Matiyut 9:33 - Ala Wone Peenok Peebi Mbanak

³³ kugi nogo nggiginogo wumbege mbareegi, at oone lek wonagagerak nogo, oone warak aret agagerak. Oone warak age mbareegi, it aakumi kuwak aago nogo nen, “Wi!” yinuk, pi wako logonet, “Nit aap Iterali mendek niname yime togop ambi eekwi iigulik kwe, aap yi eeke kogo o,” yinuk, yereegwaarak kwe,

Matiyut 9:33 ပူးပေါင်းရင်းမြစ်များ

2 Endagembogut 5:8

Ndi, aap Ala wone liirogon eeka Elita nogo nen Iterali inowe endagembogut ayum nibinogo pateegerak aruk konengge nagagerik, wone eerogo nappege logonet, “Nonggop nduk kat kayum nibinogo pakendak? Aap Ala nen yorage kagak yoraga ambi Iterali inenggela'me wonage eenu aruwak nduk, aap ti, nowagam nappi mok o.”

Ndawi 76:1

It o Yekura wonogwe nogo nen Ala ineenu wonogwe, It o Iterali wonogwe nogo nen at endage tiyappugwi, Eeko menggaarak o.

Yetaya 35:6

Ne ti eyom paga it aap inendop maluk nogo, rusa ku'mbonggak nege menggi kwak, ku'mbonggak nugwi, Inoone yogolik iniki apit nogo inoone warak a'nuk, inale'nggen nen keekok yogwe, Eeko logogun o. Ne ti eyom paga o karume niyo eneeri nggwok aret kilanogo wumbit wage, Karume kwe, niyo nggwok nage,

Yeremiya 32:20

Aa'nduk o Metit paga ineenu agak iya eeriyak mendek inom, eerubok mendek inom, eerit wundi wagagindak nen nok, o yogondak yi kuli it Iterali inenggela'me inom, it aakumi abok inenggela'me inom, eeke yi paga o yogondak kendage wigak yegerak yi aret o.

Matiyut 8:10

Yoreegerak nogo at Yetut aruk konengge nagagerik, “Wi!” yinuk, pi wake logonet, at inom wogwe nogo yorage logonet, “It Iterali mendek inenggela'me nen aap iniki mondok iya lombok abet nombake yogop ambi an kaga'lek aret agarik o, yinuk, abet aret yokkiragi o.

Matiyut 9:32

It aap nogo yoranet nugwi iigak, aap ambi kugi inikime unggwagagerak oone lek wonage me, Yetut owagam wonok wogo mbareegwa,

Marakut 2:12

Awo yoge kagak, mi'nage nagagerik, agare'ngga ndoonak nogo yege menggerak nogo ko'nok, it abok inenggaanom paga endekem wungge mbareegi, it aakumi abok nogo nen, “Yogop eekwi nit ambi abu ninigen kogolik mendek aret eekerak yi, wi!” yinuk, at Ala wogoppogo logonet, pi wareegwaarak.

Lukat 11:14

Peebi ne ambi paga Yetut nen kugi ambi oone lek mendek aap inikime nen nggiginogo wumbege mbareegi, wundi nage kagak, aap oone lek nogo oone warak agagerak. Oone warak age mbareegi, it aakumi nen, “Wi!” yinuk, pi wareegwaarak.

Lukat 7:9

Yoreegwaarak Yetut aruk konengge nagagerik, “Wi!” yinuk, pi wake nagagerik, aakumi at mugurok wogwe nogo ena logurogon pegiige logonet, “It aakumi Iterali mendek kunduk, at iniki noba panggombunuk, mondok iya lombok abet nombake yogobi ambi an kaga'lek aret agarik o, yinuk, yokkiragi o.”