Mika 6:11 - Ala Wone Peenok Peebi Mbanak

¹¹ Aap wi-wi aganaka wakkagak yugum mbuulogwe inom wonok wa'nuk, Aaninggin ndak-ndak lek kagak, Ndak-ndak aga o, yinuk, yaga nogo, eekwi iigak, teppiyoorak op mbaken?

Mika 6:11 ပူးပေါင်းရင်းမြစ်များ

Kini Wuppiige 11:1

Aaninggin wakkaga maluk kenok, Aliku ALA eebi lombok mbake menggerak kwe, Aaninggin wakkaga abe kenok perak, inikilom mbake menggerak.

Kini Wuppiige 16:11

Aaninggin abe wakkaga inom, kuli a'me ari naga inom, nogo ti, Aliku ALA unde wonage, Ndi, ndak-ndak age lek kenok, yugum mbuulogwe ambi pegak eekwi yonggolak menggerak abok aret nogo ti, at nen mban ogobakkigirogo pege, Eereegerak.

Kini Wuppiige 20:10

Aaninggin abe wakkaga kagak alik ambi paga wakkogwe, Togolowak abe yonggoka kagak alik ambi paga yonggokwi, Eekwi ti, Imbirak Aliku ALA nen eebi lombok mbake menggerak.

Yetikiyen 45:10

Aaninggin wakkagak abe a'me aret age kenok, yi mendek ndi mendek aaninggin wakkogwe, yi mendek ndi mendek yonggoliyak wakkagak epa kwak ti, embet kole ndak-ndak me, eno korok ari kenok mban wakkagak yonggologo pugwi, ndi, tooliyak wakkagak bat kwak ti, yeeriken kole ndak-ndak me, eno korok ari kenok mban wakkagak toologo pugwi, eeko logowak o.

Oteya 12:7

It aap yi mendek ndi mendek kungga nogo nen aaninggin wakkaanuk ndak-ndak aga'lek kagak, “Ndak-ndak aga o,” Yinuk, aakumi wi-wi aganaburak inikilom mba'nuk eerit nugu mengga kwak,

Amot 8:5

Kit nen, “Gandum ambinom kunggo logowok nduk, tut ngget penengge kenok, eeko logorak koonak nogo mandom wobok yi nage, Ndi, gandum yigirik ambinom kunggo logowok nduk, nogo 6 yippunuk, ko'lu paga yonggonggologo logonet, eeko logorak koonak nogo mandenom yobok yi nage, Eeruwak lak, ao,” Yinuk, yogwe kiigi o. Kit nen aakumi wi-wi aganako logonet, yi mendek ndi mendek wakkagak paga wakkaanuk, Aaninggin tiyarogon kagak, teberogon eerogo wogorogwe, Wu teberogon puurak kagak, wu tiyarogon puwak nduk, yorogwe, Eeko logonet,

Takariya 5:8

Kage neegak, at nen an yo'nege logonet, “Yi maluk ndi maluk wakkagak kwe yi aret o,” yinuk, ari kagak, kwe nogo pilak yikit nduk eeke me, uut tebenogo pege nagaarik, abit mbuti timah mili paga eerak nogo narogo pege kagarak.

Pelaareegerak 25:13

Yi aap ndi aap nen yi mendek ndi mendek aaninggin wakkogo logonet, wi-wi aganako menggaarak nogo ti, at Aliku kinogoba Ala nen eebi mbake menggerak me, at Aliku kinogoba Ala nen kinanggween wokkirage nogome logonet, kineebe li a'nuk kanggo logomunggup nduk, aaninggin wakkagak yugum kole inom, mbuuluk inom, imbirak kinayuma yonggo'nuk nugwi, ndi, yonggologo wakkagak togolowak nggwok inom, mbuuluk inom, imbirak kiname wonage, eeriyak mage o. Ata, aaninggin ari nage menggerak paga ndak-ndak aret wakkagak wogorogwe, ndi, togolowak ambit nogo paga yonggoppunuk, wakkagak wogorogwe, eeko logomunggup o,” yoragagerak.