Mika 2:6 - Ala Wone Peenok Peebi Mbanak

⁶ “Nit ninenggali eerogo pinaniyak lek me, Ndogop eerigin o, yinuk, it yoraga nen, Ala ndogop yegerak o, yinuk, yo'nirage, Ala nen, Ndogop eeppinagagin, yegerak o, yinuk, yo'nirage, Eeriyak mage o,” Yinuk, yogo menggaarak.

Mika 2:6 ပူးပေါင်းရင်းမြစ်များ

Ndawi 74:9

Ti eekwi iigak aret kwe, Nit nineenu agak ninigen kogwe, Aap Ala yorage kagak yo'niraga nen, “Yogop o,” yinuk, yo'nirogwe konenggwi, Eeka'lek niigak, Ne mande ari nagin nogo nit abok nineenggo'lek ogoorik o.

Yetaya 30:10

Aap inabi kaga nogo, Kinabi ambinom koorak mage o, yinuk, yorogwe, It aap an nen yorage neegak yoraga nogo, Obeelom eeko logorak kinigen kenok, ambinom yo'niroorak mage o. Ata, wone ninikilom mbakwi mendek mban yo'nirogwe, Ndogop kwak ee'ne, mbakwi nogo mban yo'nirogwe, Eeko logonip o.

Yetikiyen 20:46

“Aakumi nen ndarak yi wae. Kena o ame pa'nggwe na'nage logot o. Na'nage logomenggendik, o ame pa'nggwe time nggween ti mberege, o ame pa'nggwe eyonggaame time, Ndogop eekkabigin o, yinuk, yoge, eeru o.

Yetikiyen 21:2

“Aakumi nen ndarak yi wae. Kena o Yerutalem na'na'nuk, koone omaawi paga aakumi alut eeko menggam yi o ndi o yorage, it Iterali inanggween eeppuurak nogo yorage, eeke logot o.

Yetikiyen 3:26

It Iterali mendek ti, an yorage eeriyak ineebi mbaka aret me, kat nen it inaruk waka'lek koone lek logonok nduk, an nen kamili waganogo kalelaan paga nabenogo pagagin kwe,

Amot 2:12

“Ti eereegirak kagak, it aap nake leenak logorak kumbuk mbaneegwaarak nogo, Anggur amburu nawak nduk inoone omaawi paga yorogwe, It an yorage neegak yoraga nogo, Wone yo'niroorak lek o, yinuk, yorogwe, Eereegwaarak o.

Amot 7:13

O yime ti, aap endagembogut nen ayuk wuke, aakumi at abu'me piinok menggim nen ayuk wukwi, eeko menggam alik leenak o Mbeten yime aret me, o Mbeten yime kogoba Ala nen yokkege kagak, yoragak eeriyak ti mondok mage o!”

Amot 7:16

Yo'nereegerak me, yogondak Aliku ALA nen wone yokkege yi, karuk konengge logot o. Kat nen ari logonet, Kit Iterali eeppinagarak, Ala nen yo'nege kenok yokkiragi o, yinuk, yorage, At Itak ombowologwe wiganak paga, Yogop eeppinagagin o, yinuk, yorage, Eeriyak ti mage o, Yinuk, yo'negendak me,

Mika 3:6

Inabinggaanggo ambinom koorak iyo, o apit kwak eerogo piige, Tili paganemenggaarak kwe, irip narogo piige, Eeriyak eyom panggoni woraagin o. Ndogop eeke kaamunggup o, yinuk, yaga nogo oonegen kilu yi nage logonet, o yumaak age menggi kwak, eerogo piinet unggwage, O liingge kwe, yipit-apit eerogo piige menggi kwak eerogo piige, Eerigin me,

Mika 6:16

Kat nen aap endagembogut Omiri nen wone lengganogo pereegerak nogo mugurok nage, Aap Akap apuri wiganak abok aret nen eerit nogo nogogwaarak nogo, ndak-ndak eerit nage, It eeriyak koonogo pugwi nogo kinom eerit nage, Eeke menggendak me, Keebe pup eerogo pagagwi, Kaagalogwe, Ha! yinuk, inagi'ndok kanggwi, Yi aakumi ndi aakumi abok aret meek eerogo pagagwi, Eeruwak nduk, Eeppiyaagin o,” yinuk, yokkege nogo karuk konengge logot o.

Nappiigak 4:17

Ata, nggwok paga wiganinuk nookwak, Aap ti, endage kumbunuk ambinom yoranet nugu logorak mondok mage o. Ambinom yoranet nugwi kiinok, maluk eerogo pinagagun, yoraawok o,” yinuk, yereegwaarak.

Nappiigak 5:28

“Aap ti, endage kunogo mamuniroorak mage o, yinuk, mbekkirogoorak kagak, kit wone mamunirogotak paga o Yerutalem abok konenit nagaarak ti, aap ti amiya nit ninoba logowak, mba'nuk, yoranet nogo ogotik ya?”

Nappiigak 5:40

Yorage mbareegi, it wone amburu mbangga nen, “Abet aret yigi,” yinuk, it nappiigak nogo, wiirogogwaarak wogo mbareegwa, yorogo logonet, “Yetut endage aakumi yoranet noorak mondok mage o,” yinuk, yawi inoorogo wumbiyareegwaarak.

Nappiigak 7:51

Kinogogumbuk kiniki omaawi logonet, Ala oone konengga'lek kit aret. Kinombomini Ala oone taganggo nogogwa kwak, Aberiniki oone taganggwi kit aret o.