Mika 3:4 - Ala Wone Peenok Peebi Mbanak

⁴ “Yeenggwa niru o,” yinuk, Aliku ALA yoriyak eyom ari woramenggerak yorumonggotak kwe, at nen kinoone konengge, Maluk eeko monggotak me, ne ti eyom paga kit tamban eekwi nogo, at etenggen kumaappatinuk wonage, Eeke logogin o.

Mika 3:4 ပူးပေါင်းရင်းမြစ်များ

Ayup 35:13

At aret konenuwak o, yinuk, yogwe lek inoone we ugun, Ai ao, yogwe me, Ala aruk konengge, At Omaawi Lombok Menggerak nen liippiige, Eerigin lek abet aret mbake logot o.

Ndawi 18:41

Inoone nggwok paga, “Ninagap ndari woraanip o,” Yagaarak kwe, inagap ndari wogwe, “Kaliku ALA o,” yokkegaarak kwe, Karuk konembunuk, onggo yorage, Eerulik o.

Kini Wuppiige 1:28

Ne ti eyom paga it aap ti nen an yo'neremenggaarak kwe, an wone onggo yoraga'lek puk age, An kwaa'nabit namenggaarak kwe, kwaa'neega'lek aret wonogwe, Eerugun o.

Kini Wuppiige 28:9

Aap ambi nen wone yugu nogo, “Naruk koneniyak neebi o,” yinuk, aruk nakkolage kenok, At tamban eeke nogo Ala nen, “Koneniyak mondok neebi,” ari logogin o.

Yetaya 1:15

It ineenggi paga aap inamiya wonage kagak eekwi me, Tamban eeko logonet, ineenggi nippunuk eekwi iinok, an nena nomok ari, Ko'lu-kii'me tamban eekak mban eeremenggaarak kwe, an naruk konengga'lek mbo pege, Eerigin o.

Yetaya 3:11

Aap maluk mendek ti, maluk inoba arigin me, inabuwa o! It nen aakumi maluk eeppiigo nogogwaarak nogo ndak-ndak eeppiyaagin me, inabuwa o!

Yeremiya 11:11

it apit aret inagap ndakko'nok mbaganiyak meek aaninggin nggwok mendek inoba kwippiyaagin o. Kwippiige neenok, Ninagap ndaru o, yinuk, inoone nggwok paga yo'nirugun kwe, an nen it yo'nugwi ti, naruk konenigin lek aret o,” yinuk, Aliku ALA nen aret yegerak o.

Yeremiya 14:12

It nen inambe mage negen logonet, Yeenggwa niret o, yinuk, nggino yo'nirimenggaarak kwe, inoone yogwe an naruk konengge, ndi, ndomba warogo nake kani kunggwi, gandum anggen yigirik niri wogwe, eeremenggaarak kwe, nale'nggen nen wagangge, eerigin lek o. Ata, wooluwak paga, mbi noogelo paga, kugilingga paga, ineebe lek eerogo piyaagin o.”

Yeremiya 5:31

It aap an nen wone yorage neegak yoraga nogo nen, Ndogop eeke kaamunggup o, yinuk, we pilit pugunit nugwi, It aap an neebe unde nogo nen it iniki mbakwi mban mamuninabit nugwi, Ndi, it ti eekwi nogo it an napuri kunduk, inikilom mbako logonet konenggwi, Eekwi ti aret me, O age yobok panggoni wage kenok it nano eerugun o?” yinuk, yegerak me, yokkiragi o.

Yetikiyen 8:18

Togop aret me, inoone nggwok paga nabinik-nabenak an yo'nirimenggaarak kwe, inoone konengge, inabuwa mbake, inabuwa nen teppiige, eerigin lek nanini inoba kwippiyaagin o,” yinuk, yo'nege kagagirak o.

Mika 3:7

It inabinggaanggo paga yoraga nogo inenggali age, Tili pagangga nogo inagabiti age, Eeko logonet, Ala yoremenggaarak nogo onggo yoraga'lek kenok, inuut kuru agan wangge logogin o,” yinuk, yegerak me, yokkiragi o.

Mika 7:13

Aakumi o yime menggaarak nogo nen maluk eerit nogo nogogwaarak paga o yi, o wogo aret arigin o.

Takariya 7:13

At Omaawi Lombok Menggerak Aliku ALA nen ari logonet, “It wiirage neenok, Ninaruk koneniyak nineebi o, mba'nuk mbo pereegwaarak me, it nen nggino yo'nugwi iinok, an naruk koneniyak neebi o, yinuk, mbo pereegirak o.

Matiyut 7:22

O ti eyom paga aakumi apit aret, Ai, ninogoba. Kat kendage paga Ala wone yorogo nogogurak nogo o. Ai, ninogoba. Kat kendage paga kugi nggiginogo wumbiigo nogogurak nogo o. Ai, ninogoba. Kat kendage paga eerubok mendek apit aret eeko nogogurak nogo o.

Lukat 13:25

At o unde nen mi'na'nuk, tu nake mbaremenggi, kit endekem tu puk-puk eeko logonet, Nogoba! Tu paa'niyet o, yorumonggotak kwe, at nen, Kit aap nggeeme nen wogop? Kit an neenggo'lek o, yokkirage kenok,

Yaya 9:31

It aap maluk eeko menggaarak inoone Ala aruk konenggeelik ti nineenu o. Aakumi Ala ayuk wuppunuk, at eeriyak mbake nogo eekwi iinok, inoone Ala aruk konengge menggerak.

Yakobut 2:13

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.

1 Tamuwen 8:18

Aap endagembogut mippumonggotak nogo nen aaninggin-paaninggin togop aret eeppinagit wage ti eyom paga kit nen Aliku ALA yogo logonet, Aap endagembogut mippogoorak nogo nen yogobi eeppinanege me, yeenggwa niret o, yorumonggotak kwe, kinoone at Aliku ALA konenigin mondok lek aret mbako logonip o,” yinuk, yoragagerak.