Mika 4:5 - Ala Wone Peenok Peebi Mbanak

⁵ Aakumi inanebunu lombok inagugi inendage tiyappunuk eerit nogo logogun kwe, Nit perak, ninogoba Aliku Ala endage tiyappunuk, mondok-mondok eerit nogo logogun o.

Mika 4:5 ပူးပေါင်းရင်းမြစ်များ

Wakkagagerak 17:1

Ti'nuk, at Abaram nogo ndarak kagak tahun 99 eeke nagagerik wonage me, at Aliku ALA nogo at owagam wage nagagerik, yoge logonet, “Nomaawi Lombok Minggirak an Ala aret me, an nenggaanom paga maluk eeka'lek obeelom mban eerit nage logot o.”

2 Endagembogut 17:29

Mamuninake nagagerak kwe, it aakumi wogogwaarak o kota-kota ye mbambatinuk wonogwe nogo inanebunu lombok nen Ala obaane'me inagugiwak ogobakkigikkologo nogogwaarik, it Iterali mendek o Tamariya logonet puut-puut paga inagugi inake warogo wogorogo nogogwam inawi wurik me nogome mambunuk, inalut eeko nogogwaarak.

2 Endagembogut 17:34

It aa'nduk eeko nogogwaarak nogo o yogondak kuli kunik eekwi aret wonogwe o. It nen wone lengganak inom, wone yugu eeka'lek iinok aaninggin inoba piigo logorak wone inom, eeko logorak wone inom, “Yogop ee'nu ndogop ee'nu,” yugu inom, Aliku ALA nen aap Yakup endage ambi Iterali tooneegerak apuri yoragagerak nogo, liippunuk eekwi, Aliku ALA inagabiti mba'nuk alut eekwi, eeka'lek aret wonogo menggaarak.

Ndawi 20:6

At Aliku ALA nogo nen Amburu eerogo mippereegerak nogo agap ndake, Ndi, nggino yoge kenok, At leenogo pateegim mbogut paga nen onggo yoge, At eenggi abe'nggan omaawi paga agap ndake, Eeke menggerak neenu agi o.

Ndawi 48:14

Puut yi paga menggerak Ala nogo ti, Mondok-mondok ninogoba Ala aret me, At nen ndegenninabit wundi wage tit kagak, Kambi noorak kuli aret ari woraagin o.

Ndawi 71:16

Kaliku Kitok Menggendak ALA wae. Komaawi eeppanege keegak, eerit nage, Kalik mban abe koonak eerit nage menggendak me, Kiniki abe koonak menggendak nogo yoranet nage, Eeke logogin o.

Yetaya 2:5

At Yakup paga wiganak yi wae. Kit kunduk Aliku ALA eya paga nogo logonip o.

Yetaya 26:13

Kaliku ninogoba Ala wae. Kat keegak, ninogobamini wone lengganogo yo'nirogo nogogwaarak ineebe ambik aret kwe, Kat kendage mban tiyappagago ogoorik o.

Yetaya 26:8

Kaliku ALA wae. Ninawone amburu mbani woraanok nduk, tokkeego ogoorik o. “Kat kendage kunggwi, koba abekwi, eeruwok lak, ao,” lombok mbako monggoorak.

Yeremiya 32:40

Eeko logorak wone ninom mondok-mondok koonogo pigin nogo ti, an nen obeelom eeppiige nogo lek arigin lek mondok-mondok aret eeppiinet wundi wage, it an mbo paninuk nomo agan naga'lek an paga mondok-mondok inagabiti mbako logowak nduk, eeppiige,

Takariya 10:12

Naliku ALA an aret me, an napuri inomaawi eeppiige neenok, An nendage kumbunuk, inale'nggen paga eerit nogo logogun o,” yinuk, Aliku ALA nen aret yegerak o.

Nappiigak 14:16

O maan nen, yogondak kuli yi paga yi aakumi ndi aakumi iniki mba'nuk eerit nogwe iigak, Ala nen teppiige menggerak kwe,

Pelaareegerak 27:10

kit nen at Aliku kinogoba Ala oone kinaruk liirogon aret konenggwi, Yogop ee'nu ndogop ee'nu, wone yugu inom, wone lengganak inom, o yogondak yi paga nit yokkirogwe yi, mondok ndak-ndak aret eerit nogwe, eeko logomunggup o,” yinuk, yorogogwaarak.

Kolote 2:6

Kit aa'nduk nen, “Keritut Yetut ti, nit ninowe aret o,” yinuk, waganeegutak me, yogondak at kinom kunik logonet, yokkirage nogo konembunuk, mondok ndak-ndak aret eerit nogo logonip o.

Kolote 3:17

Keritut kinabuwa nen kinake eeke menggerak me, kinogoba Ala, “Wa,” yinuk, keyage wako logonet, kinoone yogo monggotak inom, eerit nogo monggotak inom, abok aret ninowe Yetut endage tiyak yuwak nduk mban eerit nogo logonip o.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.