Matiyut 9:16 - Ala Wone Peenok Peebi Mbanak

¹⁶ Ndi, yum maan yugu paga ligi ngget laanogo penggaakwi kenok, ligi ngget laanak nogo wonage kagak, yum maan yugu nogo nggwok togon nibik ari menggerak me, ligi ngget laanogo yum maan yugu nogo paga penggaakulik o.

Matiyut 9:16 ပူးပေါင်းရင်းမြစ်များ

Wakkagagerak 33:14

an kayeloman napurilogwe inom, naanggumi inom, it tu nogo mengga kwak eerok aret ndegeniren kambo'me yanabek kat o Erom wonage me, keya woraakit nduk, nowe, kat kaa'nduk aret nage logot o.”

Ndawi 125:3

It aap maluk mendek inowaanggun aap iniki abe koonak Inanggween wogoragagerak nogo paga mondok-mondok yinik logogin lek o. Yinik logonetak en, It aap iniki abe koonak ineenggi paga nen it aap maluk eeka nogo, Maluk eeppiigo logonetak o.

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Matiyut 9:15

Yogo mbareegwa, Yetut nen, “Aap kwe kolage me, owe-awot inom laago larak nonggo logonet, it iniki aaninggin nen puru aago logorak mbakop? Lek o. Owe-awot wonogwe iigak, ogonggelo nogo mban wonok noorak eyom panggoni wage nogo paga perak, iniki aaninggin nen mbi nengga'lek inambe mage negen eeppunuk logogun o.

Matiyut 9:17

Ndi, anggur amburu ngget mendek kambin agabolo paga yiiwak maan ogobakkigirik me tookwi kenok, kambin agabolo paga yiiwak ogobakkigirik nogo tubuk ari logonet, anggur amburu kiluk ari, ndi, yiiwak eebe telak ari, eeke menggerak me, anggur amburu ngget mendek yiiwak maan mendek nogo paga tookulik o. Ata, anggur amburu ngget mendek yiiwak ngget ogobakkigirik me, tookwi kenok, anggur amburu inom, yiiwak inom, enaani toolak aret menggerak o,” yinuk, yoragagerak.

Marakut 2:21

Yum maan yugu paga ligi ngget laanogo penggaakwi kenok, ligi ngget laanak nogo wonage kagak, yum maan yugu nogo nggwok togon nibik ari menggerak me, ligi ngget laanogo yum maan yugu nogo paga penggaakulik o. Togop penggaakwi kiinok, ngget yugu nabenak nogo enaani wonage kagak maan yugu nogo nggwok togon aret nibik ari menggerak o.

Lukat 5:36

Yorage nagagerik, wone eegu laarogo yorage logonet, “Mbogoyum ngget mendek ambi nibinogo mbogoyum maan mendek nogo paga nabenogo penggaakwi kenok, mbogoyum ngget nibinggwi nogo maluk age, ndi, yum ngget mendek nibinogo waganggwi nogo, yum maan mendek nogo paga nabenogo penggaakwi kenok, enete imbirak ndak-ndak ageelik alik age, eeke menggerak me, mbogoyum ngget mendek ambi nibinogo mbogoyum maan mendek nogo paga nabenogo penggaakulik o.

Yaya 16:12

Noreewi o! Wone ando ambik yokkiroorak wonage kwe, kit yogondak woorak meek aret o.

1 Korindut 13:13

Ti kenok, niniki abet mbakwi inom, niniki lunik wonogwe inom, aakumi inabuwa mbakwi inom, wone alom kenagan wonage kwe, nabuwa-kabuwa mbakwi ti perak, mondok tiyanak aret wonage agaarik o.

2 Korindut 9:12

Aakumi inabuwa mba'nuk, kuwak eerogo wogorogwe nogo ti, it Ala apuri aaninggin inoba wonage nogo, lek age, ndi, it aakumi apit nen Ala, “Wa!” yinuk, keyage wakwi, eerugun me, yeenggwaarogo logorak op aret o.