Mika 2:4 - Ala Wone Peenok Peebi Mbanak

⁴ Ne ti eyom paga it aakumi nen, Op togon eeppinagagi, yinuk, yorogo logogun o. Nineebe lek eerogo pinanege, ninanggween mbanogo wogorage, Ndinggolage nagagerik, it aap tebenogo pinanugwi nogo wogorage, eereegerak o, Yinuk, yogwe nogo inomaani mbanggo logonet, Kayik a! yinuk, le ndawi paga inanep pogo logogun o,” yinuk, Aliku ALA nen yegerak me, yokkiragi o.

Mika 2:4 ပူးပေါင်းရင်းမြစ်များ

2 Tamuwen 1:17

It Tawun Yonatan imbirak kambeegwaarak paga at Ndawut nen le ndawi endage, “Eegin Le Ari o,” yinuk, ndawi pege nagagerik, it aap Yekura mamuninabit nugu logowak nduk, yoragagerak mbuku Yatat paga liiru mbaneegerak wonage nogo yi o.

2 Mbinineegwaarak 35:25

Ale yogo nogogwaarik, ti'nuk, aap Yeremiya nen lendawi paga Yotiya anep pereegerak me, it kumi-aap ndawi waka nogo nen Yotiya anep pugu nogo abeppegak o yogondak kuli ndawi ti wakwi wonogwe aret. Ndi, at Yotiya lendawi anep pugu nogo Iterali wonogwe me inandogon aret agagerak me, Lendawi Pugu liiru mbanak nogo paga inom mbanak wonage o.

Ayup 27:1

Yoge nagagerik, Ayup nen wone ambinom kunik-kunik aret yorage logonet,

Yetaya 14:4

aap o Mbaben inowe endagembogut miyuk-meya eerogo pogo logonet, “Aakumi tebenogo piiga yi, koone lek eerogo pagage, Aap iniki worokot yi, komanggen tayenogo pagage, Eekerak me, kenggali o.

Yetaya 24:3

O nggween yi, abu maluk eerogo pege, Iri'ngga-kale'ngga mondok lek eerogo pege, Eerigin o,” yinuk, at Aliku ALA nen wone ti yegerak me yagi o.

Yetaya 6:11

Yo'nege naruk konengge nagarik, onggo yoge logonet, “Nogoba Ala wae. Wone ti yorage neegak, ne mande ari nagin o?” Yoge mbaki, at nen onggo an yo'nege logonet, “Kat nen yorage keegak O kota-kota abok aret yigirik-noonom eerogo pugwi iinok, Aakumi ambi lek aret wonogwe, Aakumi inawi wurik wuum lu agan nage kagak, ineyabu yarak alom yenak-kinak eerak wonage,

Yeremiya 14:18

O kota nen endekem wundi nanuk, aap wooluwak paga inoorak wonogwe iige, Ti'nuk, o kota unggwi woraanuk, time it aakumi mbi abu nen kambit nogwe iige, Eeke agarik o. It aap an yorage neegak yoraga inom, it an neebe unde inom, nigiren o it nugulik me piya nagaarak wonogo agaarik o, Yinuk, yoret,” yo'negerak me, yagi o.

Yeremiya 4:13

At wage yi, kinigen pekkaanip o. Ndugwi kilanogo nippit wage menggi kwak, at kin ari wage, O wiya nombok-kombok eerit wage menggi kwak, at anggweendo wim eeka togop aret wogwe, Towe nggindooni nggarek togon nogo menggaarak kwe, at aguda perak, mondok nggare agan wogwe, Eekwi paga Nit mondok lek eerogo pinanigin me, ninabuwa o!

Yeremiya 6:12

O it wonogwe me yime abok aret aaninggin inoba piyaakit nduk, neenggi nippege neenok, Inawi wurik inom, inakuwi inom, ineyabu aago inom, it aap alik unde eekkolaagun o,” yinuk, yegerak o.

Yeremiya 8:10

It inakuwi ndinogo aap alik wogorage, Ndi, ineyabu eerak nogo it aap o tebengga wogorage, Eerigin o. It aap inendage lek inom, inendage warak inom, abok aret ambi kolaawok nduk, mugurok nugwi, It an yorage neegak yoraga inom, it an neebe unde inom, abok ndak-ndak inoone pilit pugunggo logonet, aakumi wi-wi aganabit nugwi, Eeko menggaarak.

Yeremiya 9:10

Puut-puut inom, o karume inom, time aakumi lek me, tu ti paga nugwi iige, Lembu-tapi iri'ngga mbanogo nenet nugu logonet, inoone yogwe konengge, Yi towe ndi towe wiga agan nugwi nogo mendek abu mbaganeegwaarak me nenegen ambi iige, Ndiimbu-nggwiya wonogwe me, nenegen iige, Eeka'lek me, Puut-puut eeppiinet noorak nogo inale ari, inaleenggu maake, Eeke logonet, O karume iri'ngga mbanogo nenet nugu menggam ariyak nogo kunduk, niniki puru ari logonet, inaleendawi piyanigin o.

Yeremiya 9:16

It inom, inombomini inom, aakumi abu ineenggo'lek mendek ineenggime mak eerogo piige, ineebe inooruwak nduk, nappiya woraminggirak muguren nogwe iigak, an nen inenggaawak lek eerogo piige, eerigin,” yegerak o.

