Mika 1:13 - Ala Wone Peenok Peebi Mbanak

¹³ Kit Lakit monggotak yi wae. Iterali maluk eerit nogwe iinok, kit iyaalok pigaganeegutak paga O kota Tiyon Aagaluk nogo maluk eeke mamunggolagagerak me, Kinaguda nggweendo wim eeka nogo paga keele mbarenogo pinip o.

Mika 1:13 ပူးပေါင်းရင်းမြစ်များ

Wakkagagerak 19:17

Endekem wumbiya nogo nogogwaarik, Ala ayonggo malayikat ambi nogo nen it yorage logonet, “Kit kinoorukwak me, mbet-mbet nanip o. Nogo logonet, kinambo'me perak, kina yunggunogo na'nari wagak, kobappaga taati puk agak, eerugup o. Ata, kinom lek eerogo pinagukwak, nugwa puurom agi time aret lagi nanip o.”

1 Endagembogut 14:16

At Yerobeyam nen maluk eerit nage paga it aakumi Iterali mendek maluk eerit nogwe me, Aliku ALA nen it Iterali mbo piyaagin o,” yinuk, yoreegerak.

1 Endagembogut 16:31

At Omiri aput Akap nen aap Nebat aput Yerobeyam maluk eeke nagagerak nogo, eerit nage logonet, “Abu eeki,” mbaka'lek aakumi Tiron mendek inowe endagembogut Etebaan aput kolaga Iteben nogo wagangge, kugi Mba'an mugurok nage logonet alut eeke, eeke nagagerak.

1 Endagembogut 4:28

At Talomo aanggumi kuda kwi'na'nuk nega inake inom, kuda nggweendo nikkenok nega inake inom, “Iri'ngga yogop mbaninuk wogo logonu o,” yugu nogo ndak-ndak aret waabuk negen jelai anggen inom, owak inom, wonok,“Ndime pi wogo logonu o,” yugu nogome aret pi wogo nogogwaarak.

2 Endagembogut 14:19

At Amatiya nogo o Yerutalem wonage me, inom eeko menggaarak nen iniki ambit eeppunuk, waruwok nduk, wone mbanggo mbareegwa, at kole mbaganit o Lakit nagagerak kwe, waruwak nduk, inawuri time nappiyareegwaarak mugurok aret nogo nogogwaarik, time aret wareegwaarak.

2 Endagembogut 18:17

Ndi, at aap Atiyut inowe endagembogut nogo, o Lakit nen aap ineegin warak inowe inom, aap endagembogut awi arum waka inowe inom, aap endagembogut wonok nega inowe inom, awuri ineegin warak ambik aret inom, aap endagembogut Kitikiya o Yerutalem wonage me nappiya wage mbareegi, o Yerutalem wogo nogogwaarik, tu Yum Kooko Menggam Nogo Menggam niyo yenggenak irimbaga niyo mbininik me time ari wa'nuk, logonet,

2 Endagembogut 8:18

At Yekoram nogo Akap apuluk kolaga waganeegerak me, aap Akap paga wiganak eeko nogogwa kwak, it aakumi Iterali inoweewi inendagembogut maluk eerit nogo nogogwaarak nogo ndak-ndak, at Yekoram kunduk Aliku ALA enegen kagak, togop aret maluk ambik eeke nagagerak.

2 Mbinineegwaarak 11:9

Arorayim, Lakit, Ateka,

2 Mbinineegwaarak 32:9

Ti eeppunuk wonogwe me, at aap Atiyut mendek inowe endagembogut Tanerip awuri ineegin warak inom o Lakit tebenggolaawok nduk, eeko logonet, aap at inom eeka nogo o Yerutalem nanuk, it Yekura mendek inowe endagembogut Kitikiya inom, aakumi Yekura mendek o Yerutalem wonogwe abok aret inom, wone yoraawak nduk, eerogo nappiige logonet,

Ayup 39:10

Eyo nggween kabungga nikkenok nogwe, Ti'nuk, nggween amok mbanit nogwe, Eeruwak nduk, Inenggaanok paga keele maarogo piige,

Wundeegwaarak 32:21

Wogorage nagagerik, Muta nen Karun mberege logonet, “It aakumi yi nen nano eeppagagwi iinok, it maluk nggwok lombok eeruwak nduk, E, yagandak?”

Yetaya 10:31

It o Maremena wonogwe nogo kole mbaganit nogwe, It Nggebim wonogwe nogo muk aago mbaganggwi, Eeko agaarik o.

