Mika 5:7 - Ala Wone Peenok Peebi Mbanak

⁷ Singa ndiimbu-nggwiya eyonggaame mendek inenggela'me wonage menggi kwak, Singa awooluk kambin-ndomba inenggela'me unggwi nanuk, Yimbik togon eerogo nappiige, nibinik-ndelenak eerogo nenet nage, Eeke me, Ambeme nen ndiniyak meek menggi kwak, At Yakup mendek ando yumbunik nogo, togop aret aakumi inanebunu lombok inenggela'me wonogwe, Yi aakumi ndi aakumi ambik inenggela'me arit namenggaarak wonogwe, Eeko logogun o.

Mika 5:7 ပူးပေါင်းရင်းမြစ်များ

2 Tamuwen 17:12

Wo'niren nage keenok, kwaakkogo logomonggoorik, miinanggen yumbuk togon nggween paga wangge menggi kwak, nit at Ndawut awuri inom aambelenogo piyaagun me, at inom, awuri inom, ambit-ambi eenik mbaganigin abu lek aret o.

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Ndawi 133:3

O time mondok-mondok ki eeke logowak nduk, Aliku ALA ale'nggen oba pege menggerak me, Puut Keromon nen konaananggen puut-puut Tiyon paga Wambit wage menggi kwak, It aap ti togop aret wonogo menggaarak o.

Ndawi 72:6

O mayu iri'ngga paga wambit wage, Mayu wambit wage logonet nggween yawenogo pege, Eeke menggi kwak, At togop aret wonage logogin o.

Kini Wuppiige 19:12

Aap endagembogut anini wungge ti, singa anini nen oone kole ari menggi kwak aret kwe, Ale'nggen mbake nogo perak, konaananggen iri'ngga oba luurogo pege menggi kwak aret menggerak.

Yetaya 32:15

Eekwi iigak, Aberiniki agi nen ninoba wuppinani woraagin o. Wuppinani wage kenok, o karume nogo nggween mondok mili lubuk eerogo pemenggerak paga anggen ambik aret yege, Anggen yege menggerak yabume yarak nogo eyoongga kunik negen eerogo pege, Eerigin o.

Yetaya 55:10

O mayu inom, ndugu-ndugu inom, mbogut paga nen wambi wage nagaatik, nggween miin eerogo pit nage, Yabu yarak mili eerogo pege, Awi yarak mbilambunuk, abe lagawak nduk amburu eeppege, Eeke logonet, Aap awi yaka nogo awi peebi yariyak mbanggolaawak nduk, eeppege, It aap mbi noorak mbakwi nogo inambi ndarogo nawak nduk, eeppiige, Eeke nagaatik, Ti'nuk, iyokan yungguninuk lagangge menggi kwak,

Yetaya 66:19

Eeppiinet naminggirak ineebe yumbunik inenggela'me ineenu agak ambi eerigin o. It aakumi inanebunu lombok o Taritit, Pun, Lut inom, o Metek, Iroti inom, Tuban, Yawan inom, nggween ku'mbanak o nda irip-irip time an eeke minggirak wone awo inaruk konengga'lek wonogwe, an tiyanak lombok minggirak nogo inigen kaga'lek wonogwe, eekwi nogo inom, it yumbunogo piyaminggirak nogo nappiyaminggirak aakumi inanebunu lombok inenggela'me time an tiyanak lombok logonet, iya tit eeppiige minggirak nogo yoranet nugu logogun o.

Yeremiya 14:22

It yi aakumi ndi aakumi aanom warogo ayuk wuko menggaarak inagugi nogo nen o mayu wuppi wage, Ndi, mbogut alik nen o mayu lubu-lubu wurabit wage, Eeko menggaarak mbakop? Lek aret o! Kat ninogoba Kaliku Ala kalik nen mban aret eeke menggendak o. Ti abok aret eerit nage nogo ti, kat nen aret eeke menggendak me, nit niniki kat paga lunik aret ogoorik o.

Yetikiyen 14:22

Togop aret kwe, inapuri wologwe inom, komologwe inom, ando yumbunik mbaganit wundi namenggaarak wogoren o yime piya wogwe iinok, ineraambe inom, eerit nugwi inom, kenegen iige logomenggendik, an nen o Yerutalem aaninggin-paaninggin nogo mendek abok aret oba kwippiminggirak nogo kage logomenggendik, kiniki kwi'narigin o.

Yetikiyen 47:1

Ti'nuk, aap nogo nen an wo'neren Ala awi wurik me tu unggwogo logowam pani wage kagagirak. Wage kage neegak, Ala awi wurik ena oonegen lagi wage menggim pa'nggwe wonage me, tu unggwogo logowam abu'me time nen niyo nggwok ambi wungge nagagerik, oonegen lagi wage menggim pa'nggwe time nage kagagirak. Niyo nogo ti, Ala awi wurik abu'me o ame paga pa'nggwe nen wundi wage nagagerik, ake warogo kani kunggo logowam o ame pa'nggwe eraanu time nen ena oonegen lagi wage menggim time nage kagagirak.

