Mika 3:1 - Ala Wone Peenok Peebi Mbanak

¹ Ti yorage nagagirik, wone ambinom an yorage logonet, “It Yakup mendek inoweewi kit yi wae. It Iterali mendek inarum monggotak kit yi wae. Kit a'me nggelok eeko logorak kineenu ariyak op kwe,

Mika 3:1 ပူးပေါင်းရင်းမြစ်များ

Nekemiya 13:17

it aap Yekura inoweewi inengga warak nogo mberirage logonet, “Nogo 6 yippunuk, ko'lu yonggonggologo logorak yugu kagak maluk eeppugwi ti, maluk nggwok lombok eekwi me, nonggop nduk eeko ogotik?

Ndawi 14:4

Aap mbi ne ambit lek eerogo nonggo mengga kwak, Aap maluk eeka nen An napuri inambeme yonggorinabit nugwi, “Kaliku ALA o,” yinuk, yoga'lek we nugwi, Eerit nugwi yi, “Nonggop eeko ogoorik o?” yinuk, liippaka'lek agaarik ya?

Yetaya 1:10

Kit aakumi inarum waka o Torom wandek yi wae. At Aliku ALA wone yokkirage nogo kinaruk konenggo logonip o. Kit aakumi Nggomora wandek yi wae. Ninogoba Ala nen eeko logorak wone yereegerak yi, liippogo logonip o.

Yetaya 10:2

It aap ti nen aakumi ineenggilek nogo obeelom eeppiyoorak koonak kagak non mbanogo piigwi, An napuri tebenak nugwi nogo inawone liirogon koonogo piyoorak kagak maluk-maluk koonogo piigwi, Eeko logonet, Alom lek kagak it kumi togwe inamendek kologwe, Elege moono inageerok ndinggologwe, Eeko menggaarak me, inabuwa o!

Yetikiyen 22:6

It Iterali inoweewi nagawan o kota time enggela'me wonogwe nogo, inalitik-inalitak nen inendage tiyanak paga aakumi inoorogo piinet nogwe ti, liippiyet o.

Yetikiyen 34:2

“Aakumi nen ndarak yi wae. It Iterali inoweewi ndomba ndegeninaka kwak logonet eekwi ti, eeppiyoorak yorage logot o. It eeppiyoorak nogo yorage logonet, Aliku Itok Menggerak ALA nen yegerak nogo yi aret. It Iterali ndegeninaka inoweewi nogo ti, it inobaalombok mban ndegenggologwe me, inabuwa o! It aap ndomba ndegeninaka nen inandomba ndegeninako menggaarak nogo lek a?

Yetikiyen 34:3

It inaanggumi inelak amburu longgo warak nunggwi, inaanggumi ineeruwak abe paga inayum penggaarogo yikkologwe, inandomba amok warak kenok mban warogo nunggwi, eeko logonet kwe, inandomba ineebe ti perak, liirogon ndegeninaka'lek aret wonogo agaarik o.

Yetikiyen 9:9

Yoge mbareegi, at nen onggo an yo'nege logonet, “It Iterali mendek inom, Yekura mendek inom, maluk ambik lombok eekwi paga o nggween yi paga aap inamiya mban ndak warogo pege, o kota yi paga eekaarak onggo a'me nggelok eeka'lek yiluk-yiluk inowak loonggwi, eeko logonet, Aliku ALA nen nggween yi abu mbo pegerak o, yogwe, Aliku ALA nen enegen niiga'lek aret agaarik o, yogwe, eekwi me,

Oteya 5:1

Aliku ALA nen ari logonet, “It an neebe unde abok aret ti, wone yi, inaruk konenggwi, It aakumi Iterali mendek ti, yorage yi, liippugwi, Aap endagembogut akuwi-apuri inom ti, inaruk liirogon konenggwi, eeko logowak o. Keele o Mitapa paga pugwi, Puut Tabot paga towe yonggo'naruwak nduk yum mbiganogo pugwi, O Titim nggwiya wambuurak nggween ogurogon kabunggwi, Eeko mengga kwak, It ti, togop menggaarak me, Aaninggin eeppiyoorak wone yi ti, it inake aret yorage agarik o. It abok aret ti, eerit nugwi paga an nen aaninggin inoba kwippiyaagin o.

Amot 4:1

Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.

Amot 6:1

It aakumi Iterali mendek nen, “Yeenggwa niraawak o,” yinuk, Aakumi ando tebenak iigak, it ambi abu tiyanak menggaarak inenggela'me nen kit kinengga warak kiya wogo menggaarak abok aret O Tiyon paga, “Niniki ugun obeelom wonogwe,” mbakwi inom, Puut Tamariya paga, “Niniki ugun tayenak nu'lek aret wonogwe,” mbakwi inom, kinabuwa o!

Mika 2:13

Aap yugum pak langgungga nogo kwak a'nuk, naa'nduk tu pak langgunogo punuk, wundi nage, Inowe nendagembogut Naliku ALA naa'nduk a'nuk nage neegak, nawuri nambokan wogwe, Eerugun o,” yinuk, Aliku ALA nen aret yegerak me, yokkiragi o, yoragagirak.

1 Korindut 6:5

Kit kinenggali arubagip nduk, yokkiragi o, noreewi. Aap iniki warak ambi nen oreewi maluk eekwi iinok, inawone amburu mbanogo yoroorak kinenggela'me wonage lek kenok, eeko ogotik ya?

Pelaareegerak 16:18

Yorage nagagerik, ambi yorage logonet, “At Aliku kinogoba Ala o wokkiramenggerak kinawi kota alitak lombok logonet, aakumi li'lak inawone amburu mbanggo logowak nduk, aap inowak loongga inom, inanebunu inalitak lombok wone lengganogo yoraga inoweewi inom, mippiyaamunggup o.