Mika 6:13 - Ala Wone Peenok Peebi Mbanak

¹³ An nen kat kooriyak nduk eeke, Kat maluk eeke paga kenggaawak lek eerogo pagakit nduk eeke, Eeke agarik o.

Mika 6:13 ပူးပေါင်းရင်းမြစ်များ

Yetaya 6:11

Yo'nege naruk konengge nagarik, onggo yoge logonet, “Nogoba Ala wae. Wone ti yorage neegak, ne mande ari nagin o?” Yoge mbaki, at nen onggo an yo'nege logonet, “Kat nen yorage keegak O kota-kota abok aret yigirik-noonom eerogo pugwi iinok, Aakumi ambi lek aret wonogwe, Aakumi inawi wurik wuum lu agan nage kagak, ineyabu yarak alom yenak-kinak eerak wonage,

Yeremiya 14:18

O kota nen endekem wundi nanuk, aap wooluwak paga inoorak wonogwe iige, Ti'nuk, o kota unggwi woraanuk, time it aakumi mbi abu nen kambit nogwe iige, Eeke agarik o. It aap an yorage neegak yoraga inom, it an neebe unde inom, nigiren o it nugulik me piya nagaarak wonogo agaarik o, Yinuk, yoret,” yo'negerak me, yagi o.

Leendawi 1:13

Agi nen kani wuppi wagaarak paga nowak enoona nenet unggwage, Niyok yiluk yuwak nduk, towe pigagangga yum yugu nenaame mbiganogo nappi wage mbaki, nakom niruk ari, Mbo paneegerak nalik logonet, o kubondendok nen nok, oonikiya niniki lek ee'nake, Eeke agaarik o.

Leendawi 5:16

Nggare-nggare ninanobak paga yirik wonagagerak nogo nggorok togon wambit nage, Eereegerak o. Nit maluk lombok eeko nogogurak paga ee'ninake me, ninabuwa o!

Oteya 5:9

Aaninggin inoba piyoorak ne ari wage kenok, Eparayim nogo kaliirubu pup eerogo piyaagin o. Togop aret me, it Iterali inanebunu lombok inenggela'me, Wone yi, abet aret eerigin, mbaruwak nduk, yorage agarik o.

Ala Unde 26:16

an nen eeppiyoorak nogo yi aret. Abera'lek me aaninggin inoba nappi woraminggirak paga andi inagabolo paga kani pege logonet, inigen mbuk eerogo piige, wono eerogo pit unggwage logonet, ineebe aret lek eerogo piige, eerigin o. Yabu ambik lombok waganogo yaremenggaarak nogo inawim nen mbanggola wogo logogun me, we aanom warogo aret yako logogun o.

Mika 1:9

It Tamariya mendek inawin nogo obeelom aga'lek it Yekura mendek inoba lenggennari nage, An mendek wonogo menggam o Yerutalem nogome tu unggwi nogo menggam paga muk ari nage, eekerak wonage agaarik o.

Mika 6:16

Kat nen aap endagembogut Omiri nen wone lengganogo pereegerak nogo mugurok nage, Aap Akap apuri wiganak abok aret nen eerit nogo nogogwaarak nogo, ndak-ndak eerit nage, It eeriyak koonogo pugwi nogo kinom eerit nage, Eeke menggendak me, Keebe pup eerogo pagagwi, Kaagalogwe, Ha! yinuk, inagi'ndok kanggwi, Yi aakumi ndi aakumi abok aret meek eerogo pagagwi, Eeruwak nduk, Eeppiyaagin o,” yinuk, yokkege nogo karuk konengge logot o.

Mika 7:13

Aakumi o yime menggaarak nogo nen maluk eerit nogo nogogwaarak paga o yi, o wogo aret arigin o.

Nappiigak 12:23

Keekok piyanggogo mbareegwa, at nen Ala wogoppuulik, “An iya neenok, yaga,” yinuk, wogoppake mbareegi, Ala yonggo nappiya wage menggerak malayikat ambi abera'lek me wage nagagerik, warogo nggimbereegerak. Warogo nggimbege mbareegi, puuron nen inikime nggebenogo nunggwi iigak, kambeegerak.