Mika 6:12 - Ala Wone Peenok Peebi Mbanak12 It aap ineenggi warak o kota kat paga wonogwe nogo inoone omaawi paga aakumi tebenogo piinok, inageerok waganggwi, Aakumi kat paga menggaarak nen pilit mban agan nugwi, Aakumi inambokan laganggo logonet, inoone pilit mban pugunit nugwi, Eeko menggaarak me, အခန်းကိုကြည့်ပါ။ |
At Omaawi Lombok Menggerak Aliku ALA eyabu anggur yarak nogo ti, kit Iterali mendek aret. Ndi, kit aap Yekura mendek ti, anggur awi yarak at inikilom mbake kwak aret me, “Eekaatak a'me nggelok eeppiigwi iyaamun ilik?” yinuk, tokkiige nagagerak kwe, kit mban-mban kinamiya wun-wun yogwe, “Obeelom mban eerit nugwi iyaamun ilik?” yinuk, tokkiige nagagerak kwe, at ambi nen at ambi maluk eeppegak eerit nogo logonet, leenggu maakwi, Eekwi kiige nagaarak o.
“It an napuri aa'nduk obeelom wonogogwa kwak obaane'me obeelom eerogo piige, It Iterali mendek andi lek eerogo piige, Eeriyak mbake neegak kwe, It Eparayim maluk eeko menggaarak nogo mban kin age, Ndi, it Tamariya maluk nggwok lombok eeko menggaarak nogo tena'me age, Eeke menggerak o. It nen aakumi inambokan laganggwi, aakumi iname unggunuk yogoot waganggwi, tu paga aakumi inamendek ndinogo waganggwi, Eeko menggaarak o.
Aliku ALA nen ari logonet, “It aakumi o Yekura menggaarak nogo ti, ne kenagan mban maluk eerulik ne ambi inom eekak mban eeko nogogwaarak me, An nanini eeppiyoorak koonak wonage nogo, teppiyaagin lek eeppiyaagin aret o. It Yekura mendek nogo Naliku an ALA nen eeko logorak wone yorage nagagirak nogo, taganogo mbo pugwi, An wone lengganogo yorage nagagirak nogo, pipporogo wonaga'lek tayoppugwi, Eeko logonet, It inombomini inagugi abe mendek lek, pilit kagak ayuk wuko nogogwaarak nogo aret mugurok nogo logonet, Nomo agan nogo nogogwaarak me,
Ne ti eyom paga it aap an neebe ineenggo'lek nen inagugi eeko mengga kwak it eerit nugwi, Aakumi inoorit nugwi, wi-wi aganakwi, Eeko logonet, Inamendek kugun wonok inowe endagembogut awi nggwok abe wurik me yagabit eerogo pi unggwogo menggaarak nogo, aaninggin inoba kwippiyaagin o,” yinuk, yegerak o.