagerak me, aap Akap akuwi-apuri inom, owe-awot inom, eerit nogo nogogwa kwak, Aliku ALA enegen kagak maluk eerit nage nagagerak.

Ndawi 1:1

Aap ambi it aap maluk eeka nen yogwe nogo mugurok nage, It aap maluk mendek nen yogwe nogo konenikit mba'nuk inom ari nage, Ala wone meek eerogo pega nogo inom kwi'nage, Eekeelik kenok, Ale'nggen aret mbake menggerak o.

Ndawi 44:13

It aap ninom koorok wonogwe nen, “It yi maluk aret iigo o,” Ninombaruwak nduk eeppiige, It ninaagan-ninambokan wonogwe nen Meek eerogo pinanogo logonet, “Ha!” yo'niruwak nduk eeppiige, Eekendak o.

Ndawi 44:14

Yi aakumi ndi aakumi inenggela'me mbo pinanegendak wonogwe niigak, “It nogo yi aret nugu agaarik a!” Yinuk, yo'nirogo logowak nduk, Eerogo pinanegendak paga It aakumi inanebunu lombok nen, “It yi meek aret iigo o,” yinuk, Ninagi'ndok kanggo agaarik o.

Yetaya 25:8

Ndi, kanggwi alom nogo mondok lek eerogo pege, Eerigin o. Naliku Itok Minggirak an ALA nen aakumi abok inale amburu mbanogo piige, It at apuri o nggween paga yi awi ndi awi wonogwe inendage maluk eerogo piigwi nogo lek eerogo piige, Eerigin o,” yinuk, Aliku ALA nen aret yegerak o.

Yetaya 9:16

It aap, “Yogop-ndogop,” mamuninaka ti nen aakumi yi, tu kobak eerogo piigwi, It mamuninakwi ti kunduk, tu kobak aret ogwe, Eeko agaarik o.

Yeremiya 19:8

O kota yi, inamineeri ne agan noorak mendek eerogo pigin me, aakumi inigen kogo logonet, Yi aago, ha! yinuk, agi'ndok kanggwi, tu ti paga nogo logonet, Yi eekerak, iya, yinuk, ineenggi ineyak tikkologwe, o yinik-minik eerak wonage kenok, Kayik a! yinuk, meek eerogo pugwi, eeko logogun o.

Yeremiya 25:18

Amburu nawak nduk, “Wogoret,” yo'negerak nogo ti, o Yerutalem inom, o Yekura kota-kota inom, it aap inoweewi inendagembogut inom, inawuri inom eeka inom, maluk eerogo piigwi, Inogole o, yogwe, inagi'ndok kanggwi, pulunogo piigwi, eeko logowak nduk, yogondak eeppiigwi ndak-ndak eerogo piyoorak toolak kwak aret o.

Yeremiya 25:9

yi aakumi ndi aakumi o omarip paga pa'nggwe wonogwe nogo abok aret inom, it Mbaben mendek inowe endagembogut nayeloman Nebukanetat inom, yonggo piyaminggirak wogo logonet, o yi tebenggola unggwogwe, it o yime menggaarak inom, yi aakumi ndi aakumi enaagan-ambokan wonogwe inom, abok aret tebenogo piigwi, eerugun o. It o yime menggaarak nogo mondok pup eerogo piige, inamineeri ne agan noorak mendek eerogo piige, inagi'ndok kanggo logowak nduk eerogo piige, ndi, o nggween yi, mondok mbuk aago mondok-mondok logowak nduk, eerogo pege, eerigin,” yegerak o.

Yeremiya 29:18

It inom wim mbanak nen inookwi, mbi abu nen kanggwi, kugilingga inoba a'nuk kanggwi, eeruwak nduk, eeppiinet nage neenok, it aakumi inabu'me piinok o nggween paga wonogwe yi abok aret nen, Inogole o, yinuk, yogwe, it aakumi inanebunu lombok inenggela'me mak eerogo piyaminggirak nogo nen pulunogo piigwi, Yi aago nugwi yi, iya, yinuk, yogwe, inagi'ndok kanggwi, miyuk-meya eerogo piigwi, eeko logowak nduk, eerogo piyaagin,” yegerak o.

