Mika 1:2 - Ala Wone Peenok Peebi Mbanak

² At Aliku kinogoba Ala awi alik leenak menggim logonet, “Ndogop eekwi kiigirak o,” yinuk, yokkiraawak nduk, Kit yi aakumi ndi aakumi abok aret yi wae. Kinaruk konenggwi, O nggween inom, o nggween paga wonogwe inom, abok aret yi wae. Kinaruk liirogon konenggwi, Eeko logonip o.

Mika 1:2 ပူးပေါင်းရင်းမြစ်များ

1 Endagembogut 22:28

Yorage mbareegi, at Mika nogo nen, “Kat wim eeri nage logomenggendik, kiyokan obeelom aret wage keenok, an yokkigirak yi, At Aliku ALA nen yorulik kagak yo'negerak, mbarumunggun o.” Yoge nagagerik, “Kit aakumi apit yi wae. An yagarak ti, liippinip o,” yinuk, yoragagerak.

2 Mbinineegwaarak 18:27

Yorage mbareegi, at Mika nogo nen, “Kat wim eeri nage logomenggendik, kiyokan obeelom aret wage keenok, an yokkigirak yi, At Aliku ALA nen yorulik kagak yo'negerak, mbarumunggun o.” Yoge nagagerik, “Kit aakumi apit yi wae. An yagarak ti, liippinip o,” yinuk, yoragagerak.

Ndawi 11:4

Aliku ALA nogo at awi wurik alik leenak menggim nogome wonage, Ndi, Aliku ALA ti, wone lengganogo yorage menggim mbogut paga kwindak wonage, Eeke logonet, aakumi abok aret enegen wogonake, It eekwi nogo at enegen liippiige, Eeke menggerak.

Ndawi 24:1

At Aliku ALA nen Niyo yenggenak abena kagak, Nggween ogumbaga ndoonogo pege, Niyo nage irimbaga nu'lek eerogo pege, Eereegerak me, Nggween inom, yi mendek ndi mendek nggween paga wonage abok aret inom, Aliku ALA unde wonage. O nggween yi inom, yi aakumi ndi aakumi nggween paga wonogwe abok aret inom, At mban unde wonage, Eeke menggerak o.

Ndawi 28:2

“Yeenggwa niru o,” yinuk, noone nggwok yokkege, Mage Lombok Menggim pa'nggwe neenggi nappege, “Nabuwa mbaru o,” yinuk, tamban eeke, Eeke neegak, Karuk konengge logot o.

Ndawi 50:1

At Omaawi Lombok Menggerak Aliku Ala oone ari, Oonegen lagi wage menggim nen nok, o kilu yi nage menggim kuli It nggween paga yime menggaarak nogo wiirage,

Ndawi 50:12

O nggween inom, Yi mendek ndi mendek ogobakkigirik nggween paga wonage abok aret inom, Ti an unde aret me, An mbi abu nen nggino yokkiroorak lek aret o.

Ndawi 50:7

At Ala nen ari logonet, “Kit an napuri yi wae. An Ala aret me, Wone yokkirage yi, kinaruk koneninip o. Kit Iterali yi wae. An kinogoba Ala aret me, Kinaruk konenggwi kiigak Kit eekwi kiigirak nogo yokkiraagin o.

Kini Wuppiige 8:4

Kit aap yi wae. An noone nggwok yokkirage, Kit aakumi abok aret noone tiyarogon yokkirage, Eeke logonet,

Yetaya 1:2

Kat mbogut yi wae. Karuk konengge, Kat nggween yi wae. Liippege, eekwi kiigak, Aliku ALA nen yegerak nogo yi o. “Napuri an nen ndegeninake, tawe eeginake, eeke nagagirak kwe, It an noone konembunuk eeriyak ineebi nombako agaarik o.

Yetaya 18:3

Kit aakumi o nggween paga wonogwe yi, wae. Kit aakumi yi awi ndi awi monggotak yi, wae. Ndiimbu walok eeka puut-puut paga tiyappugwi iinok, kinigen kogwe, It aap oone nggwok eeka trompet oone pu eekwi iinok, kinaruk konenggwi, Eerumunggup o.

Yetaya 50:7

At Aliku Itok Menggerak ALA nen yeenggwa nege me, nendage maluk aga'lek aret agarik o. Yugum nu'lek menggi kwak an mondok nogogumbuk nu'lek logokit nduk eekkolagarak me, Nenggali arigin lek neenu aret agarik o.

Yeremiya 22:29

Kat o yi, wae. O yi, wae! O yi, wae! Aliku ALA nen ari yi, karuk konengge logot o.

Yeremiya 29:23

It aap mbere ti, Iterali inenggela'me wonogo logonet, eeriyak lek mendek eerit nugwi, it inoreewi inakuwi aret kwe, kagak wuginakwi, ndi, an nen wone yoroolik neegak nendage kunogo inoone pilit agan nugwi, eeko menggaarak nogo an neenu wonage, ndi, yorogwe nogo nenegen iige, eeke minggirak me, it togop aret eerogo piyaagin o,” yinuk, Aliku ALA nen aret yegerak me, liiru yi mbanggiragi o, yinuk, liiru mbanogo nappiyareegerak ti aret.

