Mika 3:2 - Ala Wone Peenok Peebi Mbanak

² Obeelom eeriyak kineebi mbakwi, maluk eeriyak kinikilom mbakwi, eeko logonet, An mendek ineenik ngge-ngge inagabolo mbelanogo piigwi negen eekwi, Inowak kalenak-pugunik eerogo piigwi kwak eekwi, Eeko monggotak o.

Mika 3:2 ပူးပေါင်းရင်းမြစ်များ

1 Endagembogut 21:20

Yoreegerak nage mbareegi, Akap nogo Eliya nage enegen kage nagagerik, “Kat nimbirak ogoorak monggoorak yi, o yogondak aret kwaa'naken o.” Yoge mbareegi, at Eliya nen at onggo yoge, “Abet aret kwaakkeegi o. Maluk ayeloman arikit o, yinuk, miike nagandik, Aliku ALA enegen kagak, maluk eerit nage menggendak me,

2 Mbinineegwaarak 19:2

aap abinggaanggo kaga Kanani aput Yeku nogo nen at Yotapat nogo ka wundi nage nagagerik, at yoge logonet, “It aap maluk lombok eekwi nogo yeenggwaarage, ndi, it Aliku ALA ineebi mbakwi nogo kiniki kunik aganake, eeke menggendak ti, op aret mbaken? Ti eekendak paga Aliku ALA anini koba aret wonage o.

Ndawi 15:4

Aap maluk mban eerit noorak mbakwi nogo Ineebi inombako logonet kwe, Aap Ala inagabiti mbakwi nogo tiyappiigwi kenok, “Yogop eeppagagun o,” yinuk, Wone kumbuk mbanogo yoragaatak nogo Inamendek lek kwe, kagak eeppiigwi kenok,

Ndawi 53:4

Aap mbi ne ambit lek eerogo nonggo mengga kwak It aap maluk eeka nen an napuri inambeme yonggorinabit nugwi, “Nogoba Ala o,” yinuk, yoga'lek we nugwi, Eerit nugwi yi, “Nonggop eeko ogoorik o?” yinuk, Liippaka'lek agaarik ya?

Kini Wuppiige 28:4

It aap wone yugu mbo pugwi nogo nen it aap maluk mendek tiyappiigo menggaarak kwe, It aap wone yugu liirogon porogo wonogwe nogo nen aap maluk mendek inoone lek eerogo piigo menggaarak.

Yetaya 3:15

An napuri piyak-payak eerogo piinet nugwi, Ineenggi lek mendek ale-pale eerogo tebenogo piigwi, Eekwi ti, Nonggop nduk eeko agaarik o?” yinuk, at Omaawi Lombok Menggerak Aliku ninogoba ALA nen aret yegerak o.

Yetaya 5:20

It aakumi nen maluk kagak, “Obeelom aret,” yogwe, Obeelom kagak, “Maluk aret,” yogwe, O apit kagak, “O eya,” yogwe, O eya kagak, “O apit,” yogwe, Ale kagak, “Ale lek,” yogwe, Ale lek kagak, “Ale warak o,” yogwe, Eekwi nogo ti, Mondok inabuwa o!

Yetaya 57:12

Maluk kagak, Nit obeelom eekwi, mbakwi inom, eerit nogo menggaarak abok aret inom, kin paga yoroorak kwe, Wone ti, liippugun lek me, we aanom warogo aret yoroorak o.

Yetikiyen 11:7

Togop aret me, at Aliku Itok Menggerak ALA nen yo'nege kagagirak nogo yi aret. “It nen ineebe inoorak tu paga mbo piinet nagaarak nogo ti, enggaanggum kwak, ndi, o kota yi, kuwali kwak aret me, op aret logogun, mbakwi kwe, an o kota yime nen wumbiyaagin,” yegerak o.

Yetikiyen 22:27

It aap inoweewi inengga warak o time inenggela'me wonogwe nogo ti, nggwiya it noorak mendek nibinogo nonggo mengga kwak logonet, aakumi inamendek kolaawok nduk, ineebe inoorogo piinet nogwe, inenggaawak lek eerogo piigwi, eeko agaarik o.

Yetikiyen 24:4

Niyo la'nage kagak ndomba amok warak kero waganogo wakwi, Enggaanggum abu abe aawi mbanak inom, obaak mbanak inom, waganogo togolowa'na niyo la'nage me nogome wuppugwi, Owak ako wonage kero, togolowa'na niyo la'nage me yagabit eerogo mambugwi, Eeko logomenggaarik, Owak nogo la'naruwak nduk, kani ambinom kunggwi, Owak nogo niyo kila-kila eeke paga lakwi, Eeruwak,” yegerak o.

