Mika 1:3 - Ala Wone Peenok Peebi Mbanak

³ At Aliku ALA nogo abet aret at menggim nen wundi wage, Wambi wa'nuk, puut-puut paga iyok pit wage, Eeke agaarik o.

Mika 1:3 ပူးပေါင်းရင်းမြစ်များ

Ayup 40:12

Iniki tiyappakwi nogo tebenogo patuwak nduk, kenegen loolo irage, Aap maluk eeka wonogo menggam aan lebenogo piige,

Ndawi 115:3

Nit ninogoba Ala ti, mbogut paga wonage, At eeriyak mbake nogo aret eerit nage, Eeke menggerak kwe,

Yetaya 25:10

At Aliku ALA nen puut Tiyon yi, eenggi omaawi paga pipporogo logogin kwe, It aakumi Mowap mendek perak, Wam inambi larak nunggo logonet, it inaan wurik iniyok aambiranogo pako mengga kwak togop aret eerogo piyaagin o.

Yetikiyen 3:12

Yo'nege mbareegi, at Aberiniki nogo nen an tiyappanege kagagirak o. Tiyappanege mbareegi, nambokan nen inoone nggwok alik negen agan wogwe naruk konengge neegak, “Aliku ALA menggim nen endage tiyappogo logowok o,” yinuk, yogwe iyareegirak.

Amot 4:13

At puut-puut ogobakkigirogo pit wage, O wiya warit wage logorak eerogo pege, At iniki mbake nogo aakumi kin paga yorage, O weeruwak nduk, eerogo punuk, o kiip eerogo pege, O nggween paga yime puut-puut tiyarogon time iyok pit nage, Eeke menggerak endage ti, Omaawi Lombok Menggerak Aliku Ala aret o.

Amot 9:5

At Omaawi Lombok Menggerak Aliku ninogoba Ala nen o nggween yi, mbaanggage kenok, nuk-nuk eeke, It aakumi o nggween paga menggaarak abok aret nen le yogwe, Niyo Nin wuke, ti'nuk, niyo Metit poro agan wangge, eeke menggi kwak, o nggween abok aret yi, togop aret eeke,

Abakuk 3:19

An nomaawi ti, at Aliku Itok Menggerak nogoba Ala aret. Rusa iyok teeluk me, ya pegak nda pegak nege menggi kwak, an niyok togop aret eerogo panege, Puut-puut tiyarogon niyok pit nage logokit nduk, eerogo panege, Eeke menggerak o. Ndawi pugu yi, nggitat eekwi iigak, tiyanggo logowak nduk, inowe wogoreegwaarak.

Takariya 14:4

Ne ti paga at iyok o Yerutalem oonegen wundi wage menggim pa'nggwe puut Tayitun paga pi wambi wage kagak, puut Tayitun ti, oonegen wundi wage menggim pa'nggwe nen nok, oonegen kilu yi nage menggim pa'nggwe nggoguk ari mbaremenggi, puut peenok nggaganak langgo narok o omarip paga pa'nggwe ari nage, peenok nggaganak nogo langgo narok o ame pa'nggwe ari nage, eeke kagak, oolo time kobak kole aret nonggologo pigin o.

Pelaareegerak 32:13

Wogoren wage logonet, Puut-puut lagit nugu logowak nduk, unde wonogwe, Yi mendek ndi mendek yabume yarak anggen mbanogo nenet nogwe, Nggiin amburu yugum enoona nen toologo nunggwi, Eyo tayitun puut paga wundit namenggerak amburu tookkologwe,

Pelaareegerak 33:29

Togop aret me, kit nowe-nawot Iterali mendek yi wae. Kinogoba Ala nen kit kinagap ndareegerak ti kwak, Aakumi inanebunu lombok inagap ndareegerak togop ambi ngge mbakop? Lek aret me, at Aliku ALA nen yeenggwa kirage logonet, Kinanggeemu pogom age, kinawooluwak ngget nggabonak negen age, Ee'nuk, kinom nogwe me, Kinawim kinabu'me yik-pik ari wogwe iinok, Kiniyok aan lebenogo piigo logomunggup me, Kinale'nggen aret mbako logomunggup o,” yinuk, yoragagerak.