Yeremiya 42:5

Yorage mbareegi, it nen Yeremiya yogo logonet, “Wone kat kogoba Aliku Ala nen, Yoret o, yokkege kenok, nit yo'nirage nogo liirogon eeka'lek niinok, at pilit lek abet aret ari, liippunuk ndak-ndak ari, eeke menggerak Aliku ALA nen enegen wo'ninake logowak o.

Yeremiya 6:19

It aakumi o nggween paga wonogwe ti, inaruk konenggwi, Eeko logowak o. It an napuri yi wone ndi wone yoragatak nogo liirogon konengga'lek taganogo pugwi, Eeko logorak wone yoragatak nogo mbo pugwi, Eeko logonet, Iniki koonogo punuk eerit nugwi paga an nen aaninggin mondok nggwok lombok it aakumi ti, inoba pege agarik o.

Yunut 2:7

An niniki abu woroniyak ee'nake kagak Kaliku ALA koba abekkake, An tamban eeke nogo noone ndayo-ndayo karuk me unggwi nage, Kat kawi wurik alik leenak nogome ari unggwage, Eekerak o.

Yunut 2:8

It inagugiwak we aanom warogo kagak, pippatinuk, eerit nugwi ti, Kat inabuwa nen obeelom eeppiyoorak nogo, it mbo pugwi kwe,

Abakuk 2:20

Togop kwe, at Aliku ALA perak, at awi wurik abu alik leenak menggim time wonage me, Kit aakumi nggween paga wonogwe abok aret at enggaanom paga kinoone lek puk aret logonip o.

Maleyaki 2:14

Eeko logonet, Alom nano eekoorak paga eeki o, yinuk, yogo monggotak nogo alom an yokkira o. Kit awo tawe logonet, kinakuwi kinom lambumbinagagwi eyom ti paga Aliku ALA enggaanom, Nit yogop eeko logowok o, yinuk, kinoone yereegutak nogo, yogondak kinakuwi kinom lambumbinagareegwaarak kinoreewi aret iigak kwe, kinoone yereegutak nogo ndak-ndak liirogon eeka'lek taganogo mbo pugwi nogo, Aliku ALA nen kiyareegerak me, alom ti paga eeppinagage agaarik o.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Pelaareegerak 32:1

“Mbogut yi wae. An wone ambi ari me, karuk logot o. Nggween yi wae. An noone ari neegak, konengge logot o.

Wayu 2:11

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o. Ndi, it aaninggin-paaninggin nogo mendek abok aret inoba age kwe, kagak, Ala wone mbo pega'lek mondok inogogumbuk logonet liirogon mugurok nogwe iinok, ne mbere paga kambugun lek o, yinuk, wone yi yagarak nogo abok aret at malayikat Ala apuri o Timirina kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 2:17

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok liirogon aret konenggo logowak o. It Ala wone mbo pega'lek nu'lek porogo logonet liirogon mugurok nogwe iinok, mbi mbogut paga mendek kumaarak wonage nogo wogorage, ndi, it waamenggaarak nogo mban ineenu logowak nduk, inendage ngget toonogo yugum yanggwi negen lan ari nogo paga liiru mbanogo wogorage, eerigin o, yinuk, wone yi yagarak nogo abok aret at malayikat Ala apuri o Peragamut kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 2:29

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o, yinuk, wone yagarak nogo abok aret at malayikat Ala apuri o Tiyatira kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 2:7

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o. Ndi, it Ala wone mbo pega'lek, iniki nu'lek porogo logonet, liirogon mugurok nogwe iinok, eyoonggen aakumi ineenik eeginake menggerak Ala eyabu me wonage nogo, It noorak op aret yoraagin o, yinuk, wone yi yagarak nogo abok aret at malayikat Ala apuri o Epetut kuwak eekwi inarum menggerak nogo nen apuri yoraawak nduk, liiru mbanogo nappu o.”

Wayu 3:13

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o, yinuk, wone yagarak nogo ti, abok aret at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 3:22

Aberiniki nen it Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o, yinuk, wone yagarak nogo ti abok aret at malayikat Ala apuri o Laworikiya kuwak eekwi inarum menggerak nogo nen apuri yoraawak nduk, liiru mbanogo nappu o,” yinuk, yo'nege kagarak o.

Wayu 3:6

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o, yinuk, wone yagarak nogo abok aret at malayikat Ala apuri o Taririt kuwak eekwi inarum menggerak nogo nen apuri yoraawak nduk liiru mbanogo nappu o.”

Owak Loongga 11:10

Yorage mbareegi, it nen at yogwi, “Nit yogwe niigak, at Aliku ALA aruk konenggerak me, kat yo'niragandak nogo ti, ndak-ndak aret eeppagagun o.”