Yetaya 36:2

Tebembunuk, at aap Atiyut inowe endagembogut nogo, o Lakit nen aap endagembogut wonok nega inowe awuri ineegin warak ambik aret inom aap endagembogut Kitikiya o Yerutalem wonage me nappiya wage mbareegi, o Yerutalem wogo nogogwaarik, tu Yum Kooko Menggam Nogo Menggam niyo yenggenak irimbaga niyo mbininik me time ari wogo mbareegwa,

Yetaya 37:8

Ndi, at aap wim eeka Atiyut mendek inowe nogo nen, “Aap Atiyut inowe endagembogut o Lakit nen wunggerak o,” yogwe nogo aruk konembunuk, ame nage nagagerik, aap endagembogut it Libina mendek inom wim nambuke me, ka nagagerak.

Yeremiya 3:8

Ogonggelo mbo punuk ugun-ugun eerit nage kenok, Kwe yi mbo pigi o, yinuk, liiru mbanogo wogo'nuk nappogo mengga kwak, it ugun eerit nugwi Iterali nogo togop aret mbo piyareegirak o. Iterali ugun eerit nugwi inawuluk Yekura nogo nen enegen iyareegerak kwe, agabiti mbaka'lek wundi nanuk, togop aret ugun-ugun eerit nege kagagirak o.

Yeremiya 34:7

Ne ti eyom paga aakumi Mbaben inowe endagembogut awuri ineegin warak nogo nen o kota-kota tebenogo piiga'lek ko wappunuk wonogwe kota Yerutalem inom, o Yekura kota-kota yugum pak abu alik negen wurik wonage nogo ando tebenogo piyareegwaarak kwe, kota Lakit Ateka imbirak awo tebenogo piiga'lek wonogwe nogo inom, tebenogo piyaawok nduk eekwi ti eyom paga aret yori nagagerak.

Yeremiya 4:29

It aap wim eeka kuda paga wogwe inom, it aap ineegin warak inom, Ineebe apit aago wogwe inoone inaruk konenggo logomenggaarik, It yi kota ndi kota wonogwe nogo mbo punuk kole mbaganit ando eyoongga inikime unggwit nogwe, Ando puut-puut yugum paga lagit nogwe, Eerugun me, Yi kota ndi kota aakumi logogun lek o wuum lu agan nage logogin o.

Yetikiyen 23:11

At eeppereegerak ti, awuluk Okoliba nogo enegen kagagerak kwe, oweeluk eeke nagagerak mbuuluk negen kagak, awuluk perak, abu nggwok lombok iniki nenet nage, ya wukak lombok eerogo patit nage, eeke nagagerak.

Mika 1:5

Ti apit eeke nogo ti, at Yakup nen Ala wone taganogo pereegerak paga, Iterali paga wiganak inomaluk paga, aret eeke agaarik o. At Yakup nen Ala wone taganogo pege menggim nogo ngge o? Lek o. O Tamariya aret nogo lek a? Ndi, it Yekura mendek inomaluk eeko menggam tiyarogon nogo ngge o? Lek o. O kota Yerutalem aret nogo lek a?

Yotuwa 10:3

Inagabiti mbako nogogwaarik, aap endagembogut o Yerutalem mendek Aroniterek nogo nen aakumi Keboron mendek inowe aap endagembogut Kokam inom, aakumi Yarumut mendek inowe aap endagembogut Pireyam inom, aakumi Lakit mendek inowe endagembogut Yapiya inom, aakumi Egolon mendek inowe endagembogut Ndebit inom, yorage logonet,

Yotuwa 15:39

Lakit, Mbotakat, Egolon,

Wayu 2:14

Togop aret yogwe iigirak kwe, mbuuluk ambi ninggin eekwi iigirak nogo perak, yoraawak nduk, yoriyak, yokkiri o. It aakumi Iterali mendek nen Ala wone mbo punuk kugi aanggo warak nunggwi, ndi, kumi we ugun-ugun wurinabit nogwe, eeko logowak nduk, at Mbileyam nen aap Mbalak mamunege mbareegi, aap Mbalak nen Iterali mendek mamuniragagerak wone nogo, it Ala apuri o Peragamut wonogwe ando nen wone ti, mugurok nogwe,

Wayu 2:20

mbuuluk ambi ninggin eekwi iigirak me, yoraawak nduk, yoriyak, yokkiri o. Kwe Iteben nogo nen, An Ala wone yorage minggirak mendek aret o, yinuk, an nayeloman mini ineebe ambik nomoniren nage logonet, kumi ugun-ugun wurinabit nogwe, ndi, kugi aanggo warak nunggwi, eerit nogo logowak nduk, mamunirage kagak kwe, mberega'lek, Op aret o, yinuk teppugwi iigirak me, abu neebi lombok ee'nake kenok yagi o.