Mika 4:6 - Ala Wone Peenok Peebi Mbanak

⁶ Aliku ALA nen ari logonet, “Ne ti eyom paga an nen it inendop yilugu negen nogo kuwak eerogo piya wage, It mbo piya nogogwaarak wonogwe nogo, ambit me wonggonogo piya wage, Aaninggin-paaninggin inoba piyareegirak nogo, kuwak eerogo piya wage, Eerigin o.

Mika 4:6 ပူးပေါင်းရင်းမြစ်များ

Ndawi 147:2

Aliku ALA nen o Yerutalem obaane'me wurogo pege, It Iterali wogoren mbo piya nagagerak nogo kuwak eerogo piige,

Ndawi 38:17

Niyogobit lik togon yigeebu wambuurak ee'nake, Niniki andi negen ee'nake nogo Lek aga'lek kundugu tit wonage, Eeke agarik o.

Yetaya 56:8

Aakumi Iterali mbo piya nogogwaarak wonogwe me nen wogoren wagagerak Aliku Itok Menggerak ALA nen ari logonet, “An kuwak eerogo piyareegirak wonogwe iigak, It aakumi ando inom lambunna'nuk logowak nduk wogoren piya woraagin o,” yinuk, yegerak o.

Yeremiya 3:18

Ne ti eyom paga it Yekura paga wiganak nogo, Iterali paga wiganak inom lambunna'nuk, o omarip paga pa'nggwe wonogo menggam nen ambugwi aret neyate kwak inombomini nggween tumburogo piyareegim nogome iniyokan woraagun o,” yinuk, yegerak me, yokkiragi o.

Yeremiya 31:8

O omarip paga pa'nggwe nen wogoren wage, O nggween irip-irip time nen kuwak eerogo piya wage, Eerigin abet aret mbako logowak o. Kuwak eerogo piinok, inenggela'me nen it inigen mbuk inom, inendop yilugu inom, kumi inabila inom, kumi elege ndaruwok nduk, yagan wakwi inom, It ineebe apit lambunik nggwok aago wogoren iname iniyokan piya woraagin o.

Yetikiyen 36:24

It yi aakumi ndi aakumi inenggela'me nen nggiginogo wumbiige, yi o ndi o nen kuwak eerogo piya wage, eeke logominggirik, it inanggween paga lombok logowak nduk, iniyokan piya nagin o.

Mika 2:12

“It Yakup mendek ti, an nen abet aret kuwak eerogo piige, Iterali mendek yumbunik nogo, abet aret ambit me piya wage, Eeke logominggirik, Ndomba kuwak eerogo anggenogona piigo mengga kwak piya wage, Ndomba kuwak aago inagari'ngga nenet nogo menggam wogoren nugu mengga kwak, wogoren nege, Eeriminggirak me, O time aakumi mban yebet aago logogun o.

Tepaniya 3:19

Ne ti eyom paga it aakumi nen o Tiyon aagalogwe tebenogo piigwi nogo, an nen mi'na'nuk it lek eerogo piige, Iniyok yilugu wonogwe nogo, inagap ndarogo piige, It mappiyareegwaarak aakumi inenggela'me wonogwe nogo, kuwak eerogo piya wage, Eeke logominggirik, Yi o ndi o it o Tiyon aagalogwe inendage maluk eerogo piyareegwam nogome nen inendage tiyappiigwi, inayuk wukwi, Eeko logowak nduk Eerogo piyaagin o.

Lukat 19:10

An aap aret nda'nagagirak yi, it aakumi kobak ogogwaarak nogo kwaarogo inagap ndarikit nduk, wambi wagagirak o,” yinuk, yoreegerak.

Yaya 10:16

An nandomba anggenogo yime mban wonogwe lek o. Ando alik ambime wonogwe me, wogonabit nage logominggirik, inom piya woroorak aret me, piya woraaminggirak logonet, it an noone konenggwi, ndi, ineebe ambi lambunik iigak, an nalik aret ineebe ndegeninake, eeke logogin o.