Matiyut 9:38 - Ala Wone Peenok Peebi Mbanak

³⁸ at anggen yugu unde menggerak nogo nen aap anggen yugu mbani noorak nappiyaawak nduk, yogo logonip o,” yinuk, yoragagerak.

Matiyut 9:38 ပူးပေါင်းရင်းမြစ်များ

Ndawi 68:11

Ninogoba nen, “An noone yi, wonok nanip o,” ari kenok, Kumi ambi aago ineebe ambik lombok nen wone ti yoranet nogwe,

Ndawi 68:18

Kaliku nogoba Ala wae. Kat agi tiyarogon lagi nage logonet, It aakumi keele maarogo piirogo wonogwe nogo, Apit aret ndiniren lagi nage mbareegin, Aakumi nen inamendek onggo lek we aret wokkugwi, It aap kat koone ineebi mbaka nogo kunduk, Inamendek wokkugwi, Eereegwaarak me, It ti, kinom aret logomunggun o.

Yeremiya 3:15

Piya wage logominggirik, ndomba ndegeninaka kwak it aap abe an niniki mbake ndak-ndak ndegeninako logowak nduk, mippiyaminggirak ndegeninako logonet, yi wone ndi wone ineenu eeppiigwi, Wone alom yogop o, yinuk, liippuwak nduk mamunirogwe, eeko logogun,” yegerak o.

Mika 5:7

Singa ndiimbu-nggwiya eyonggaame mendek inenggela'me wonage menggi kwak, Singa awooluk kambin-ndomba inenggela'me unggwi nanuk, Yimbik togon eerogo nappiige, nibinik-ndelenak eerogo nenet nage, Eeke me, Ambeme nen ndiniyak meek menggi kwak, At Yakup mendek ando yumbunik nogo, togop aret aakumi inanebunu lombok inenggela'me wonogwe, Yi aakumi ndi aakumi ambik inenggela'me arit namenggaarak wonogwe, Eeko logogun o.

Matiyut 9:37

Inabuwa lombok mbake nagagerik, at oone waganggwi nogo yorage logonet, “Anggen yugu ka'let agaarak kwe, mbanggo menggaarak ineebe mbereeluk me,

Yaya 20:21

Inale'nggen ambik mbakwi iigak, Yetut nen ambinom yorage logonet, “Noreewi o. Kiniki kwippinip o. An nogoba nappani wagagerak nogo kwak, an nen kit nappinagage agarik o.”

Yaya 4:35

Kit nen, Tut 4 penembunuk, anggen yugu kole age kenok, Mbanuwok o, yogo monggotak nogo lek a? Togop aret yogo monggotak kwe, an nen yogondak aret yabu yarak me kinigen pekkaabagip nduk, yokkirage agarik o. Eebe kole age logonet, agari abu yi'nip agaarak me, mbaniyak aret agaarak o.

Nappiigak 13:2

It nogo inambe mage negen logonet, ninogoba Ala alut eekwi iigak, at Aberiniki nen yorage logonet, “Mbaranabat Tawulut imbirak an neyabu eeko logorak koonogo piyareegirak nogo, eeko logowak nduk leenogo mippiyaanip o,” yinuk, yoragagerak.

Nappiigak 8:4

It Ala apuri kole ma'narit nogogwaarak nogo nen, yi awi ndi awi wone obeelom wone yoranet nugu nogogwaarak.

1 Korindut 12:28

Ndi, Ala nen at apuri kuwak eeko menggaarak inenggela'me nen aa'nduk nappiigak mendek leenogo piige, ti'nuk, it inabu'me Ala wone yorogo menggaarak mendek mippiige, ndi, it inabu'me Ala wone mamunirogo menggaarak mendek mippiige, ndi, it inabu'me eerubok mendek eekwi, aakumi andi obeelom eeginakwi, yeenggwaarogwe, wone koonogo piigwi, inoone lombok lalin yogwe, inalitak lombok eerit nogo logowak nduk, unde agago piinok mippiyareegerak me,

Epetut 4:11

At nogo nen it ando nappiigak logowak nduk unde eeppiige, ando Ala wone yorogo logowak nduk unde eeppiige, ando obeelom wone yi awi ndi awi ambime yoragak nugu logowak nduk unde eeppiige, ando o ambit me Ala apuri liirogon inarum logowak nduk, eeppiige, ndi, ando Ala wone mamunirogo logowak nduk eeppiige, eereegerak.

2 Tetalonika 3:1

Ndi, ninoreewi o. Wone abu aret yokkirogoorak kwe, irip paga iluk ambi yi aret me, yokkiraawi o. Nit ninowe wone waganggo nogogutik, wiganinuk wundi nogo logonet, tiyappit nogo nogogutak nogo ti kokwak, nit togop aret yi awi ndi awi wiganinuk mbet-mbet nogo logowok nduk, ninake tamban eeko logonip o.