Mika 1:6 - Ala Wone Peenok Peebi Mbanak

⁶ “Togop aret me, an nen o Tamariya yigirik-noonom eerogo pege, Eyo anggur yariyak negen eerogo pege, It inayugum langgunogo o kobappaga yagabit eerogo mbo wuppege, At anggween alom wurabak nogo, kin eerogo pit nage, Eerigin o.

Mika 1:6 ပူးပေါင်းရင်းမြစ်များ

2 Tamuwen 17:13

Ndi, eebe waka'lek o kota ambime mbaganit unggwi nage kenok, nit Iterali mendek abok aret nen keele waganogo yugum o wurik ti, mbarembunuk nikkenok niyoome pi nogwe niinok, yugum mbuuluk ambi o time logogin abu lek aret o,” yinuk, yoreegerak.

2 Endagembogut 18:10

unggwikit nduk wakkagak mban eeke kagak, tahun kenagan eereegerak. At Kitikiya endagembogut wonage kagak, tahun 5 eeppunuk, ambi eeke, ndi, aap Koteya Iterali inowe endagembogut wonage kagak tahun 8 eeppunuk, ambi eeke, eekwi ti eyom paga o Tamariya tebenggolage nagagerik,

2 Endagembogut 18:9

Ndi, aap Ela aput Koteya nogo, Iterali inowe endagembogut wonage kagak, tahun 6 eeppunuk, ambi eeke, ndi, aap Kitikiya inowe endagembogut wonage kagak tahun 3 eeppunuk, ambi eeke, eekwi iigak, at Atiyut inowe endagembogut Talamanetet nen o Tamariya tebenggolaakit nduk, wage nagagerik,

2 Endagembogut 19:25

At eerit nage ti, awo eeka'lek kagak Maan togon Aliku ALA nen punogo piige, O aa'nduk togon at eeke logorak koonogo piige, Eereegerak kwe, At liippega'lek agaarik ya? Aliku ALA nen koonogo pereegerak ti, O yogondak aret a'me nggelok ari logonet, Kota-kota yugum pak wurik me Langgunogo pegerak kalo logonak wonage,

Yetaya 17:1

O Ndamitik mendek eeppiyoorak abinggaanggo paga Ala nen yoreegerak nogo yi aret. “O kota Ndamitik abe wonage menggi kwak logogin lek o. Ata, o mi-mi aago logonak aret wonage kaagun o.

Yetaya 25:12

Yugum pak tiyarogon wurogo pereegwaarak nogo langgunogo wuppege, Yanggunik-panggunik eerogo o nggween paga wuppunuk, liirubu aa'ngga eerogo pege, Eerigin o.

Yetaya 25:2

O kota nogo yigirogo pegendak yugum kalo logonak wonage. O kota yugum pak wurik wonage nogo yigirik-noonom eerogo pegendak o. Ndi, it aap inendagembogut inawi abe nggwok it aap inambik nen wurogo pit nogogwaarak nogo, muk lek eerogo pegendak me, Wuka'lek mondok togop aret logogin o.

Yeremiya 31:5

O Tamariya puut-puut teberogon paga time aa'nduk anggur awi yako nogogutak kwak, ambinom yakwi, Kit aap yabu eeka nen awi yappunuk, anggen mbanogo kinale'nggen paga nunggwi, Eeko logomunggup o.

Yeremiya 51:25

“At o Mbaben ti, puut nen aakumi aambiranogo piige menggi kwak aakumi o nggween paga abok aret lek eerogo piiga nawim aret me, At lek eerogo pikit nduk, an neenggi titik ege, Puut paga nen yugum langgunogo nappogo mengga kwak eerogo pege, Puut kani wunuk ari nagaatik noguk ari menggi kwak eerogo pege, Eerigin o,” yinuk, at Aliku ALA nen aret yegerak me yokkigi o.

Yeremiya 51:37

O Mbaben ti, langgu-langgu aago kagak wonage, Mba'ngge kumaarak logowam age, O time aakumi lek inamineeri ne agan nage logowam age, Aakumi meek eerogo pogo logowam age, Eerigin o.

Yeremiya 9:11

At Aliku ALA nen ari logonet, “O Yerutalem ti, an nen o langgu-langgu aago nigabak negen eerogo pigin me, Nggeewo owo iname ari unggwogo logogun o. Ndi, o Yekura kota-kota ti kunduk, o owak mbanak aret eerogo pigin me, Aakumi inawi time logogun lek aret,” yegerak o.

Leendawi 4:1

Mbuti emas abinak pindan-pindan eeke nogo lek age, Mbuti emas at mendek mban wonage nogo abinak lek arit wangge, Yi yugum ndi yugum onggo nggwok Ala awi wurik me menggerak nogo, tu paga ugun mbo pit nogogwaarak wonage, Eereegerak yi, ao!

Yetikiyen 13:14

Nggabok anggup paga yugum yagat wukaarak ndengganogo nggween paga pi wangge neenok, yugum ogowa pugu kin aret arigin o. Wangge logonet, ineebe akem time wonogwe nogo abok inoorigin o. Ti eeke neenok, Naliku ALA an aret ineenu arugun o.

Amot 5:11

It aap ambi eekkoloorak meek mendek nogo wi-wi aganako logonet, inambi gandum anggen mbanak nogo ndinogo waganggwi, Eeko monggotak o. Togop me, kinawi nggwok yugum abe amuni mbanak paga wurumonggotak kwe, o time ye mbanggola unggwogwe, Anggur awi yarumonggotak abe mili kwit agan laganemenggerak kwe, amburu toologo nunggwi, Eeko logomunggup lek o.

Amot 6:8

At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.

Mika 3:12

Togop aret yogo monggotak me, o Tiyon ti, yabu kabunogo nippit nogo mengga kwak age, O kota Yerutalem ti, nggween yigirik-noonom eerak logonak negen age, Ndi, puut Ala awi wurik menggim ti, alok-palok mban kunogo pege, Eerigin o.

Abakuk 3:13

Kat kapuri inagap ndariyak nduk wundi wage, Kapuri leenogo piyareegindak nogo, inagap ndarikit nduk wage, Eeke logonet, It aap maluk eeko menggam wonogwe inowe nogo, aan lebenogo pege, It at awuri inom nege abok aret lek eerogo piige, Eereegindak o.

Matiyut 24:2

at Yetut nen it yorage logonet, “O yayi wurik wonage abok aret kinigen kogwe ilik lek a? Yugum ambi oba lu'luk aago logorak lek o. Abu tigitogon langgunogo nappugun o, yinuk, abet aret yokkiragi o,” yoragagerak.