Yetikiyen 16:44

“It aap wone eegu laarogo yaga nen at wone eegu nobat yogo logonet, Agalo eeke menggi kwak aagaluk ndak-ndak aret eeke menggerak o, yinuk, yogwe, iyaagin o.

Yowen 1:13

Kit aap Ala unde yi wae. Kinayum maluk nibinik mendek yippunuk, kiniki wakkologwe, Kit aap Ala ake warogo wogogo menggam yabu eekwi yi wae. Leenggu maakwi, Eeko logonip o. Gandum anggen yigirik ake puurak inom, anggur amburu toolak ake kiliriyak inom, Kinogoba Ala awi wurik me ambinom pi wogo logogun lek me, Kit an nogoba Ala enggaanom paga yabu eekwi yi, Kinayum maluk nibinik mendek yippunuk, Ala awi wurik me unggwogo logomonggotik, Le yogwe kiigak nogo ambit yumunggup o.

Yowen 1:8

Togop me, kolaga ambi ogonggelo imbirak awo lambumbiigaarak imbirak iniki kunik nogo, Woronogo punuk kangge kenok, purok yikut eeppunuk, aleenggu maake menggi kwak, Kit leenggu maako logonip o.

Amot 5:1

Kit Iterali mendek yi, wae. Kit eeppinagarak ndawi paga kinale ndawi an ari yi, kinaruk liirogon konenggo logonip o.

Amot 5:17

An nen inenggela'me ambi eeppiigak nagin me, Anggur yarak me time abok aret leenggu maarit nogo logogun o,” yinuk, Aliku ALA nen aret yegerak o.

Mika 1:15

Kit aakumi o Mareteya monggotak yi wae. At Ala nen aap ambi tebenogo pinagawak nduk nappi woraagin me, Iterali inoweewi inendage tiyanak nogo, ndo endage Arulam nogome kumaa'nari nagun o.

Mika 1:8

Togop aret eerigin me, an niniki puru ari logonet, leenggu maake, Niyogogut yum nggonenogo mbo punuk, nayum yirik lek nagap mbelanak nage, Mba'ngge ku agan nege menggi kwak, towe wu oone agan nege menggi kwak, an togop aret nege, Eerigin o.

Mika 2:10

It o yime it yonggonggologo logorak lek maluk eerogo pereegwaarak obeelom eerogo pigin lek pulunik aret me, mi'na'nuk nayok a!

Abakuk 2:6

It aakumi at owagam kuwak eerogo piyamenggerak nogo nen at meek eerogo pugwi, agi'ndok kanggwi, eerugun nogo lek a? Eeko logonet, At aap at amendek lek aakumi inamendek kuwak eerogo pati wage, Aakumi inamendek kolaakit nduk, oone omaawi yorage paga eenggi warak eekkolage, Eeke nogo, abuwa o! Ti eeke kagak, ne mande ari nagin o?

Tepaniya 1:2

“Yi mendek ndi mendek o nggween paga wonogwe abok aret an nen inenggaawak lek eerogo piyaagin o,” yinuk, Aliku ALA nen aret yegerak o.

Linggineegwaarak 23:18

Yoge mbareegi, at Mbileyam nen ore warak negen peebi eeriyak wone Mbalak yoge logonet, “Tipot aput Mbalak wae. An nen wone yokkege yi, karuk konengge, Liirogon wagangge, Eeke logot o.

Linggineegwaarak 23:7

Iya wage nagagerik, at Mbileyam nen ore warak negen peebi eeriyak wone nogo yoge logonet, “An puut nggelok-nggobok oonegen lagi wage menggim o Aram pa'nggwe time wonage me, Aap Mowap mendek inowe endagembogut Mbalak nogo nen, An woraawak nduk nayonggo pege logonet, Yakup pulunogo pege, it Iterali yi, pulunogo piige, Eeri mok o! Yo'negerak kwe,

Linggineegwaarak 24:15

Yoge nagagerik, at Mbileyam nen ore warak negen peebi eeriyak wone at Mbalak yoge logonet, “Peebi eeriyak wone yelok kaga,

Linggineegwaarak 24:3

ore warak negen peebi eeriyak wone ari logonet, “Peebi eeriyak wone yelok kaga, Ala nen yo'nege nogo naruk konengga, At Omaawi Lombok Menggerak nen nabinggaanggo paga yo'nege kenok, yoraga, Neebe nggween paga ngginnage logonet, kin aret kaga, Eeke minggirak an Mbeyot aput Mbileyam nogo nen Peebi eeriyak wone ambi ari agarik o.

Marakut 12:12

Yorage mbareegi, it nogo nen, “Wone eegu laarogo ti, nit niinok, ari,” yinuk, yelok kogo nogogwaarik, pigaawok nduk eereegwaarak mendek, aakumi ambik mbareegwa, inagabiti nen teppunuk nogogwaarak.

Pelaareegerak 28:29

aakumi inigen mbuk o apit paga liinggwi agan nugu mengga kwak, kit kinigen obeelom aret kwe, o liingge kagak aret liinggwi agan nugu logomunggup o. Kit ambi eekkolaawok nduk, eerumonggotak kwe, abe eya mbanogo nengga'lek kiigak, ko'lu-kii'me wi-wi eekkinakwi, kineenggime ndinggologwe, eekwi iigak, aap ambi nen kinabuwa mba'nuk yeenggwa kirogo logogun lek aret o.