Mika 3:7 - Ala Wone Peenok Peebi Mbanak

⁷ It inabinggaanggo paga yoraga nogo inenggali age, Tili pagangga nogo inagabiti age, Eeko logonet, Ala yoremenggaarak nogo onggo yoraga'lek kenok, inuut kuru agan wangge logogin o,” yinuk, yegerak me, yokkiragi o.

Mika 3:7 ပူးပေါင်းရင်းမြစ်များ

Ndawi 74:9

Ti eekwi iigak aret kwe, Nit nineenu agak ninigen kogwe, Aap Ala yorage kagak yo'niraga nen, “Yogop o,” yinuk, yo'nirogwe konenggwi, Eeka'lek niigak, Ne mande ari nagin nogo nit abok nineenggo'lek ogoorik o.

Wundeegwaarak 9:11

It aakumi Metit mendek nogo inagabolo paga kumbi kuurik lek piirinabeegerak nogo pogom, it kugi alom ineenu nogo togop mban piirinabeegerak me, Muta enggaanom paga woroorak meek aret agagerak.

Yetaya 44:25

Peebi ndogop arigin o, yinuk, Ala nen yo'nirage kagak yokkirogo o, yinuk, Yorogo logonet, ineenu agak mendek eeppiigwi nogo abut laganogo piige, Inobagari negen yorogo menggaarak nogo inagi'ndok kambuwak nduk eerogo piige, It aap iniki warak nen yorogwe nogo abut laganogo, Aap wi nen yogwe, mbaruwak nduk eeppiige,

Yeremiya 18:18

Yorage mbareegi, it aap ineebi nombakwi nen yogo logonet, “It aap Ala unde nen eeko logorak wone mamunnirogwe nogo lek age, it aap iniki warak nen ninaruk wakwi nogo lek age, ndi, Ala nen yorage kagak yoraga nen nit yo'nirogwe nogo lek age, eerigin lek me, aap Yeremiya ari menggerak ti, lek eerogo puurak koonuwok nduk, woraanip o. At wone yo'nirage nogo aret abut laganogo at yogwi, ndi, at, Yogop eeriyak, ndogop eeriyak, yo'nirage liippega'lek mbo pugwi, eekwi paga oone lek arigin me, eeruwok aret o,” yinuk, yereegwaarak me,

Yetikiyen 24:17

Waminggirak kangge kenok, aleendawi tiyaniyak mage o. Ata, koone mbabok mban kiniki wakkolage logonet, kayum kanobak paga lenggenak mban wonage, kiyogogut yirik mban wonage, eerak logot o. Ketenggen nobakkolage, tabun ndoombunuk inambi larogo nunggwi nogo kat nengge, eeriyak mage o,” yinuk, an yo'nereegerak.

Yetikiyen 24:22

nengge kenok, kat Yetikiyen eeremenggendak nogo it ndak-ndak aret eeruwak o. Inetenggen nobakkologwe, it aakumi tabun ndoombunuk mbi larogo nunggwi nogo, it nunggwi, eerugwaarik o.

Ala Unde 13:45

Yoge kenok, aap awin aaga'ne aremenggerak nogo nen ayum nibinik mendek yikkolage, eeruwak piinogo teppege, eeke logomenggerik, etenggen nabeppatinuk ari logonet, An neebe maluk aret agaarak o. Maluk aret agaarak o, yinuk, oone nggwok paga ari logowak o.

Amot 8:11

“Ne ti eyom ari wage paga An nen o yime mbi noogelo mondok alik negen nappi woraagin nogo ti, Mbi-niyo abu eeginaburak ti mendek nappi woraagin lek o. Ata, Naliku ALA noone lombok inaruk konenggo logorak ti, mbi-niyo abu negen eeginabigin o.

Mika 3:4

“Yeenggwa niru o,” yinuk, Aliku ALA yoriyak eyom ari woramenggerak yorumonggotak kwe, at nen kinoone konengge, Maluk eeko monggotak me, ne ti eyom paga kit tamban eekwi nogo, at etenggen kumaappatinuk wonage, Eeke logogin o.

Mika 7:16

Ti eeremenggendak paga yi aakumi ndi aakumi inigen kogo logomenggaarik, “Nit ninomaawi paga eeriyak meek kogo o,” yinuk, Inenggali nen inoone ambi yaga'lek inaruk logu negen eeppunuk logogun o.

Takariya 13:4

Ne ti paga it aap, Nabinggaanggo ndogop kagarak o, yinuk, yorogo nogogwaarak abok aret inenggali arugun me, it aap Ala nen yorage kagak yoraga inayum nggorek unta eeruwak paga penggaarak yiko nogogwaarak nogo, pilit kagak abet mbaruwak nduk, yiko nogogwaarak me, it ambinom yikkologo logogun lek aret o.

1 Tamuwen 14:37

Yorage mbareegi, Tawun nogo nen Ala yoge, “An aakumi Pilitin mendek yi, muguret noorak op ilik, lek a? Ndi, kat nen it ineebe waganogo nit aap Iterali nineenggime pinanumunggun ilik, lek a?” yoreegerak kwe, ne ti eyom paga Ala nen wone onggo yorulik puk agagerak.

1 Tamuwen 28:15

Ngginnage mbareegi, at Tamuwen nen Tawun yoge logonet, “Kat nonggop nduk, Keebe kin aru, yinuk, wii'nege logonet, piya'nake agandik?” Yoge mbareegi, at Tawun nen Tamuwen yoge logonet, “Ala nen an mbo panege mbaki, aakumi Pilitin mendek ninom wim nambukwi paga an niniki ma'nagagerak wonage logonet, it aap Ala nen yorage kagak yoraga paga inom, nabi paga inom, yo'niruwak nduk, yogitak kwe, yo'nega'lek mban kenok, nogoba kat nen an eeriyak yo'nenok nduk, wiigigirak o.”

1 Tamuwen 28:6

Wake mbareegi, at Tawun nen, “At Aliku ALA ambi yo'niruwak,” mba'nuk, nggino yoreegerak kwe, at Aliku ALA nen onggo abi paga inom, yugum Urim paga inom, aap Ala nen yorage kagak yoraga paga inom, wone ambi abu yorulik.

1 Tamuwen 9:9

Yoge mbareegi, at Tawun nen ari logonet, “Op aret yagandak me, nawi o.” Yoge nagagerik, o kota aap Ala wone liirogon eeka wonage me time unggwi nawok nduk, elan me laganggwi me, komologwe niyo tooliyak wogogwaarak inom lambunggo nogogwaarik, yorogo logonet, “Aap obagari yaga nogo wonage ilik, lek a?” yinuk, yorogogwaarak. Wone, Obagari yaga, yorogogwaarak nogo ti, o maan ti eyom paga aap Ala nen yorage kagak yoraga kenok, aakumi Iterali nen endage, Obagari o, yogo nogogwaarak me, aap ambi Ala yoriyak mbake kenok, “Aap obagari yaga nogo pekka nawok o,” yinuk, yogo nogogwaarak kenok, komologwe nogo togop aret yorogogwaarak.