Matiyut 9:27 - Ala Wone Peenok Peebi Mbanak

²⁷ At Yetut o time nen nage mbareegi, aap mbere inigen mbuk me, inoone nggwok agan mugurok nogo logonet, “Ndawut ombooluk yi wae. Ninabuwa mbaru o.”

Matiyut 9:27 ပူးပေါင်းရင်းမြစ်များ

Matiyut 1:1

At Ndawut Abarakam imbirak inombooluk Yetut Keritut ombomini nda'narit wundi wogogwaarak inendage liiru mbanak yi o.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Matiyut 15:22

Nage mbareegi, kwe Kanan mendek ambi o time nen wundi wage nagagerik, oone nggwok paga at yoge logonet, “Ai, nogoba, Ndawut ombooluk wae! An naagaluk kolaga kugi inikime unggwage nagagerik, abu maluk eeppereegerak me, nabuwa mbaru o.”

Matiyut 17:15

“Nogoba wae. An napuluk kugi andi nggwok eeke nagagerik, eenggi-iyok puk-puk ege logonet, kulinik-kalinik kani kunik me mambege, kulinik-kalinik yiime mambege, eeke menggerak me, an nen wonok it kat koone waganggwi inowagam wagarak kwe, it nen obeelom eeriyak abu meek iigirak me, kat nen nabuwa mbake logonet, naput yi obeelom eeru o.”

Matiyut 20:29

Yetut at oone waganggwi inom o Yeriko nen wundi wogo mbareegwa, aakumi ambik mugurok wogwe iigak,

Matiyut 21:15

Obeelom eeginake mbareegi, it Ala unde inoweewi inom, it Ala wone liiru mbanak unde inom, nogo nen at Yetut yi iya tit, ndi iya tit, eeke inom, ndi, it wologwe mbuulogwe nen Ala awi wurik awoore'nggam time ina'mit yogo logonet, “Ndawut ombooluk Otana yuwok o,” yogwe wonogwe nogo inom, inigen iigo nogogwaarik, inanini agaket yogo logonet,

Matiyut 21:9

eeko mbareegwa, nogo paga wage kagak, it ando inaa'nduk wogwe, it ando ambo'me wogwe, eeko logonet, “Ndawut ombooluk yi, Otana, yuwok o. Ninogoba Ala endage paga wage yi, wogoppuwok o. It mbogut irimbaga menggaarak kunduk, Otana, yuwak o,” yinuk, keekok agan wogogwaarak.

Matiyut 9:28

Yorit mugurok nogwe iigak, at Yetut nogo oome unggwage nagagerik, wonage me, it aap inigen mbuk nogo at owagam wogo mbareegwa, Yetut nen it yorage logonet, “An nen kit obeelom eekkinaburak kiniki abet nombako ogotik ilik, lek a?” Yorage mbareegi, it nen, “E o, ninogoba.”

Marakut 11:10

Ninombo Ndawut abu'me pinanikit nduk wage me, wogoppuwok o. It mbogut irimbaga menggaarak kunduk, Otana, yuwak o,” yinuk, ina'mit agan wogogwaarak.

Marakut 9:22

Kugi yi, oba age logonet, ne ambi paga kani kunik me mambege, ne ambi paga yiime mambege, eeke menggerak me, kat nen yi eekak ndi eekak abok aret eeriyak op mbake kenok, ninabuwa mba'nuk, obeelom eerogo pinanu ubi!”

Lukat 17:13

inoone nggwok paga at yogo logonet, “Ninogoba Yetut wae! Ninabuwa mbaru o.”

Lukat 20:41

At ambinom kin wokkoorak inagabiti mbako mbareegwa, at Yetut nen it yorage logonet, “At Ala nen leenogo mippereegerak Mesias nogo ti, Ndawut ombooluk o, yogwe ti, nonggop togon yogo menggaarak mbakop?

Lukat 7:21

Ti eyom paga at Yetut nen aakumi apit kugi andi kunik inom, kugi andi yagan warit nugwi inom, kugi ogole warak mendek inikime unggwagagerak inom, obeelom eeginake, inigen mbuk nogo apit aret obeelom eeppiige, eeke me, nogogwaarak.

Yaya 7:42

Ala nen leenogo mippereegerak Keritut nogo ti, ombo Ndawut wonagagim o Mbe'lekem aret nda'narigin o, yinuk, Ala wone liiru mbaneegerak nogo lek a?” yinuk, yogogwaarak.

Oroma 1:3

Wone obeelom wone ti, Ala aput ninowe Yetut Keritut eereegerak wone nogo aret. At eebe ti, Ndawut ombooluk aakumi aret nda'nagagerak kwe,

Oroma 9:5

It inombomini ti, Abarakam inom, Itak inom, Yakup inom, aret me, it paga inombooluk Keritut nogo aakumi pogom aret nda'nagagerak. Yi mendek ndi mendek abok aret tebenak kagak at mondok tiyanak wonage at eebe Ala aret me, “Wa,” yinuk, mondok-mondok keyage wakak mban eeko logowok o. Amin!