Yetikiyen 5:5

Naliku Nitok Minggirak an ALA nen, Yi aakumi ndi aakumi inawi eraanu wanggerak wonogwe iigak, o kota oolome lombok pereegirak ti, kota Yerutalem yi aret kwe,

Ndaniyen 11:32

It aakumi Ala inom wone abuk nggaruk togon koonogo pereegerak eeka'lek mbo pugwi nogo, Op eekoorak, mba'nuk, at oone konenggo logowak nduk, oone amburu paga yoranet nagin kwe, it aakumi Ala ari kenok eeka nogo nen perak, At aap ti agan nege oone abu nineebi o, yinuk, eeka'lek mbo pogo logogun o.

Oteya 14:5

Aliku ALA nen ari logonet, “It Iterali nanini inoba piyoorak mbakirak nogo, muk lek agaarak me, An mbo paninuk, nomo agan nugu nogogwaarak nogo, an nen iniyokan wogoren piya wage, Inabuwa lombok mbarit unggwage, Eerigin o.

Oteya 6:3

Togop me, At Aliku ALA ti, nit ninogoba aret o, yinuk, paganggwi, At eeke menggerak nineenu arit unggwogwe, Eeko logowok o. Ti eekwi niinok, oonegen lagi wage logonet, eya pindanogo pege menggi kwak at abet aret niya wage, O mayu wage menggim age kenok, mbogut paga nen mayu wuranet wage menggi kwak ninowagam wage, O kibi wonagaatik, o mayu wage logonet, nggween miin eerogo pege menggi kwak, at nen obeelom eerogo pinanege, Eerigin o, Yinuk, yogo agaarik o.

Yowen 2:32

Eeke mbaremenggi, aap ambi nen, Kaliku ALA wae, yinuk, an nendage kunogo yo'neremenggerak kenok, agap ndarigin o. It ando teppiyamenggaarak puut Tiyon wonogwe inom, o Yerutalem wonogwe inom, Naliku ALA nen leenogo piyaagin o, Yinuk, Naliku ALA nen yereegirak nogo ndak-ndak agap ndarigin o, yinuk, yegerak me, yokkiragi o.

Amot 5:15

At Omaawi Lombok Menggerak Aliku Ala nen kit Yutup mendek eegu yumbunik wonogwe nogo, kinabuwa mbake kagak eerukwak, Maluk eeriyak kineebi mbakwi, Obeelom eeriyak kiniki kunik eekwi, Ndi, inowak loonggo menggam aakumi inowak loonggo logonet, eekaatak ndak-ndak eeppiigwi, Eeko logonip o.

Mika 2:12

“It Yakup mendek ti, an nen abet aret kuwak eerogo piige, Iterali mendek yumbunik nogo, abet aret ambit me piya wage, Eeke logominggirik, Ndomba kuwak eerogo anggenogona piigo mengga kwak piya wage, Ndomba kuwak aago inagari'ngga nenet nogo menggam wogoren nugu mengga kwak, wogoren nege, Eeriminggirak me, O time aakumi mban yebet aago logogun o.

Mika 4:13

“O Tiyon aagalogwe kit yi wae. Mi'nogo logomonggotik, gandum negen ti, kiniyok paga agabolo mbelanggo logonip o. An nen tapi eyak to aago mbuti owak kwak kinomaawi eerogo pinagage, Ndi, kiniyok mbuti tembaga kwak eerogo pinagage, Eeke neenok, Kit nen yi aakumi ndi aakumi ambik lombok yigirik-noonom eerogo piigo logomunggup o,” yinuk, yokkirage kagarak o. Ndi, it aakumi yigirogo piigo logonet, inamendek kugun wamonggotak nogo, wonok, “Aliku ALA ake o,” yinuk pi wogwe, It inageerok ti, at o nggween yi abok aret unde menggerak ninogoba nogo ake leenogo pugwi, Eeko logomunggup o.

Mika 4:7

It inendop yilugu negen eegu yumbunik wonogwe nogo, inendop abe awi wiganggo logowak nduk, eerogo piige, Ndi, it aakumi wumbiyareegwaarak nogo, inanebunu wakaa'ngget lombok logowak nduk, eerogo piige, Eeke logominggirik, Naliku an ALA nen aret puut Tiyon paga logonet, inowe nendagembogut a'nuk, Ne ti paga nen nok, mondok-mondok wone lengganogo yorage logogin o.

Mika 5:3

It Iterali inarum logorak woraagin nogo ti, mi'naremenggerak Aliku ALA omaawi eeppege kagak At ogoba Aliku Ala endage mondok iya abu abe me, ayuk wuke logonet, Ndomba ndegeninako mengga kwak, at apuri ndegeninake logogin o. At endage tiyanak menggerak nogo wiganinuk, o irip-irip time ari nagin me, apuri iniki ugun nu'lek aret logogun o.

