Matiyut 9:30 - Ala Wone Peenok Peebi Mbanak

³⁰ yorage mbareegi, inigen obeelom aret ogogwaarak. Obeelom ogo mbareegwa, Yetut oone omaawi togon yorage logonet, “Eekkinakirak yi, aakumi abu yoraagup o.”

Matiyut 9:30 ပူးပေါင်းရင်းမြစ်များ

Ndawi 146:8

Aliku ALA nen aap inigen mbuk kenok, Inigen obeelom eerogo piige, Aliku ALA nen aap inuut wandunik wonogwe nogo inuut pilanogo piige, Aliku ALA nen aap iniki abe koonak kenok, Iniki kunik aganake,

Yetaya 35:5

Ne ti eyom paga it aap inigen mbuk wonogwe nogo inigen kogwe, It inaruk logu nogo inaruk konenggwi, Eerugun o.

Yetaya 42:7

Aakumi inigen mbuk wonogwe nogo inigen paganogo piige, Keele maarak wonogwe nogo piinogo wumbiige, Ndi, it aakumi o apit me keele maarak negen wonogwe nogo keele piinogo wumbiya wage, Eeke logonok nduk, An panggonggake logonet, karum logogin o.

Yetaya 52:13

Aliku ALA nen ari logonet, “An nayeloman nogo iniki warak lombok logonet eerit nagin me, Endage tiyappugwi, wogoppugwi, eerit nogo logogun o.

Matiyut 12:16

“Aap yi nen eekerak, aakumi yoraagup o,” yinuk, inaruk wareegerak.

Matiyut 17:9

Puurom paga nen wambi wogo logonet, Yetut nen, “An aap aret nda'nagagirak yi, kambunuk nogo menggam nen awo mippanega'lek kagak, eeke kinigen neegotak nogo aakumi abu yoraagup o,” yinuk, inaruk wareegerak.

Matiyut 8:4

Lek aret age mbareegi, Yetut nen at yoge logonet, “Aakumi abu yoraagun o. At Ala unde nogo nen keebe pekkeyaawak nduk, owagam nak o. An obeelom eekkakirak me, Muta nen, Ala ake ndogop puurak o, yereegerak nogo ti, pege keyaawak nduk, pi nak o,” yinuk, yoreegerak.

Marakut 1:43

Obeelom age mbareegi, oone panggok togon yoge logonet, “Eekkakirak yi, aakumi abu yoraagun o. Aap Ala unde nogo nen keebe keyaawak nduk, owagam nak o. An obeelom eekkakirak me, at Muta nen, Ala ake ndogop eerogo puurak o, yinuk, yereegerak nogo, pege keyaawak nduk pi nak o,” yinuk, aruk warogo nappereegerak.

Marakut 5:43

Ndi, Yetut nen oone omaawi togon aakumi yorage logonet, “At kolaga obeelom eekirak yi, aakumi yoraagup o,” yorage nagagerik, “Mbi nawak nduk wogo'nip o,” yinuk, yoragagerak.

Lukat 5:14

Lek aret age mbareegi, at Yetut nen, “Aakumi abu yoraagun o. At Ala unde nen keebe pekkeyaawak nduk, owagam nak o. An obeelom eekkakirak me, at Muta nen, Ala ake ndogop puurak o, yereegerak nogo, pege keyaawak nduk, pi nak o,” yinuk, aruk warogo nappereegerak.

Lukat 8:56

Yorage mbareegi, kolaga agalo-ogoba nogo nen, “Ia!” yinuk, pi wako mbareegwa, Yetut nen, “Eeke neegotak nogo aakumi abu yoraagup o,” yinuk, inaruk wareegerak.