Yetikiyen 34:3

It inaanggumi inelak amburu longgo warak nunggwi, inaanggumi ineeruwak abe paga inayum penggaarogo yikkologwe, inandomba amok warak kenok mban warogo nunggwi, eeko logonet kwe, inandomba ineebe ti perak, liirogon ndegeninaka'lek aret wonogo agaarik o.

Amot 4:1

Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.

Amot 5:15

At Omaawi Lombok Menggerak Aliku Ala nen kit Yutup mendek eegu yumbunik wonogwe nogo, kinabuwa mbake kagak eerukwak, Maluk eeriyak kineebi mbakwi, Obeelom eeriyak kiniki kunik eekwi, Ndi, inowak loonggo menggam aakumi inowak loonggo logonet, eekaatak ndak-ndak eeppiigwi, Eeko logonip o.

Mika 2:8

Togop kwe, it inom wim mbanak nen eeko mengga kwak, an napuri inoweewi nogo mi'nogo logonet, Inawuri nen wim eeppunuk, iniki ugun ale'nggen paga iname wogwe me, inayum abe nggorek nogo nggorok togon eerogo kologwe,

Mika 7:2

It aap Ala mugurok nogwe nogo, o yime inenggaawak lek aret iige, Aap iniki abe koonak ambiriluk ambi lek aret kage, Eeke agarik o. It abok aret aakumi inooriyak nduk, enaarak negen wonogwe, Towe yilunggagak yum yugu wonok nugu mengga kwak, it ambi nen inoreeluk ambi wariyak nduk eerit nugwi, Eeko agaarik o.

Mika 7:3

Maluk eeriyak abu ineenu paga eerit nugu agaarik o. Inarum waka inoweewi nen, “Onggo pinip,” yorogwe, Inowak loongga nen inawone abe mbanuwak nduk, onggo waganggwi, It aap inayuk warak nen it eeriyak mbakwi nogo mban wone lengganogo yorogwe, Eeko logorak wone yugu abe koonak kagak nomok-komok eerogo pugwi, Eeko agaarik o.

Tepaniya 3:3

At inom eeka aap inendage warak wonogwe nogo ti, Singa at nengge menggerak naakit nduk oone nggwok ari menggi kwak, wonogwe, At aagalogwe inowak loongga ti, nggeewo owo nen nggwiya wappunuk ko'lu noorak mbakulik, o ne ambit weege paga uwiirogo wurako mengga kwak, wonogwe,

Lukat 19:14

Yorage nagagerik, nagagerak. Nage kagak, it at abu'me menggaarak nen at ineebi lombok ombako logonet, Kat yi, ninowe kendagembogut a'nuk, ninarum logorak nineebi o, yinuk, yori nawak nduk, inawuri nappiyareegwaarak.

Yaya 18:40

Yorage mbareegi, it inoone nggwok paga yogo logonet, “Aap yi lek o. Aap Mbarabat nogo aret piinogo wo'niret o,” yoreegwaarak. At Mbarabat nogo “Ninalik aruwok o,” yogo logonet, at keele maarogo mambereegwaarak wonage kagak, yoreegwaarak.

Yaya 7:7

It aakumi nen kit ineebi kinombariyak meek kwe, an perak, it aakumi eeko menggaarak ti, Maluk aret o, yinuk, paganogo yorage minggirak me, ineebi lombok nombako agaarik o.

Oroma 1:32

ti eerit nugu menggaarak nogo ti, Ala nen, “Yogop eerugup, ndogop eerugup,” yereegerak nogo mendek eekwi iinok, “Mondok inoorigin o,” yereegerak nogo ineenu logonet kwe, kagak eerit nugu menggaarak. Eerit nugu logonet, “Nit mban eeriyak lek o. Ata, it ando ninom aret eeruwok o,” yinuk, eerit nugwi me, Ala nen mondok inoorigin o.

Oroma 12:9

Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi mbako logonet, obeelom eeriyak kenok mban kinikilom mbako logonip o.

2 Timotiyut 3:3

Ti eerit nugu logonet, inowe-inawot inabuwa mbakwi, inom lambuniyak mbakwi, eeka'lek aret logogun o. Aakumi inabok mbanit nugwi, eeriyak aganake kenok tebenogo pugwi lek mondok eerit nugwi, inanini wulo lombok logonet, aakumi mondok inoorit nugwi, obeelom eeriyak mondok ineebi mbarit nugwi,