Mika 5:8

Kit Iterali kinawim kinom nambuko logonet, tebenogo piigwi, Kinom ogoorak nogo lek eerogo piigwi, Eeppunuk, “Nineegin tiyak yigi o,” yinuk, keekok piyanggogo logomunggup o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Tepaniya 3:13

It aakumi Iterali mendek eegu yumbunik wonogwe nogo nen maluk eekwi, Inoone pilit pugunggwi, Wone mbanggo logonet, inoone pilit ambi pugunogo yorogwe, Eeko logogun lek aret o. Ndomba iri'ngga nenok, iniki ugun nogo yege menggi kwak, it togop aret eerogo piyaagin me, Aakumi ambi nen mbaaninako logogun lek aret,” yegerak me, yokkiragi o.

Takariya 14:8

Ne ti paga niyo ineenik aganake logorak o Yerutalem paga nen wungge logomenggerik, mogonogo ando oonegen lagi wage menggim pa'nggwe laut paga kuni nage, ando oonegen kilu yi nage menggim pa'nggwe laut paga kuni nage, eeke kagak, o kibi age, o mayu wage, eeke logogin o.

Takariya 9:13

Neegin miike logonet, yomok ari menggi kwak, it Yekura mendek ti, togop aret eerogo piige, Ndi, neegin yomonogo maale nambuke minggi kwak ti, it Eparayim mendek togop aret eerogo piige, Eerigin o. Kat o Tiyon yi wae. Kat o Yunani yi wae. Kat o Tiyon kaagalogwe wologwe ti, pilak yinuk, kat o Yunani kaagalogwe wologwe kinom wim eeriyak nduk pipuk eerogo piinok, Kat Tiyon ti, it aap wim eeka awooluwak negen eerogo pagagin o,” yinuk, Aliku ALA nen o ti nogoyoge kagagerak.

Matiyut 28:19

kit nen yi aakumi ndi aakumi inanebunu lombok an noone waganggo logowak nduk, eerogo piinet nogo logonet, nogoba Ala endage paga, aput an nendage paga, Aberiniki endage paga, yiime wuppiigwi,

Nappiigak 11:15

Yo'nege mbaki, an it yoraakit nduk eeke neegak, aa'nduk Aberiniki ninoba wuppi wagagi kwak, it kunduk inoba wuppi wage mbaki,

Nappiigak 13:46

Miyuk-meya eerogo pugwi iigak, it Pawulut Mbaranabat inagabiti lek yorogo logonet, “Ala wone kit aa'nduk yokkiroorak agaarak kwe, Nit nineenik logorak wone ti, woorak ndak lek o, yinuk, nineebi, yogotak me, kit lambembinaganuk, it endekem mendek nogo aret yora nogo ogoorik o.

Nappiigak 16:9

O Torowat unggwi nogo nogogwaarik, time nogo yogo logonet, at Pawulut abinggaanggo paga aap Makendoniya mendek ambi mi'ndak logonet, “Wulaga wae. Nit yeenggwaaniranok nduk, o Makendoniya yime wunda mok o,” yinuk, oone nabek togon yoge kagagerak.

Nappiigak 9:15

Yoreegerak kwe, ninogoba nen at Ananiyat yoge logonet, “Aap ti, it endekem konenggulik mendek inom, it inoweewi inendagembogut inom, Iterali abok aret inom, an eeke minggirak ineenu agago yorage logowak nduk nayeloman leenogo pigirak me, yori nak mban.

Oroma 10:20

ti'nuk, Ala nen yoge kagak at Yetaya nen agabiti lek yorage logonet, “It aap nen, Kat Ala nonggop menggendak o, yinuk, yo'nugulik nogo, neebe nigiige, It aap an mu'neren noorak mbakulik nogo ninom lambungge, Eereegirak o,” yinuk, yorage, eereegwaarak kwe,

Oroma 11:12

It Iterali mendek nen maluk eereegwaarak paga yi aakumi ndi aakumi alik mendek abok aret obeelom eerogo piige, ndi, Ala wone taganggo mbareegwa, Ala nen mbo piyareegerak paga, it endekem konenggulik mendek obeelom eerogo piige, eereegerak nogo ti iya negen kwe, peebi it Iterali abok aret obeelom eerogo piyamenggerak paga, nit eeppinaniyak ti perak, mondok iya lombok eeppinanigin yi kogo ogotik?

Oroma 9:30

Ti kenok, nit wone ngge yuwok o. It endekem konenggulik mendek nogo at Ala nen obeelom agago piyaawak nduk eekkologo logolik o. It abet mbareegwaarak paga obeelom agago piyareegerak kwe,

1 Korindut 3:6

An nen awi yake, ndi, Apolot nen niyo kilike, eekwi niigak, Ala nen perak, awi yarak mbilanuwak nduk eereegerak.

Pelaareegerak 32:2

An wone mamunirage yi, o mayu wangge menggi kwak age, Noone ari yi, miinanggen iri'ngga paga luurik pogom age, Iri'ngga anggup awo larak paga o mayu wangge kwak, age, Yi mendek ndi mendek yarak paga o mayu lubu-lubu wangge kwak, age, Eeruwak o.

Owak Loongga 6:36

Ari wogo mbareegwa, at Nggireyon nen Ala yoge logonet, “Kat nen an paga aakumi Iterali mendek inagap ndarumunggun o, yo'negendak nogo an ambi yokkiri o.