Matiyut 9:6 - Ala Wone Peenok Peebi Mbanak

⁶ Ala nen an aap aret nda'nagagirak nogo nggween paga aakumi inomaluk lek eerogo piyoorak unde mippaneegerak kineenu arubagip nduk, yogirak me,” yinuk, yorage nagagerik, aap eenggi-iyok nggunanak nogo yoge logonet, “Mi'na'nuk, kat nogo yege menggendak ndoonak ti, ko'nok, kame nak o.”

Matiyut 9:6 ပူးပေါင်းရင်းမြစ်များ

Yetaya 43:25

An o. An Ala aret me, an lombok nen inomaluk lek eerogo piige, Inomaluk eekaarak nogo an abeke lek nami age, Eeke minggirak o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Matiyut 8:20

Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Matiyut 9:2

aap ambi eenggi-iyok nggunanak me, at nogo yege menggerak nogo paga aret eewu'nuk, Yetut owagam pi wogo mbareegwa, at Yetut nen it iniki at abet ombakwi yelok iige nagagerik, aap eenggi-iyok nggunanak nogo yoge logonet, “Naput wa! Komaluk nogo lek eerogo pagagirak me, kiniki kwi'ndak logot o.”

Matiyut 9:5

Komaluk lek eerogo pagagi, yoriyak ti, iya ilik, Mi'na'nuk, nege logot, yoriyak ti, iya a? Kit yinip nda!

Matiyut 9:7

Yoge mbareegi, aap nogo mi'na'nuk, ame aret nagagerak.

Marakut 2:10

Ala nen an aap aret nda'nagagirak nogo nggween paga yime aakumi inomaluk lek eerogo piyoorak unde mippaneegerak kineenu arubagip nduk, aap yi yogirak me,” yinuk, yorage nagagerik, aap eenggi-iyok nggunanak nogo yoge logonet,

Marakut 2:7

“ Aap yi, nonggop nduk togop yigi mbakop? Nit maluk eekwi lek eerogo pinanege menggerak nogo, at Ala nen mban eeke nogo lek a? Togop aret kwe, Ala miyuk-meya agago pege yi, wologwe!”

Lukat 5:21

Yoge mbareegi, it aap Ala wone liiru mbanak unde nogo inom, it aap Pariti inom, nen iniki mbako logonet, “Aap Ala miyuk-meya eerogo pege yi ta mbakop? Nit maluk eekwi at Ala nen mban lek eerogo pinanege menggerak nogo lek a?” yinuk, mbareegwaarak.

Yaya 10:28

Mu'neren wogwe iinok, an mondok-mondok ineenik eeginake minggirak me, it kobak arugun mondok lek o. Ndi, aakumi nen kunduk, an neenggi me ndininabugun mondok lek mban.

Yaya 17:2

An kaput, yi aakumi ndi aakumi abok tigitogon unde logonet, aakumi wo'nereegindak nogo mondok-mondok ineenik eeginabikit nduk, mippaneegindak o.

Yaya 5:27

Aput an aap aret nda'nagagirak me, aakumi inowak loonogo maluk onggo eeppiyoorak nogoba nen awone kili'nereegerak o, yinuk, mondok abet aret yokkiragi o.

Yaya 5:8

Yoge mbareegi, Yetut nen at yoge logonet, “Wulaga! Mi'na'nuk ndoonak nogo yege menggendak nogo ko'nok nak o.”

Nappiigak 5:31

Mippege nagaarik, kit kinowe endagembogut kinagap ndaka at eenggi abe'nggan logonet, kit aakumi Iterali mendek maluk eeko monggotak kiniki koombunuk mbo pugwi kiinok, kinomaluk lek eerogo pinagawak nduk tiyappegerak aret o.

Nappiigak 9:34

Kage nagagerik, Peterut nen at yoge logonet, “Eneyat wae. Yetut Keritut nen obeelom eekkakerak me, mi'nage logomenggendik, ndoonak windak menggendak yunggunggolet o,” yinuk, awo yoge kagak, mi'nagagerak.

2 Korindut 2:10

It aakumi maluk eeppinagagwi nogo kit nen inomaluk mari eerogo mbo pugwi kiinok, an kunduk, inomaluk mari agago mbo pege logogin o. Ibilit nen eeriyak koongge menggerak nineenu me, nit nen aap ambi omaluk aberak wonogwe niinok, Ibilit nen, “Nanonggwan aga o,” yinuk, niniki nggagani wage menggerak me, maluk eeppaneegerak mari eerogo puurak, “Ambi wonage ilik, lek a,” ti, liirogon an neenggo'lek kwe, “Wonage negen aret,” mba'nuk, kinake aret Keritut enggaanom paga paganogo punuk mari eerogo mbo pereegirak.

2 Korindut 5:20

Togop kenok, nit Keritut obaane'me oone wonok yoranet nugu logowok nduk, mippinaneegerak logonet, Keritut eereegerak ti paga, “Ala kinom ogoorak logorak lek o. Kinom lambuninip o,” yinuk, Ala nen oone nabek togon yokkirobogom nit aret yokkirogo ogoorik o.

Epetut 4:32

Mbo punuk, kinom nabuwa-kabuwa eeko logonet, kiniki yanggonak paga at ambi obeelom eeppegak eeko logonip o. Keritut eereegerak nogo paga Ala nen kit kinomaluk lek eerogo pereegerak nogo ndak-ndak, kit-kit aret maluk eekkologomonggotak nogo, mari eerogo mbo pogo logonip o.

Kolote 3:13

yeenggwa-yeenggwa eekwi, eeko logonet, at ambi nen at ambi omaluk mari eerogo pegak eeko logonip o. Kit kinore ambi nen maluk eeppinagage kenok, ninowe nen kit kinomaluk mondok lek eerogo pereegerak nogo ndak-ndak, kit togop aret at maluk eeppinagage nogo, mari eerogo mbo pogo logonip o.