Yeremiya 51:51

It aakumi inambik nen Aliku ALA awi alik leenak wurik me muk ari unggunuk wonogwe paga ninendage maluk age, Aakumi nen miyuk-meya eerogo pinanugwi paga ninenggali age, Eekerak o, Yinuk, yugun kwe,

Yeremiya 7:24

it nen an noone inaruk konenggwi, liirogon eekwi, eerulik inogogumbuk logonet, maluk eeriyak iniki koonggwi nogo mban mugurok nogo nogogwaarak me, an ari nogo inengga loolo punuk, mugurok naga'lek inambokan yungguninuk nogo nogogwaarak.

Leendawi 5:1

Kaliku ALA wae. Nit ninoba agagerak nogo abe'ninake, Nit tebenogo pinaneegwaarak ninendage lek agagerak nogo kenegen pe'niige, liippinanege, Eeru o.

Yetikiyen 39:26

Eeke neegak, it Iterali ti, it inanggween paga aakumi ambi nen mbaaniiga'lek iniki ugun tayenak obeelom aret wonogo logonet kwe, an yorage nogo liippunuk, eeka'lek mbo paninuk, maluk eerit nogo nogogwaarak paga inenggali arit nugwi nogo, inami eerogo pugun o.

Ndaniyen 9:16

Ninogoba wae. Nit maluk eekwi paga inom, ninombomini maluk eeko nogogwaarak paga inom, it aakumi ninaagan-ninambokan wonogwe abok aret nen o Yerutalem endage maluk eerogo pugwi, ndi, nit kat apuri meek eerogo pinanugwi, eekwi me, kat obeelom eeppiinet nage menggendak nogo ndak-ndak kagota kabuut alik leenak menggerak o Yerutalem nogo kiniki aagi eeppege, kanini oba kwippege, eeke nogo mbo punuk, kena koonogo pe'niige logot o.

Oteya 12:14

Kit Eparayim eekwi paga at iniki andi lombok eerogo pereegutak me, Kinogoba nen maluk eekwi onggo kinoorogo pinagamenggaarak kinamiya wunduwak nduk teppinagage, Ndi, at Ala meek ombakwi onggo eeppinagawak nduk, mbo pinagage, eerigin o.

Oteya 5:11

It Eparayim ti, inanobak yugum kwak logonet tu alik we aanom warogo kagak mugurok noorak mbakwi me, Aaninggin inoba kwi'nagagerak mondok tebenak aret wonogo agaarik o.

Mika 2:6

“Nit ninenggali eerogo pinaniyak lek me, Ndogop eerigin o, yinuk, it yoraga nen, Ala ndogop yegerak o, yinuk, yo'nirage, Ala nen, Ndogop eeppinagagin, yegerak o, yinuk, yo'nirage, Eeriyak mage o,” Yinuk, yogo menggaarak.

Mika 6:13

An nen kat kooriyak nduk eeke, Kat maluk eeke paga kenggaawak lek eerogo pagakit nduk eeke, Eeke agarik o.

Wayu 2:20

mbuuluk ambi ninggin eekwi iigirak me, yoraawak nduk, yoriyak, yokkiri o. Kwe Iteben nogo nen, An Ala wone yorage minggirak mendek aret o, yinuk, an nayeloman mini ineebe ambik nomoniren nage logonet, kumi ugun-ugun wurinabit nogwe, ndi, kugi aanggo warak nunggwi, eerit nogo logowak nduk, mamunirage kagak kwe, mberega'lek, Op aret o, yinuk teppugwi iigirak me, abu neebi lombok ee'nake kenok yagi o.