Matiyut 9:18 - Ala Wone Peenok Peebi Mbanak

¹⁸ Yorage nagagerik, awo inom wone mbangge kagak, aap Yakuri tamban eeko menggam unde ambi wage nagagerik, Yetut abu'me tebe yinuk, yoge logonet, “Nogoba o. An napuluk muk kanggerak kwe, eebe keenggi piga nage keenok, eenik aret arigin o.”

Matiyut 9:18 ပူးပေါင်းရင်းမြစ်များ

2 Endagembogut 5:11

Yoreegerak nogo yori nage mbareegi, at Naman nogo anini aago nage logonet, “At neya wundi wage logomenggerik, nawin andime eenggi tebembaninuk, Aliku ogoba Ala nggino yoge kenok, nawin lek arigin mbakirak kwe,

Matiyut 14:33

Lek aret age mbareegi, it yiiro paga wonogogwaarak nogo nen Yetut ayuk wuko logonet, “Kat Ala aput abet aret keego o,” yinuk, yoreegwaarak.

Matiyut 15:25

Yorage mbareegi, kwe nogo wage nagagerik, ayuk wurogo alut eeke logonet, “Ai, nogoba. Obeelom eeppanu ubi.”

Matiyut 17:14

Liippogo nogogwaarik, aakumi kuwak aago inowagam wambi wogo mbareegwa, aap ambi Yetut owagam nage nagagerik, abu'me tebe yinuk, yoge logonet,

Matiyut 20:20

Yorage mbareegi, at Tebereyut apuri inagalo nogo aagalogwe inom Yetut owagam wogo nogogwaarik, abu'me tebe yinuk, kwe nogo nen Yetut yoge logonet, “An ambi ngginogiri o.”

Matiyut 28:17

Yetut iya wage inigen kogo nogogwaarik, ayuk wurogo alut eekwi iigak, it ando nen iniki yungguppegak yogwe wonogwe me,

Matiyut 8:2

aap ambi awin aaga'ne kunik Yetut owagam nage nagagerik, abu'me tebe yinuk, “Ai, nogoba. Kat nen obeelom ee'naburak mbake keenok, obeelom ee'naburak op aret o.”

Matiyut 8:25

Nogo yege wonage me, at oone waganggwi nogo, nogo nogogwaarik, eenik eeppogo logonet, “Ninogoba! Yi ndonggonninaburak eeke me, mbet-mbet ninagap ndaru o.”

Matiyut 9:17

Ndi, anggur amburu ngget mendek kambin agabolo paga yiiwak maan ogobakkigirik me tookwi kenok, kambin agabolo paga yiiwak ogobakkigirik nogo tubuk ari logonet, anggur amburu kiluk ari, ndi, yiiwak eebe telak ari, eeke menggerak me, anggur amburu ngget mendek yiiwak maan mendek nogo paga tookulik o. Ata, anggur amburu ngget mendek yiiwak ngget ogobakkigirik me, tookwi kenok, anggur amburu inom, yiiwak inom, enaani toolak aret menggerak o,” yinuk, yoragagerak.

Matiyut 9:19

Yoge mbareegi, Yetut mi'na'nuk imbirak nogwe me, at Yetut oone waganggwi mendek mugurok nogogwaarak.

Matiyut 9:24

“Kolaga yi, kambulik we nogo yege me, mbaganinip o.” Yoragagerak kwe, it nen at agi'ndok kambeegwaarak.

Lukat 13:14

Ti eeke mbareegi, aap Yakuri tamban eeko menggam unde nogo it tamban eekwi paga Yetut nen kwe nogo obeelom eekerak kage nagagerik, anini nen aakumi apit yorage logonet, “Yabu eeriyak nduk nogo 6 kuli yuurak wonage me, nogo 6 kuli yuurak ti paga ugun andi obeelom eekkinabuwak nduk, wogo logomunggup o. Nit tamban eekwi yi paga wagak yuurak lek o.”

Lukat 18:18

It aap Yakuri inowe ambi nen Yetut yoge logonet, “Ngguru wae! Kat obeelom mban menggendak me, an mondok-mondok neenik logokit nduk, nonggop eeri o?”

Lukat 7:2

Unggwi wage nagagerik, wonage me, it aap yigin unde inowe ambi ayeloman iniki kunik me, andi warak abu kambuurak eeke wonagagerak.

Yaya 11:25

Yoge mbareegi, Yetut nen at yoge logonet, “Aakumi ineenik agago mippiige minggirak an aret me, aap ambit ambi nen iniki noba panggombunuk, abet nombake kenok, kambemenggerak kwe, eenik a'nuk, mi'narigin o.

Yaya 11:32

Mugurok nogwe me, kwe Mariya Yetut wonage me ka nage nagagerik, Yetut abu'me tebe yinuk, “Ai, nogoba! Kat yime mbet-mbet woraanetak en, an noweeluk kambenetak lek o.”

Nappiigak 13:15

Kwi'nogogwaarak wonogwe me, it tamban eeko menggam arum menggaarak nogo nen Ala yereegerak Muta nen liiru mbaneegerak wone inom, Ala nen yorage kagak yorogo nogogwaarak wone liiru mbanak inom, pekkagak yorogo nogogwaarik, “Nit niniki eyak wappinaniyak wone ambi wonage kero yo'niraawak nduk, ninoreewi ti, kin wogiyet o,” yinuk,

Nappiigak 28:8

Nogo eyom paga at Pubiliyut ogoba nogo at ame logonet, inikime kani pege, aanubut eeke, eeke wonage me, at Pawulut nogo ka unggwage nagagerik, anobak eenggi pippunuk tamban eeke mbareegi, obeelom aret agagerak.