Mika 2:13 - Ala Wone Peenok Peebi Mbanak

¹³ Aap yugum pak langgungga nogo kwak a'nuk, naa'nduk tu pak langgunogo punuk, wundi nage, Inowe nendagembogut Naliku ALA naa'nduk a'nuk nage neegak, nawuri nambokan wogwe, Eerugun o,” yinuk, Aliku ALA nen aret yegerak me, yokkiragi o, yoragagirak.

Mika 2:13 ပူးပေါင်းရင်းမြစ်များ

Wundeegwaarak 14:19

Yoge mbareegi, ti'nuk, it aakumi Iterali ineegin warak wogwe iigak, Ala ayonggo malayikat aa'nduk wage nogo inambokan ari nage, ndi, ndugwi aa'nduk wage nagagerak nogo kunduk Iterali inambokan ari nage, eeko nogogwaarik,

Yetaya 42:7

Aakumi inigen mbuk wonogwe nogo inigen paganogo piige, Keele maarak wonogwe nogo piinogo wumbiige, Ndi, it aakumi o apit me keele maarak negen wonogwe nogo keele piinogo wumbiya wage, Eeke logonok nduk, An panggonggake logonet, karum logogin o.

Yetaya 51:12

Aliku ALA nen ari logonet, “An o! Kiniki eyak wappinagage minggirak ti, an aret o. It kanggo menggaarak mendek iigak, inagabiti mbakwi, It aakumi nen ndarak iri'ngga kwak kwe, inagabiti mbakwi, Eekwi ti, taani o?

Yetaya 52:12

At Aliku ALA kinaame a'nuk aa'nduk wage, Iterali inogoba Ala kinage mbanit peebi aret age, Eerigin me, Kit mbet-mbet wundi wogwe, Kole mondok mbe agan wogwe, Eerumunggup lek o.

Yetaya 55:4

It aakumi inanebunu lombok abok aret ineenu aruwak nduk, an mippereegirak ti, kaawak o. An mippereegirak aakumi inarum waka yigin unde inowe at aret o.

Ndaniyen 2:44

It aap inendagembogut a'nuk wone lengganogo yorogwe ti eyom paga at mbogut unde menggerak Ala nen aap ambi aakumi abu'me piinok logowak nduk mondok-mondok omaawi lombok eerogo pigin me, aakumi nen lek eerogo pugwi, aakumi inambik nen unde eekkologwe, eerugun lek o. At abu'me piinok logowam mippemenggerak nogo nen it aakumi eegu inabu'me piinok menggam abok aret tebenogo piige, lek eerogo piige, eerigin kwe, at abu'me piinok logowam mippemenggerak ti perak, mondok aret logogin o.

Oteya 1:11

It aakumi Yekura mendek inom, Iterali mendek inom, aa'nduk iniki ambit a'nuk wonogogwa kwak, peebi iniki ambit a'nuk, inowe inarum logorak ambi leenogo mippunuk, it mbo piya namenggam nogome nen woraanuk, o yime it aret unde eeppatinuk logogun me, O Yiteren eeppuurak eyom nogo ti, mondok iya aret o, yinuk, yogo logogun o.

Oteya 13:14

Aakumi kambunuk nogo menggam omaawi pippiinok wonage me nen inagap ndarogo wumbiige, Ndi, it kanggwi iyo, an nen inili eerogo piige, Eeriyak ya? It aakumi ti, an nen inabuwa mba'nuk ambinom pegiyaagin me, Kanggo menggam ti nen kugilingga inoba nappi wage, Aakumi kambunuk nogo menggam ti nen aakumi ineebe inoorogo piyoorak omaawi nappi wage, Eeruwak o.

Oteya 2:2

At Aliku ALA nen ari logonet, “It inagalo ti, an nakwe lek o. Ndi, an kunduk at ogonggelo lek mban me, Inoone nabek togon yogwi, nabek togon yogwi, Eeko logowak o. Kwe ya wukak enete kumbunuk eerit nege nogo mbo pege, Terak wu'naka logokit, mbake nogo tayoppege, Eeruwak o.

Oteya 3:5

ti'nuk, mbo punuk, iniyokan inogoba Aliku Ala mugurok wogwe, inowe endagembogut Ndawut nogo oone konenuwok nduk, wogwe, eeko logogun o. O irip paga panggoni wage kenok, inaganak warit Aliku ALA owagam wogwe, ale'nggen inoba piyaawak nduk, yori wogwe, eeko logogun nduk, yoreegirak o.

Mika 2:12

“It Yakup mendek ti, an nen abet aret kuwak eerogo piige, Iterali mendek yumbunik nogo, abet aret ambit me piya wage, Eeke logominggirik, Ndomba kuwak eerogo anggenogona piigo mengga kwak piya wage, Ndomba kuwak aago inagari'ngga nenet nogo menggam wogoren nugu mengga kwak, wogoren nege, Eeriminggirak me, O time aakumi mban yebet aago logogun o.

Mika 3:1

Ti yorage nagagirik, wone ambinom an yorage logonet, “It Yakup mendek inoweewi kit yi wae. It Iterali mendek inarum monggotak kit yi wae. Kit a'me nggelok eeko logorak kineenu ariyak op kwe,

Mika 4:7

It inendop yilugu negen eegu yumbunik wonogwe nogo, inendop abe awi wiganggo logowak nduk, eerogo piige, Ndi, it aakumi wumbiyareegwaarak nogo, inanebunu wakaa'ngget lombok logowak nduk, eerogo piige, Eeke logominggirik, Naliku an ALA nen aret puut Tiyon paga logonet, inowe nendagembogut a'nuk, Ne ti paga nen nok, mondok-mondok wone lengganogo yorage logogin o.

Takariya 10:12

Naliku ALA an aret me, an napuri inomaawi eeppiige neenok, An nendage kumbunuk, inale'nggen paga eerit nogo logogun o,” yinuk, Aliku ALA nen aret yegerak o.

Iberani 6:20

Ndi, at Yetut nogo ti, aap Meliketerek eeke nagagerak nogo pogom, Ala unde ninowe nggwok mondok-mondok logowak nduk, mippereegerak me, nit peebi unggwi nawok nduk, at aa'nduk ninake tu yarit unggwi nagagerak wonage o.

Yotuwa 3:6

Yorage nagagerik, it aap Ala unde nogo yorage logonet, “Wone yugu Ala aloobut mbanak me yonggolak nogo, eewu'nuk wonok kinaa'nduk yi enebaga wunda namunggup o,” yinuk, yorage mbareegi, Ala aloobut mbanak nogo eewu'nuk wonok inaa'nduk wunda woraawok nduk, eekwi iigak,

Wayu 17:14

Ndomba Aagaluk nogo tebenogo puwok nduk, inom wim nggagambunuk namburit namenggaarak kwe, Ndomba Aagaluk nogo ti, aakumi inoweewi inowe inom, ndi, yi aap ndi aap inendagembogut inowe endagembogut inom, ti, at alik aret me, apuri miirinake nagagerik, yonggo piyareegerak inom liirogon eerit nogwe nogo, inom wunggo logonet, nggeewo awuri inom tebenogo piyaagin o,” yinuk, yo'nege kagarak.